El porta CD de Piazza Goldoni

[sum culex]

Me xè sta fato questo messagio:

Go, da parte del mio amico, che ga ammirado le foto de sum culex, una sfida per lu: el me domanda se nol saria capace de far qualche foto che.. rendi bel el portaCD de Piazza Goldoni?

Aceto la sfida, se pol fotografarlo, ma a quanto farlo più bel ......?
El xè quel che el xè: in efeti no'l xè che el piasi tanto, ma almeno consideremo che xè una roba extra, diversa del solito.

Questo xè quel che son riuscido a far:



Quel sior là, poderia esser 'l'amico' che studia come che se podessi farlo più bel (o xè un ics qualsiasi che se stroliga (altra parola del nostro dialeto che me par no ancora stada citada) per trovar el modo de butarlo zò?).

[sum culex]

Ghe somiglia alquanto a un porta CD, ma i CD dove xè?

Nona picia taza l'anima che devo far l'albero, el presepio e le varie luci e decorazioni in casa. Ani fa, tra dentro e fora, gavevo messo qualcossa come 2000 e più pisellini (no stè pensar mal: parlavo de quele lampadine pice, pice, no de altre 'robe' pice). Sto ano de fora no meto gnente e dentro me ridimensiono almeno un poco. Ve digo questo perchè voio giustificar la mia assenza dal forum per un per de giorni. Al massimo ghe darò una ociadina veloce.

Ciao
zoom culex

[babatriestina]

Son passada stasera, finalmente illuminado e no cole luci smorte, serata limpida cola luna,e go fato un per de foto: bel nol pol deventar, ma un insieme un poco strano, tipo atmosfera marziana, la go trovada: cossa ve par?
el portacd, el albero de Nadal e la luna: chi xe più alto e chi più luminoso?

portacd con luna

Verso Via Mazzini, con la "fontana" drio

[babatriestina]

La base del portacd verso via Mazzini illuminada

[Nona Picia]

Mi inveze no go trovà el portacd illuminà, ma lo stesso el ga un luce particolare....

[Nona Picia]

E go anche l'albero de Nadal, tuto solo soleto senza compagnia nè dela luna nè del portacd e nemmeno ripreso con una macchina fotografica decente, come la foto sora, del resto.

[sum culex]

Zoom conto zoom La sfida continua

[sum culex]

Due particolari






Go fato el possibile per rapresentarlo meno bruto o se volemo più bel de quel che el xè normalmente de solito.

ciao
zoom culex

[babatriestina]

quasi manhattaniano

[AdlerTS]

Xe rivadi i UFO ?

[ffdt]

le prime do de sta serie de tre le xe sai bele ... per bon ... ... go de dir che in foto cuel ordegno el vien sempre piu` bruto che no de come che 'l xe in realta` .... che per mi 'l sparisi e no se lo nota sai e ogni volta che paso de la` vedo el cemento de la fontana ma no lo noto a lu ...

e me piaxi sai anca le foto de babatriestina de la baxe de sto afar ... e anca cuela co' la luna

aprofito per ricordarghe a tuti cuei che i legi e che i varda, che le foto publicade cua no se pol doprarle per gnente che gabi de mezo i bori ... e la publicita` fa parte de le robe vietade ... se ve par che le foto le vali la pena e vole` doprarle per cualcosa (e per mi le xe sai bele, che se no no scrivesi cuel che stago scrivendo) alora gave` de scriverghe privatamente a i autori per gaver el permeso diretamente de lori

ciau

Franco

[refolo]

Con tanta passion che gavevo de diventar Architetta......
sta roba moderna, stile pai e blocchi de cemento, me rendi assai fredda.
l'efetto, pero del verde rendi ciara la piazza.

Voleria che me dise' cossa chel ga' fatto sto Lazzari, dei 4 blocchi de via Imbriani, chei iera stadi disegnadi da Max Fabiani. O come chel ga' rimoderna' el famoso Balkan.

Guardando el CD che ga' fatto mia fia e genero, pero' devo dir che gave' assai bel, e vegnera' bel anche a San Giacomo.

Maria aka refolo

[snif]

si, san Giacomo sarà propio bel

[AdlerTS]

El sindaco se ga sbilanciado: vista la poca funzionalità del porta CD, el vol rifar l'illuminazion de Piaza Goldoni.

[ffdt]

[...]vista la poca funzionalità del porta CD[...]

e a cosa 'l gavesi dovesto servir? ... cd cusi` grandi no i li fa ancora ;-D

[...]el vol rifar l'illuminazion de Piaza Goldoni.

ah eco ... beato lu che 'l xe carigo de bori ... cuaxi cuaxi vado a domandarghe se 'l me regala un pochi ...

[babatriestina]

dove gavè trovado ste notizie?

[Nona Picia]

Tele4 venerdì! El vol meter i pastorai in piaza Goldoni.

[cenerentola82]

Forsi Roby se sta rendendo conto. El ga maledì i architeti che ghe ga fato far piaza Goldoni e Piazza V.Veneto. Forsi xe de bon auspicio per no far novi progeti completamente avulsi dal contesto, a partir da quel obrobrio che i ga proposto per el magazin vini.

[AdlerTS]

ma tra i architetti non jera anche la sua signora ?

[sono piccolo ma crescero]

Non gavevo mai notà, anche se imaginavo che el ghe fusi, l'anemometro che i ga messo sora l'architrave con la fontana nova e che servi a serar l'aqua co se alza el vento.