Duin - el bunker

[sum culex]

El bunker del castel de Duin ga una superficie de 400 metri quadrati e el xè fondo 18 metri.
El xè stà costruido nel 1943 dala 'Organizzazione TODT per la Kriegsmarine a difesa dela baia de Sistiana contro un eventual sbarco aleato.
La Venezia Giulia fazeva parte dela zona de operazioni "Adriatisches Kustenland". Nel 1944 la base de Sistiana ga acolto la "Kleinkampfmittel Flottille 411" con sotomarini tascabili MOLCH (Tritone).
Molti Duinesi, prima che el bunker fussi armà e che i ghe gavessi istallà un canon, i se rifugiava là dentro quando che sonava l'alarme per un posibile bombardamento.
Dal 1945 al 1954. el bunker ga ospitado l'Esercito inglese che lo ga trasformado in deposito de carburante.
Dal marzo del 2006, el bunker xè stado verto dai Principi della Torre e Tasso a testimonianza de quei ani tragici.

El cartel 'vietato fumare' che ga messo i inglesi al'ingresso. Per forza: dentro ghe iera carburante!!




Le scale de acesso verso el basso



La stassa scala de l'altra parte, verso in sù.

[sum culex]

Dove che una volta iera el local o gabioto (che dir se voi) de guardia, xè stà ricavà una specie de picio museo cole robe de guera. Go scrito 'robe' perchè no me vien la parola giusta e gnanche 'reperti' no me par che vadi ben.



La sala principale de un lato e de l'altro

[sum culex]

L'uscita del bunker che dà verso Sistiana dove che iera posizionà el conon



Eco l'ingresso del bunker visto dal de fora, dala terazza.



E per i castei de Duin me par che possi bastar e vanzar.

Se ve ga piasso son contento, se in più ve ga anche interessà son ancora più contento e se sè rimasti sodisfati son più che sodisfato anche mi; altrimenti me cospargo al capo de zenere e anche se no me meto a pianzer me manca poco.

Ciao e ancora auguri
sum/zoom culex e zoomy