Muggia

[babatriestina]

Fora dela Cesa, una statua de san Francesco, moderna, ve lasso indovinar de che scultor?....
ecco el interno, notar el monogramma sul lampadario: FR xe Ferdinando Ressel, un nipote de l'inventor de l'elica, che lo gaveva regalado a una cesa de S Teresa che no esisti più

sul altar de destra ghe xe una belissima Madonna su tavola, stile ancora goticheggiante, del Quattrocento, che cola scarsa luce go avudo difficiltà a fotografar, ma ve mostro isteso quel che go ciapado:

e ancora prima , xe un gruppo de una Pietà anche del rinascimento ma ancora un poco gotico ( le pieghe dei vestiti), el Cristo xe rigido, ma la Madonna ga un'espression dolcissima, se meto el flash se perdi tuto el giro de luci e ombre, per cui ve la posto cussì, anche se non perfetta, ma la go trovada propio suggestiva

[babatriestina]

per finir, la facciata del Duomo, col suo magnifico roson

el particolar dela Madonna al centro, e la xe anche ripetuda per de dentro, anche se se vedi assai mal

Sotto, la lunetta del porton de ingresso, ga una curiosa composizion cola Trinità

[AdlerTS]

ma la Madonna ga un'espression dolcissima

Un'espression che colpissi per la sua intensità !

[muiesan]

A Muia xe ancora do cesete: in centro, dentro i muri, xe la ceseta "del Cristo", proprio davanti l'enoteca, in corso, la xe interesante perchè la dentro i tien i ferai dela Procession dei Protetori. Quel'altra la xe in via San Giovanni, vissin el Verdi, dedicada a quei che xe morti in guera e sul lavor. Queste xe dificile che le sia verte. Dopo, e sa pochi che no xe de Muia, ghe xe la cesa de San Bastian. De Muia se ghe riva solo che a pie, andando su per la riva de la casa de ricovero, se se vol rivarghe co l'auto bisogna andar a Muia Vecia, tornar so per la strada verso Muia (no verso Ciampore), e al primo bivio che se trova, bisogna girar a destra e andar so per la riva fin quando che se la incontra. Se te la trovi verta i te fa console onorario dela Giamaica.

[babatriestina]

A Muia xe ancora do cesete: in centro, dentro i muri, xe la ceseta "del Cristo", proprio davanti l'enoteca, in corso, la xe interesante perchè la dentro i tien i ferai dela Procession dei Protetori. Quel'altra la xe in via San Giovanni, vissin el Verdi, dedicada a quei che xe morti in guera e sul lavor. Queste xe dificile che le sia verte. Dopo, e sa pochi che no xe de Muia, ghe xe la cesa de San Bastian. .

Ben, te gavemo smosso! per le ceseta del Cristo, dovessi gaver fatto foto meo SumCulex, ma per cominciar metto mi, efetivamente ghe semo passai davanti
le altre do per mi xe nove, ma za per mi trovar verta quela de San Francesco xe stada una bella sorpresa.
Contine un poco dela Procession dei Protetori, che qua a Trieste de Muja savemo quasi solo che del carneval.
Eco qua un per de foto del cesa del crocifisso, le xe de l'anno scorso. ghe xe dentro anca una lapide de un sior del 1300 che la dedica
Come de solito i altari del Crocifisso, la ga el altar de marmo bianco e nero.


e qua xe i fanai, anche se per mi xe più bei quei del duomo

[babatriestina]

Sti fanai de procession de legno dorado xe apunto una specialità muggesana, a Trieste xe qualcossa de simile a san Giusto ma molto più modesto. Credo che sia una caratteristica veneziana.
Ghe ne xe diversi molto bei in Duomo, ve metto un per, perchè go foto bruttine, spero in quelle de Zoomy, e se no... gaveremo un'altra occasion de vegnir a Muja a far foto!:-D

