Castelmonte

[AdlerTS]

Visto che a Nona Picia ghe ga piasso el giretto a Cividale, ghe metto anche due foto de un postisin la tacado, Castelmonte.
Per chi ga fede, xe un posto de grazia divina, per chi non ga fede, xe comunque un canton de pase e serenità.

[AdlerTS]

Se trova in cima a 8 chilometri de tornanti poco via de Cividale.
Lassù in zima i se nascondeva dalle calate dei barbari in Friul.
Oggi se presenta come un castelletto fortificado con all'interno la chiesa dei francescani.

[AdlerTS]

Come podè veder, se domina ben la valle

[AdlerTS]

Qua go zontado un fior artificialmente per sconder mia fia che jera entrada in campo

[AdlerTS]

Xe veramente impressionante el numero de ex voto raccolti in sta cesa: ghe ne sarà migliaia, dal 1700 a oggi.

La due particolarità de sta Madonna xe che la xe scura de pelle (e se pense dove la xe nata non saria nianche sbagliado) e poi se intravedi un seno verso cui tendi el bambin Gesù.

[AdlerTS]

Questo xe el pozzo esterno: ripeto che se un non ga fede, comunque pol visitarlo come "isola serena" lontan dal casotto cittadin. Dall'altra parte del parcheggio xe un bel parco verde atrezado de panchine dove un pol passarse el pomeriggio ciapando aria bona

[babatriestina]

ecove el santin dela Madonna de Castelmonte

mi no go mai capido se le c.d "Madonne nere" xe semplicemente quadri o statue che coi anni ( e col fumo dele candele) se ga scurido o se le xe nate cussì.
ghe xe una legenda cocola, de montagna, sula Madonna de Castelmonte: Una volta a Castelmonte la Madonna e el diavolo ga deciso de far una gara a chi che arivava prima sul santuario del M Lussari: naturalmente ga vinto la madonna, ma con un trucheto/miracolo ! la ga taiado dritto oltre el Canin , creando el foro del Monte Forato!

[Nona Picia]

Visto che a Nona Picia ghe ga piasso el giretto a Cividale, ghe metto anche due foto de un postisin la tacado, Castelmonte.

Te ringrazio Adler. Conosso Castelmonte, xe veramente un posto de raccoglimento e serenità, co te son là te se senti in pase col mondo.
Me ga piasso anche la tua cronaca de Giassico.
Ciao ciao