Il sindaco.. il suo blog!

[cenerentola82]

De no creder...

http://myspace.com/robertodipiazza

[babatriestina]

fordi andassi meo nela sezion internet, anche se xe propio una novità de oggi

[ffdt]

go leto le prime 10 righe ... anca che sia tuto vero mi gavesi isteso preferido un stile piu` sobrio

ciau ciau

Franco

[cenerentola82]

....guardando ben, probabilmente xe un scherzo.
Ma comunque saria stada un'idea cocola.
Sul fato dela sobrietà... dipendi a chi se rivolgi.

[ffdt]

[...]Ma comunque saria stada un'idea cocola[...]

credo che se i vol 'l comun posi farse un sito pe' 'l sindaco in 3/4 d'ora, se no de meno

[nanaia]

sarà che ale 10 de sera son più andada del solito....no go capì se sta pensada del nostro mayor ve fa de rider o se approvè
Personalmente, me preoccupa più (se xe autentici) i vari interventi: che lui se fazi propaganda,xe comprensibile.
Franco, stile più sobrio, te disi: mi me bastassi stile ...e nota ben che no son de sinistra...Poveri noi, quanti tromboni in sta povera Italia!

[ffdt]

[...]mi me bastassi stile[...]

nanaia ... mi go dito, a punto, stile piu` sobrio ;-D ;-D ;-D ;-D

xe che iera le 10 de sera e te gavevi sono ;-D ;-D ;-D ;-D ;-D ;-D ;-D ;-D ;-D

ciau ciau

Franco

[macondo]

Per mi xe una ciolta pel fioco....

[cenerentola82]

Quel iera un scherzo però questo xe vero.

http://www.ilsindacorisponde.it/default.asp

[macondo]

Che xe ancora piú penoso del quel finto...

Quel che trovo adiritura vomitevole xe el lecalulismo de quei che ghe scrivi, che a mi me fa sentir imbarazado solamente el pensar che xe dei concitadini che ghe da ste stomighevoli sviolinade...

Penseró mal, ma mi me imagino che no i publicará i post che no va de acordo con le sue idee...

[ffdt]

[...] Penseró mal, ma mi me imagino che no i publicará i post che no va de acordo con le sue idee...

mi ghe go scrito per dirghe che penso che 'l trafico el va ben per via che xe meno auti in giro (benzina piu` cara) ... vederemo se i publica, ah
je lui ai écrit pour dire que je pense que le trafic il est bon car il y a moins de voitures sur la route (l'essence coûte plus cher) ... on verra s'ils le publieront
I have written him to say that I think the traffic is good because there are fewer cars on the road (gasoline more expensive) ... we'll see if they publish it

[rofizal]

Che xe ancora piú penoso del quel finto...
Quel che trovo adiritura vomitevole xe el lecalulismo de quei che ghe scrivi, che a mi me fa sentir imbarazado solamente el pensar che xe dei concitadini che ghe da ste stomighevoli sviolinade...
Penseró mal, ma mi me imagino che no i publicará i post che no va de acordo con le sue idee...

Beh, stavolta no son d'acordo.
Me sembra un strumento utile per portar critiche costrutive e propor idee proprie. Illy no lo ga mai fato, nianche a livel regionale, che mi sapio.
Poi no ghe xe solo lecade, anzi vedo diverse critiche.
Mi credo che tuti i politici dovesi gaver un strumento dove racoglier le opinioni dei citadini.

Quanto ale "cancelazioni", me par che gavevo za contado che anni fa gavevo iniziado un discorso su un forum politico (de sinistra), un discorso serio e pacado ma non in linea con la politica de quel partito (per l'esateza se tratava de una tesi documentada contro la politica de incremento dele nascite). Probabilmente merito dele documentazioni proposte gavevo cominciado a trovar un certo consenso tra i utenti de quel forum. Varda caso, dopo un poco l'intero argomento xe sparido dal forum, per "problemi tecnici" i ga dito.

Ricordo ancora che nei anni '70 lavoravo in una società che gaveva sia impiegati che operai. