chinatown

[babatriestina]

Mi go visto una vera Chinatown a New York e xe tuto altro, molto più oittoresco, ma visto el moltiplicarse de negozi cole lanterne rosse diria che la zona del Borgo Teresian fra el Canal e la Stazion ormai xe bastanza batudo de cinesi per ciamarlo Chinatown. Mi lo ciamassi "Borgo Teresiano settentrional" perchè el ga caratteristiche diverse de la parte fra el Canal e el Corso, c he invece xe in parte pedonalizzado e ga una parte de negozi de lusso. questo inveze no ga gnente de lusso, anche se ghe xe un per de studi medici, la Posta, un pochi de uffici, e nol xe distinto de anni, sia per i negozi de strazze dei jeansinari che a mio modesto parer iera quasi precisi de sti cinesi, sia per la fauna notturna che ghe iera ( no so se i la ga contegnuda o no), che però mi me ricordo che co iera la stagion lirica ala sala Tripcovich mi passavo de sola al ritorno e nissun me ga mai importunado:
ecove una foto cussì de via Roma, verso le Poste

[AdlerTS]

Go za espresso la mia mancanza de simpatia per 'sta Chinatown, ma sta volta non digo niente

[Tirabaralla]

Io ho dei bei ricordi di questa zona e di questi negozietti ^_^

[giuli]

che tristezza...

[ffdt]

[...]jeansinari che a mio modesto parer iera quasi precisi de sti cinesi[...]

Anche mi no ghe trovo nisuna diferenza sostanzial tra i do grupi ... el fato che i jensinari i gavesi anche comesi/e de cua no me par numericamente significativo per distinguerli de i cinexi. In fin de i conti xe de dir che cuela volta iera una faxe de boom economico e cuindi tuti asumeva e iera facile de trovar lavor e inveze adeso anche se forsi no semo in recesion de sicuro no xe bubane ... no son cusi' sicuro che se fusi ancora i mati de 'l suditalia i gavesi piu' gente de cuel gnente che ga i cinexi ... come anca no son sicuro che se fusi un novo bum economico i cinexi no i asumesi nisun de cua ... anche se de sicuro i xe piu' che i se iuta tra de lori (ma cua xe anche de dir che i xe piu' lontan de caxa).

In soldoni per mi i do grupi i ga un efeto cuantitativamente simile su l'economia de la cita'.

E comuncue come che xe finidi i jensinari finira' anca i cinexi ... e c'o rivera' cuei de dopo ghe sara' chi che dira' che "iera meio i cinexi" ;-D ;-D ;-D ;-D

Ciau ciau

Franco

[Nona Picia]

E comuncue come che xe finidi i jensinari finira' anca i cinexi ... e c'o rivera' cuei de dopo ghe sara' chi che dira' che "iera meio i cinexi" ;-D ;-D ;-D ;-D

Ciau ciau

Franco

.....E se continuerà cussì per secula seculorum!
Ciao ciao

[AdlerTS]

E comuncue come che xe finidi i jensinari finira' anca i cinexi

Franco, te son baladevetrico !

L'altro giorno sul Piccolo i scriveva che 'sti cinesi se lamenta che non ga lavor e qualchidun tentava de spiegarghe el concetto de "saturazione del mercato"
Chissà, adesso per trovar lavor i doverà tornar in Cina, che là xe tutte le fabriche europee

[ffdt]

[...]Franco, te son baladevetrico ![...]

el solo problema xe che xe sai delicatico ;-D ;-D ;-D ;-D ;-D ;-D ;-D ;-D

comuncue, per parlar seriamente, el truco xe solo che de tignirse i margini largheti e ragionar in 4 dimensioni inveze che in 3

ciau

Franco

[cenerentola82]

L'altro giorno sul Piccolo i scriveva che 'sti cinesi se lamenta che non ga lavor e qualchidun tentava de spiegarghe el concetto de "saturazione del mercato"
Chissà, adesso per trovar lavor i doverà tornar in Cina, che là xe tutte le fabriche europee

Sul Picolo iera anche scrito che i se lamenta che i triestini i ghe domanda sconti sule mudande che costa un euro....

