Parco di Miramare

[babatriestina]

Cara babatriestina
Se te gavessi guardà tuto te gavessi visto che i cigni li go za mandai un per de giorni fa nela sezion FAUNA insieme coi cocai e qualcossa altro, ma gnente de speciale.

Li gavevo visti, e adesso che ghe penso forsi i stassi meo insieme a questi del parco, che po i cigni no xe propio fauna carsica e i cocai e cormorani stassi nela sezion dedicada al mar.. ghe penserà forsi i moderatori se ghe parerà una bona idea, cussì per poder trovar meo la roba

Se te gradissi altre frasche del parco te le posso sempre zontar.
A prposito: le foto fate sula strada Vicentina (Napoleonica) in che sezion se pol eventualmente meterle? E far qualche posto dedicado al'autuno e relative foie rosse?

ciao
sum culex

un "culex" xe normale che tendi a precisar , ma mi iero "tarma"
Anca mi go frasche del parco a non finir, in particolar prima o dopo voio postar la sequoia gigante, che xe l'unica in tuta Trieste, devi esser roba de Massimilian..
Per la Napoleonica e le foie rosse, mi diria nela sezion Carso, magari in stagion...

[ffdt]

Go fato qualcossa più de 300 foto del castel e del parco.
Me permeto de mandarve un 20/25 per cento de quele che go fato. [...]

Orco dindio ;-D tra le 60 e le 75 foto? Me par masa roba per un solo sogeto ;-D

Bon, ah ... magari faremo una sezion a posta ... ma no so se te rivi a meter cusi` tanata roba perche` el software de 'l forum el meti limiti a cuel che un pol meterghe dentro ... vederemo, ah ;-D

Ciau

Franco

[sum culex]

varda che la 'tarma' magna lana ma el culex ponzi!
sum culex
P.S. No rabiarte se te go sponto!

[sum culex]

Go fato qualcossa più de 300 foto del castel e del parco.
Me permeto de mandarve un 20/25 per cento de quele che go fato. [...]

Orco dindio ;-D tra le 60 e le 75 foto? Me par masa roba per un solo sogeto ;-D

Bon, ah ... magari faremo una sezion a posta ... ma no so se te rivi a meter cusi` tanata roba perche` el software de 'l forum el meti limiti a cuel che un pol meterghe dentro ... vederemo, ah ;-D

Ciau

Franco

Se vignirà fata una sezion aposta podessi entrarghe anche el castel de Duin (o xè meio metrlo nei 'paesi carsici?)
ciao
sum culex

[macondo]

Sum culex, quel che ne ga sempre mancado, e parlo anca de Trieste mia, xe de qualche dun che publicasi foto dei paeseti del Carso...Se te ga voia e tempo, quando che vien le bele giornade magari te fa un gireto...

[AdlerTS]

Ogi me xe capitada per le man una cartolina dei anni 50, tipo quele de Macondo, de Miramar. La foto non la meto perché non xe niente de novo.
Quel che me par strano, xe che sul retro iera scrito "Miramare ed il suo parco" in tedesco e inglese, ma no italian !
Da una cartolina de quel epoca me ga parso sai strano.

[AdlerTS]

L'ERGASTOLO !!!!

Ghe daria l'ergastolo a quel mona che ga zercado de passar col camion carigo sotto l'inferriata del cancel del parco, storzendola
In più i pompieri la ga definitivamente tirada zo, per evitar che la crolli.

Voio veder adesso quando i la ripara e rimonta

[babatriestina]

Dei, che forsi i ga butado zo el stemma dei Savoia!
Mi ghe dassi i lavori forzati, a governar quel che i ga rovinado, ma , me domando: cossa ghe fa una ruspa nel Parco? e perchè no i la ga fata passar per la carozabile del alto?

[Nona Picia]

Mi ghe spacheria la testa a quei che ga lassà che el camion passi per de là!
Ciao ciao

[AdlerTS]

Non dimentichemose che poco tempo fa i ga anche danegiado gravemente la scalinata che scendi verso el porticciolo

[Tirabaralla]

Più che altro credo che bisognerebbe prendersela con chi gli ha dato l'indicazione di passare di là, qualche "governatore" un po' disattento, direi!!! :\
Speriamo lo ritirino su presto.