[babatriestina]

la cesa de San Bastian. De Muia se ghe riva solo che a pie, andando su per la riva de la casa de ricovero, se se vol rivarghe co l'auto bisogna andar a Muia Vecia, tornar so per la strada verso Muia (no verso Ciampore), e al primo bivio che se trova, bisogna girar a destra e andar so per la riva fin quando che se la incontra. Se te la trovi verta i te fa console onorario dela Giamaica.

de come che te me la descrivi, stavimo vignindo in zo de Muja Vecia e gavemo visto sto bivio a destra, e gavevimo pensado de andar in zo, ma se gavemo domandado se po se podeva continuar, perchè no gavevimo nissuna intenzion de rifarla in su, e cussì gavemo lassado perder

[Nona Picia]

de come che te me la descrivi, stavimo vignindo in zo de Muja Vecia e gavemo visto sto bivio a destra, e gavevimo pensado de andar in zo, ma se gavemo domandado se po se podeva continuar, perchè no gavevimo nissuna intenzion de rifarla in su, e cussì gavemo lassado perder

Iera anche segnalado che de qualche parte xe una cesa!

[babatriestina]

de come che te me la descrivi, stavimo vignindo in zo de Muja Vecia e gavemo visto sto bivio a destra,

Iera anche segnalado che de qualche parte xe una cesa!

e xe per quel che volevo andar a butar el ocio

[muiesan]

Se andavi so, sempre che fussi sta el posto giusto, rivavi davanti ala ceseseta. Ala sua destra, vardando, vedevi un picio sentier con qualche scalin, in meso ala graia, andavi so per de la e rivavi a Muia, all'inizio de via D'Annunzio all'angolo con via Roma. Senò dovevi girar a sinistra e tornavi in salita Muggia Vecchia, che po xe la strada che gavevi lassà al bivio.

[Nona Picia]

Grazie per l'informazion!

[sum culex]

Eco finalmente el mio servizio su la Basilica de Muja vecia e su alcune cese de la citadina: comincia la sfida al'ultimo pixel cola babatriestina.

Prima scrivo qualcossa e po meto le foto.

La portizza: un'antico porta dela vecia Muja (Borgo Lauro) col leon de Venezia che xè anche sul municipio col stema dela cità.

No meto altre foto dela citadina perchè me riservo de completar el servizio (se cussì se poderà ciamarlo) con altre imagini: quele poche che go fato no xè gran che: la luce iera disastrosa. Metè insieme el nuvolo e l'ora bastanza inoltrada e convignirè che no se podeva con tuta la più bona volontà far roba almeno decente (almeno secondo el mio giudizio).

[sum culex]

La cesa de San Francesco

La costruzion originale rilsali al '400. La faciata xè in masegno a vista, in alto una finestra ciscolare e soto ghe xè un timpano a sesto acuto con una scultura del Madona con Gesù Bambin in brazo.
El campanil xè quadrato con bifore su tuti i quatro lati.
La pianta dela cesa xè retangolare e l'abside con volte a crocera cordonate xè poligonale con finestre a sesto acuto, come l'arco che la dividi dala cesa.
Sui altari laterali trovemo una pala del '600 e una Madona del trado gotico, e per finir in una nicchia ogivale una statua raffigurantyela Pietà, databile del 1400. Notè l'espression dela Vergine.

Eco le foto:

[sum culex]

[sum culex]

[sum culex]

[sum culex]

[sum culex]

Vizin ge xè un picio museo archeologico che no go visità, ma sula porta xè sta machina antica de un olrologio de torre: me ga colpido e go volù fotografarla per mostrarvela. Me ga parso interessante anche perchè le machine dei orologi de torre no xè che se le vedi facilmente.

[sum culex]

La Cappella del Crocifisso xè una picia ceseta fra le case, costruida da un notabile, Raffaele di Ser Steno, nel 1374 per accoglier le spoglie dei componenti defunti dela famiglia. La xè stada ricostruida nel '700.
Dentro, un arco biaco separa el presbiterio e incornisa l'altar magior in marmo con l'edicola del Crocifisso, da cui el nome dela cesa. El stile ricorda l'architetura religiosa minor de tipo romanico-veneto.

Le foto:

[sum culex]