[babatriestina]

e adesso el assessor al traffico (?) ga protestado che le lanterne rosse no va ben, che i triestini le podessi scambiar per semafori

[cenerentola82]

e adesso el assessor al traffico (?) ga protestado che le lanterne rosse no va ben, che i triestini le podessi scambiar per semafori

Ga ragion. Go visto mi ingorghi de auti davanti ai negozi cinesi spetar che le lanterne diventi verdi.

[Nona Picia]

e adesso el assessor al traffico (?) ga protestado che le lanterne rosse no va ben, che i triestini le podessi scambiar per semafori

Ga ragion. Go visto mi ingorghi de auti davanti ai negozi cinesi spetar che le lanterne diventi verdi.

Semo diventai per vero cussì "cretini"?

[snif]

e adesso el assessor al traffico (?) ga protestado che le lanterne rosse no va ben, che i triestini le podessi scambiar per semafori

Ga ragion. Go visto mi ingorghi de auti davanti ai negozi cinesi spetar che le lanterne diventi verdi.

Cenerentola

[nanaia]

Cenerentola, pecà che no son bona de meter i pupetti come snif
però fa conto che li gabio messi: tremenda!!!!
nanaia

p.s. nona picia....... sii difidente

[ffdt]

[...]tremenda!!!![...]

ma no, dai ;-D ;-D ;-D ;-D ... iera un witz cocolo ;-D

cuetsa inveze la xe vera ... tempo indrio riva un colga tuto de furia co' un paco soto scaio ... vardo meio e vedo che xe una de ste lanterne cinexi ... ;-D ... ghe domando indove che 'l la ga rubada e 'l me fa che la bora ghe la ga xbatuda cuaxi un muxo (iera per vero bora cuel giorno) che no 'l saveva de chi che la iera, che se 'l la lasava la` la finiva in mar e cusi` 'l la ga ciolta ... e 'l la ga ciolta per impicarsela in uficio perche`, 'l ga dito, che "tanto cua semo come i cinexi ... sai lavor e pochi soldi" ;-D ... pero` forsi el iera solo che stufo de spetar co' 'l auto che la diventi verde ;-D ;-D ;-D ;-D ;-D ;-D

ciau ciau

Franco

[Nona Picia]

p.s. nona picia....... sii difidente

Te ringrazio per la gentileza, ma te podevi anche dir "meno scema", anche se in realtà ghe iero rivada un secondo dopo che go spedì el mess.

[nanaia]

nona picia: no go mai pensà altro che difidente po' essendo de famiglia, semo del steso stampo
nanaia

[AdlerTS]

Tutti "politicamente corretti" ?
Nissun commenta i cinesi che a Milano lamenta troppi controlli de polizia ?

[babatriestina]

Nissun commenta i cinesi che a Milano lamenta troppi controlli de polizia ?

i conta de Milan, ma no savemo ben cossa che ga inescado la protesta a Milan, almeno parlo per mi. Qua savemo che ogni tanto xe qualche problema, ma in complesso i cinesi nostrani me par che lavori ssai- li go visti verti lunedi de Pasqua che nissun botegher triestin iera verto- e in complesso no i disturbi tanto.
Mi me piasessi che i vendessi meno strazze e qualche prodotto tipicamente cinese in più: no go mai trovado quella pasta de inchiostro cinese che se dopra per metter i timbri cinesi ( go un col mio nome, ricordo del viaggio in Cina che dopravo tipo ex libris).
Mi devo dir, che se no i porta malavita, più gente de tipo esotico vedo in giro e più me dà la sensazion de esser nela vera Trieste, città cosmopolita

[Nona Picia]

Mi gavessi anche comentà, ma no savevo se iera un argomento che ve gavessi interessà.
Adesso dopo due giorni, digo solo che spero che i cinesi de qua no se impizi come quei de Milan e i provochi un casin compagno. Comunque, indipendentemente da come se cominciade le robe nel milanese, son del'idea che "Paese che vai, usanze e regole che trovi" e tutti devi rispetarle, anche se no ghe comoda, se i vol viver in quel paese.