[AdlerTS]

Me son imbattudo in un quadro de Miramar un poco fantasioso

[babatriestina]

sopratutto el panorama... par i laghi drio dei castei de Ludwig in Baviera

[ffdt]

Eco cua una foto de un progeto de Junkers ... fin ch enisun rugna la laso ... xe "situation der bau - und garten anlagen von miramar" de 'l '59. 'L original el dovesi eser un acuarel su carta e eser a 'l muxeo de 'l castel.

Cua xe 'l pupolo ... no xe una meravilia ma rendi un minimo l''idea ;-D

[babatriestina]

Sì, me par de gaver visti sti pupoli al castel, la sala prima dela sala del trono, a pianterren. Vardando sta pianta e confrontando col parco atual, se nota che manca tute la zona alta, che se vedi che xe stada fata in un secondo momento, disemo de drio del parterre ( el lago dei cigni) in su e po ghe xe un giardin al italiana previsto di fronte al porto, più o meno dove che adesso xe le lampade de luci e suoni.
Nei ultimi mesi xe vegnude fora un per de guide del castel e del parco, abastanza acurade e sopratutto piene de foto.

[babatriestina]

Go trovado delle informazioni curiose sula storia de sti scoiattoli de bronzo de Miramar

IMG_2437.jpg (99.89 KiB) Visto 3574 volte

IMG_2438.jpg (107.45 KiB) Visto 3574 volte

Li gaverè visti tante volte, drio del Castelletto. Ben, i xe una copia de un scoiattolo de autor.
Carlo Sbisà nel 1955 fazeva picole sculture anche de bestie, e el gaveva fatto , per una fontanella sul piazzal del tabor de Monrupino, davanti dela cesa, un scoiattolo su una pigna. El scoiattolo xe sparido de anni e secondo el catalogo delle opere xe ormai disperso, idem la pigna, tranne el modello che xe in una collezion privata, ma visto che el piaseva xe stade fatte queste 4 copie e messe in Castel

[AdlerTS]

3 scoiattoli. Jero ogi e manca un
In compenso l'inferiada sora el porton jera a posto.

[babatriestina]

Nel parco xe pien de statue, dei tempi de Massimilian e posteriori, quele del parterre xe più o meno de l'epoca, e i le ga restaurade de recente, in particolar vardè:
manca qualcossa? xe una foto de un per de anni fa

i vasi de bronzo! i xe stai comprai nel 1864 de H Pohl de Berlino e restaurai nel 2002, col contributo anche de l'Associazion Amici dei Musei Mascherini.
Eccolo restaurado:

[babatriestina]

vasi simili se trova nei appartamenti storici del Museo Revoltella
ecco ancora un particolar

là vizin nela rotonda del vial, ghe xe la statuetta de Napoleon, che me par che co iero picia mama preferiva che no vedessi ben , che no la gaveva.. la foia de figo! e difatti, me par che xe un punto più lustro del resto

xe una copia/riduzion de quela de Canova che xe nel cortil de Brera a Milan, come che podè intraveder in una foto fatta in pessime condizioni de luce

Napoleon a Miramar? cossa ghe n'entra? ben, suo fio, el Aiglon, Duca de Reichstadt, iera gran amico dela mamma de Massimilian.. oltre che cugin .

[ffdt]

[...]Napoleon a Miramar? cossa ghe n'entra? ben, suo fio, el Aiglon, Duca de Reichstadt, iera gran amico dela mamma de Massimilian.. oltre che cugin .

gavevo leto cualcosa de sto mulo ... me par che i ghe gaveva dado de spoxar a napoleon una axburgo perche` lori i doprava far matrimoni per faver acordi de paxe ... e sto matrimonio el iera stado fato cuela volta che napoleon el stava rivando a viena co' 'l exercito ... ma no ga funzionado ne' durado ... e 'l muleto el iera anca maladuz, povero, e 'l xe morto giovine ... no so gnanca se 'l xe mai andado via de viena e se 'l ga conosudo suo papa` ...

vado a memoria e poso xbaliar ma credo de eserghe bastanza vizin ... ... de sicuro el xe morto a viena

ciau

Franco