La risiera de San Sabba

[ranny84]

mi no ghe son mai stada...e già le foto rendi l'idea della tristezza...ma cmq voio andar a veder un giorno.
perdona la mia ignoranza..ma la sala delle croci...che te ga messo tipo 3-4 foto..che xe alta (par) con i legni incastrai..ma a cosa serviva? cosa iera?

[sum culex]

In quel edificio (segnado cola letera 'G' nela prima piantina) iera le camerate dei rpigionieri. Dela costruzion xè rimasti praticamente solo i muri esterni, de dentro la xè stada svodada (come del resto anche tute le altre: vedi la foto de un particolar de l'interno de una finestra) trane che le travadure principai che se vedi nele foto. Al'alteza dei travi orizontali iera i pavimenti dei vari piani, come che se intuisi anche dale finestre.
ciao
zoom culex

[refolo]

Sum........ghe ne iera un'altra Risiera a UDINE!......non un'edificio preciso del nostro, ma notorio per quei che iera prigionieri.

Un per de furlani, ga' fatto scampar un mucio, specialmente donne verso i campi de frumento, e percio' che non vadi drio i Tedeschi i fazeva foghi in un'altro campo, i taiava el gran e muciava i covoni, i Tedeschi infilzava con la baionetta, ma noi ga' mai trova' nessun.

Go' pena fini' de legger le pagine de due donne, Maria e Shirka (credo che per talian vol dir Cecilia?). Una xe morta ma l'altra xe viva, le devi esser sull'ottantina.

Maria aka Refolo

PS. mio papa' iera in Risiera.....salva' per miracolo, non tutti i soldai iera
che tegniva per el pazzoide.

[refolo]

Scuseme, ma la mia cagnetta me tegniva con la zatta el mio mouse.....go' clicca' do volte...

cancelle' el primo mesaggio.
grazie.

[babatriestina]

. Dela costruzion xè rimasti praticamente solo i muri esterni, de dentro la xè stada svodada (come del resto anche tute le altre: vedi la foto de un particolar de l'interno de una finestra) trane che le travadure principai che se vedi nele foto. Al'alteza dei travi orizontali iera i pavimenti dei vari piani, come che se intuisi anche dale finestre.

per anni dopo la guerra nissun ghe ne parlava, po i ga deciso de meterla a museo, per l'occasion i ga fato apunto i muri de cemento armato, me par che l'architetto sia stado Boico. La statua xe de Mascherini.

[Coce]

In un certo modo mi me sento privilegia' in riguardo ala Risiera perche' go avu' esperienze personali. De muli noi andavimo spesso a far el bagno
tra la ferriera e la rafineria Standard, e l'acesso iera proprio per la strada dove xe la Risiera. Questo vecio fabricato iera una caserma Militar Italian durante la guera, che dopo l'8 Settembre xe sta' occupa' dai tedeschi.
I forni xe sta' fati saltar durante la notte quando i se ga' ritira', la matina dopo.
Mi con altri due muli semo andai in cerca de roba de magnar in Risiera,
credo che iera el 30 Aprile 1945, e la' proprio come che passavimo per le macerie dei forni gavemo visto el primo solda' Inglese in pien assetto de guera, el iera solo' e molto cauto, no so' de dove che el xe vegnu', forsi sbarca' a la rafineria. El fato xe strano perche' no gavemo visto nissun altro Alleato fino a 2 o3 giorni dopo. Noi no gavemo trova' niente in Risiera, e gavemo continua' verso el Stadio Valmaura dove gavemo trova' un fortin de sachi de sabia al sbocco de via dell'Istria rivoto verso el Piazzal, nel stesso tempo un grosso presidio de tedeschi con carri e muli vegniva per la via Flavia verso citta', i se scondeva soto i alberi e soto le pensiline de entrata del Stadio, perche' in alto sorvolava un per de aereoplani. Noi semo tornai su per la via dell'Istria a casa in via Soncini. la strada per citta' iera bloccada al Ponte Sant'Anna dai nostri partigiani
(Gente locale che noi conosevimo). All'imbrunir del stesso giorno i primi soldai Partigiani (Yugoslavi) xe rivai assai assai stanchi, i se ga apposta', e nela mattina seguente i ga soverchia' el presidio tedesco e iera la fine dela guera per noi . Questi fati li go scriti anche nele mie memorie in Inglese, forsi con meno dettagli. Ciao a tuti Coce

[refolo]

E!....Coce, ti ancora te son un per de anni piu'...v....scusa GIOVANE!

anche mi' go' scritto tutto nel mio libro, piu' dettagliado, anche perche' in quel momento come che te disi ti', gavevimo un membro della famiglia morto......e se te ricordi ben? chi vegniva sepelli' in Via della Pace?

