arredi urbani: espositor per manifesti

[babatriestina]

Fra le pice robe che se vedi in giro, in Piazza dela borsa ghe xe la colonnina verde ex espositor manifesti, in sto momnento trovo soloc he una foto bruttina, ma per adesso la posto per un confronto:
ecola qua

e eco i sui gemei parigini, molto più diffusi, sempre in funzion, speso luminosi o girevoli

e eco i gemei viennesi

El nostro xe stado fato qua a Trieste, del stabilimento Holt ( e mi gavevo una foto col particolar, ma no rivo a trovarla ), sti Holt iera inglesi e i gaveva la fonderia se no me sbaglio in via Gambini.
Po col tempo i ga serado, e i gaveva una villa in zona S Vito, più o meno dove che adesso ghe xe via De Rin. Co xe morta la vecia Holt, a oltre 90 anni, nei anni 60, i ga butado zo la villa e i ga lotizzado e fato villette.

[AdlerTS]

Mi gavevo letto sul "solito" Trieste nascosta che quela xe una delle 5 cabine elettriche installade a Trieste nel 1898 con l'avvento dell'illuminazion pubblica ...
Che dopo sia piena de manifesti, questo xe certo.

[babatriestina]

el fato che me par che la gabi portele che se pol verzer, deponi a favor dela tua tesi. Però adesso, almeno nelle capitali, le funziona come portamanifesti e no so là per cossa che le sia nate. Ma le se somiglia moltissimo, almeno me par.

[sum culex]

Anche per mi sti afari iera cabine eletriche: zonto un particolar de quel che xè in piazza ela Borsa, forsi l'ultimo rimasto in cità.



ciao
zoom culex

[AdlerTS]

eco un che jera in acquedotto (viale XX settembre)

[babatriestina]

Ghe ne xe molti anche a Lubiana