Go letto un simpatico libretto intitolado " La casa del Tram de Opcina", de Michele Grison (Ed. Luglio), e xe divertente leger le diferenti versioni sul famoso incidente del tram "che vignindo zo per Scorcola una casa ga ribaltà".
Per
l'Osservatore Triestino el frenador iera Antonio Sossich (che se romperà la clavicola), mentre a bordo ghe iera el fattorino Schnabl e i operai della linea Simonich e Orel (che salterà tuti e 3 a terra);
Per Pertot,
IR ispetor de Polizia el frenador iera Simonich, el conduttor Schnabl (i salterà tutti e 2 a terra) e a bordo iera i operai della linea Anton Sossich (che vegnerà estratto dai rottami) e Oren (che salta a terra)
Infine per el
Piccolo el frenador iera Simonich, el conduttor Schnabl (i salterà tutti e 2 a terra), e a bordo iera i operai della linea Orel (che salta a terra) e Sossich (che se romperà la clavicola)
Ogi xe opinion comune che frenassi Sossich, ma 2 a 1 disi de no (anche se xe sicuro che xe lui che se ga fato mal)
Saria anche de capir se el se ciamava Antonio o Anton (ma se el iera de Opcina penso che el fussi Anton
)
Inoltre el danno xe stado de ben 25000 corone, e la casa sulla quale i xe piombati la xe stada prorpio sventrada, al punto che se vedeva el soggiorno dall'esterno
Logicamente i la ga demolida.
Xe sta un ben che el ga centrado la casa, perché poche decine de metri più a valle gavessi trovado la carrozza che vigniva in su, e non voio pensar al potenziale numero de vittime
Per finir, pareria che vicin alla casa demolida ghe fussi un'altra, solo parzialmente danegiada, tuttora esistente: nel 1976, risistemando la pavimentazion de questa, i ga trovado una targhetta de ferro de 20 x 3 cm , gialla, con la scritta nera NON SPORGERSI
Iera un toco della carrozza distrutta rimasto la per più de 70 anni.
Se volè spender 5 euro sto cocolo libreto lo go trovado in edicola....
... per adeso intanto no solo no i lo distriga ma i lo valoriza ... che dopo piaxi o no piaxi "come" che i lo fa xe lecito ... e a mi, per exempio, no so se me piaxi sta "nova" stazion ... pero` i ghe sta fazendo cualcosa che dimostra che almeno ghe xe 'l interese de tignirlo vivo 
