Ultimi arrivi

[MisterKappa]

Qualche cartolina interessante trovada durante sti mesi estivi.

Comincio con questa (circa 1952) del motoscafo LUCIANA che fazeva servizio per el bagno alla diga. Sto nome lo gaveva de dopo de la guera, prima el se ciamava ADUA. El ga durado fin al 1968.

[MisterKappa]

Questa inveze xe la stazion de Campo Marzio appena finida de costruir.

Interesante quella casetta col teto piato che se vedi in primo pian, con quel tocheto de muro tacado.
Credo che fusi quel che restava del bagno Fontana, con quei tre archi sul davanti, anche se no son tanto sicuro per via de come che xe messi i binari.

[MisterKappa]

Per questa sicuramente Macondo ne darà ampie spiegazioni.

[MisterKappa]

Panorama verso la stazion, anni '20.
Curiosa quela strutura che se vedi in primo pian, otagonale con pice finestrele su un lato sì e uno no. La xe coverta con una rede, e credo che fusi una voliera per usei. In qualche traversa de via Udine, anche se non rivo a capir dove.

[MisterKappa]

Riva Grumula subito dopo la fine dela guera, da vardar con calma.
Manca la piscina Bianchi e el magazino vini xe ancora in uso. Le sedi dei canotieri xe ancora quele tre galegianti, ma i sta costruendo la base per quele nuove.
Ormegiada ala riva xe una specie de casa galegiante, chisà cossa che jera.
Do omini vizin ai binari del treno, forsi i sta lavorando (un se suga el sudor dala fronte).
El toco de binario che dallo scambio piega verso el basso della foto par che el sia stà apena messo.
E ancora no xe el distributor de l'Aquila.

[MisterKappa]

Un'altra, de Prosecco, la go messa tra i Paesi Carsici, con una domandina facile facile.

Sto anno son andà in vacanza a giugno, cusì tra luglio e agosto me son anoiado visto che iera tutti in ferie e in giro no se trovava gnente de bel.
Un giorno che iero in crisi de astinenza me son ridotto a cior questa

no la xe OT, de drio la ga la publicità dell'allevamento "Della Julia"

[Nona Picia]

Anche ti te ga un bel po' de cartoline! Assai bele.
ciao ciao

[AdlerTS]

Riva Grumula subito dopo la fine dela guera, da vardar con calma.

... della seconda guerra, se vedi el faro della vittoria e l'università nova

[macondo]

Per questa sicuramente Macondo ne darà ampie spiegazioni.

Perché mi? Infatti no go idea de dove la xe

Comunque Franco, quando torno dele ferie te scrivo in privato...Me sento ancora colpabile per gaverte fregado una cartolina in ebay

Te vederá che se metemo d'acordo

[refolo]

Povera Maria.....

mi go' una della Freccia Azzurra, che va' fin...forsi a Venezia? nessun me ga' mai dito niente! Credo da come ch la parti la devi far assai chilometri?

Se la esisti ancora, diseme per favor?

Maria aka refolo

[MisterKappa]

Perché mi? Infatti no go idea de dove la xe

Proprio sicuro?? Questo xe el retro

[refolo]

Ti te ga' la cartolina dei Riosa, mi go' ancora un toco de stoffa che la zia de Macondo me ga' frega' ela se gaveva fatto le coltrine per l'osteria in via Solitario e mi sfoggiavo un due pezzi cotola e giacca della stessa stoffa.....

Una baruffona de Bosutti, dove podevo anche vinzer la causa, perche' la stoffa iera classificada.....STOFFA FINEMENTE IMPORTATA PER TAILLEUR
PRIMAVERILI! se invece de mi' iera stada la Baronessa Banfi....allora te vedevi chi che vinzeva.

Maria aka Refolo

[macondo]

Perché mi? Infatti no go idea de dove la xe

Proprio sicuro?? Questo xe el retro

De Riosa a Trieste ghe ne xe tanti...

No go nisuna parentela importante, sia cola bireria che col negozio de stofe (che lori xe de Piran e mi papa iera de Capodistria...)

[MisterKappa]

Riva Grumula subito dopo la fine dela guera, da vardar con calma.

Ho avuto altre notizie da un amico ben informato, che riporto di seguito.
La foto dovrebbe essere del 1951, data l’estensione dei lavori sul pontile Istria. Mancano del tutto la Piscina e il Sanatorio Santorio.
La casa galleggiante in primo piano è la sede della Società Triestina della Vela (quella volta Società Filonautica Triestina), che l’aveva acquistata nel 1925 dall’Adriaco che era appena entrato nella casetta di mattoni del molo Sartorio.
La casa era stata costruita per l’Adriaco nel cantiere Voltolina di Muggia nel 1909.
Le altre tre sedi galleggianti, che si vedono in secondo piano, appartenevano, da sinistra:
Società Ginnastica Triestina, Associazione Canottieri Trieste, Società Canottieri Adria.
Nel 1956 spariranno tutte e quattro col trasferimento delle società nelle nuove sedi del pontile Istria.

[AdlerTS]

Son contento che i amici ben informati butti l'ocio ogni tanto

[babatriestina]

E el magazzino vini ga ancora el tetto

[MisterKappa]

Nei primi anni '30 l'editore Garioni di Piacenza pubblica 400 cartoline della serie "Visioni d'Italia", cinque per ognuna delle 80 maggiori località italiane; molto curate dal punto di vista grafico, sono racchiuse in contenitori con una elegante grafica liberty. Le cinque cartoline di Trieste hanno dei soggetti abbastanza scontati (Piazza della Borsa, San Giusto, il Faro, Miramar) ma quella di Piazza Unità presenta una piacevole sorpresa. E' infatti ben visibile uno dei pili portabandiera innalzati nella piazza prima di quelli attuali.
Costruiti completamente in legno, con il basamento formato da tre fasci, furono sistemati nel 1923 e probabilmente durarono fintantoché non furono sostituiti da quelli attuali in bronzo.

Purtroppo non ho altre foto ma, prendendo per buona questa tempera di Carlo Rosignani, vediamo che erano tre e abbastanza ravvicinati.

[AdlerTS]

.. e quel in mezzo alla strada ? Xe anche un portabandiera ?

Saria bel veder anche el contenitor dall'elegante grafica liberty

[MisterKappa]

Quel in mezo ala strada xe la base de un feral.

Ecco el contenitor (e no domandarme cossa che xe el bromuro nero)

[AdlerTS]

Ghe go chiesto ad un mio collega che se missia de 'ste robe una spiegazion sulle "bromuro nere". Non el jera sicuro nianche lui, però el bromuro d'argento, ogi comunemente usado nelle pellicole, jera ancora una mezza novità nei primi del XX secolo. Probabilmente stava a significar che le foto nasseva in bianco e nero e non in seppia.