Mamma quanta paura....ma i disi che bisogna dimenticar? ma forsi quando
saro in buso anche mi'.

Maria aka Refolo

[giuli]

Grazie Zoom per l'esauriente reportage!

[sum culex]

Sum........ghe ne iera un'altra Risiera a UDINE!......non un'edificio preciso del nostro, ma notorio per quei che iera prigionieri.

Maria aka Refolo

PS. mio papa' iera in Risiera.....salva' per miracolo, non tutti i soldai iera
che tegniva per el pazzoide.

No meto in dubio che a Udine che sia stada un'altra 'risiera', che comunque no iera un campo de sterminio. Quela a Trieste se ciama risiera proprio perchè iera una ex industria che lavorava risi (vedi anche el nome dela via adiacente: Ratto della Pileria) e insisto a dir: Xè notorio che l'unico campo de sterminio con anesso forno crematorio, operante in Italia iera a Trieste.

Te digo anche questo: mia mama, prelevada a casa ale 6 de matina del setembre '44 dale SS, la xè stada portada in risiera, ma purtropo no la se ga salvà.

Ti te parli in general de soldai, ma bisogna distinguer:
La Wehrmacht iera militari normali e no tuti iera cativi
La Gestapo iera polizia politica e gran parte iera cativi
E po le SS iera proprio scelti per la loro malvagità, iera tuti vestidi de nero e no per gnente come simbolo i gaveva el teschio.

Ciao
sum culex

[ranny84]

ex industria de riso?? prima ancora de esser caserma militar?

[AdlerTS]

Caserma in senso stretto non jera mai

[Coce]

El nome vecio de la risiera credo che che iera "La Pileria del Riso",e questi edifici i ga una storia travagliada. Adler te posso assicurar mi che dentro iera militari Italiani nel '42 '43. nel '43 '44 iera stai ricoverai tanti
Zarattini sfollati dei bombardamenti, e credo che sia in questo periodo che i tedeschi ga occupa' la caserma, infati la gente de Zara i vegniva in rifugio nela Galeria "via dell'Istria- Piazza del Fien" che no la iera ancora sbusada e i ghe contava a mia Mama ( Anche ela Zaratina) Che i sentiva i zighi dela gente che vegniva torturada.
In riguardo a Piazza Foraggi- Caduti Fascisti ecc.. Mi go sempre abita' de quele parti a Trieste e te assicuro mi che nei anni '30 la ciamavimo sempre PIAZZA DEL FIEN.
Ve saludo Coce

[refolo]

Nessun, e forsi nianche Coce se ricorda che subito dopo l'arrivo dei Alleati,
el capanon grande della risiera lo gaveva compra Vinattieri, el strassariol de via Caccia, (Toscan de nascita).

Iera cussi grande che un areoplan podeva facilmente svolar dentro.
La', xe sta' crea fora un servizio, de separar la lana-coton-roba sintetica, per venderla ai riciclatori, e far sia che tappedi o altri prodotti de tapezzadure.

organizza' trasporti ecc. non so' quanta gente che lavorava dentro. Ma come tutte le robe devi esserghe sempre el diavolo che metti la coda, d'avanti de sta povera donna un autista ghe ga' copa' el fio, tra el camion e rimurcio.......quel che suo papa' ghe diseva, chel devi spettar che divento una signorinetta, e sposarse con mi'.

Tragicamente, tutto finido, e dopo lassado al Comun per la comunita' Ebraica.

Maria aka Refolo

[Nona Picia]

Sul giornal "Avvenire" de ogi go trovà questa notizia:

Dachau mostra la Risiera di Trieste.
.........
L'inaugurazione sarà venerdì 20 giugno a cura dellassessorato alla Cultura del comune di Trieste. Si tratta di una copia della rassegna permanente esposta nel Monumento Nazionale a Trieste, curata da Elio Apih.
........
E' un progetto di scambio con la città ed il Museo-Memoriale di Dachau promosso dalla direzione dei Civici Musei di Storia ed Arte nel 2006, quando
una delegazione di alcuni ex deportati triestini nel lager bavarese e guide didattiche del Civico Musei della Risiera di San Sabba - Monumento Nazionale, fu a Dachau in visita d'istruzione.

[mandi_]

UN pensiero e una preghiera granda, Sum, per la to mama . Scuseme

Mandi

San Sabba.jpg (77.43 KiB) Visto 1766 volte

[teseff]

Non ci sono mai stato. Ho visitato altri istituti di detenzione e campi di sterminio e l'esperienza ti lascia sempre senza parole.