Slivovitz e palinka...

[babatriestina]

Anche mio papà co andava a far benzina in Jugo se cioleva una botiglieta de sto stari Granciaro, mi me sa che ghe piaseva el nome. Per mi, tute le trape xe tropo forti.

[muiesan]

La trapa ga de esser forte, ma no tropo. Per mi, che son delicato, va ben al massimo 45 - 46 gradi, ma xe tanti che ghe piasi anche 48 o 50 gradi. L trapa devi esser aromatica e non la devi lassar un gusto amaro. Save come che se fa a saver se una trata xe stada fata con tuti i crismi? Se meti una ioza sul palmo dela man o sul dorso, e con quel'altra se russa forte finche se senti caldo, dopo se nasa, se se senti odor de una passa xe trapa fata come Dio comanda, cole vinasse e el lambico, senò xe roba industriale. Un'altro sistema, xe far el "resentin" che saria: dopo pranzà se ciama cafè, se lo bevi e se meti nel cichera ancora calda un poca de trapa, se la scalda fassendola girar dento del cichera e se la bevi tiepida, basta poca poca. Anche qua, se no se ciapa un scorlon perchè la xe amara o garba, se dovessi sentir profumo de ua passa, alora xe trapa bona. Per quel che go provà mi, l'unica trapa de marca che ga passà la prova del resentin xe la "Nonino".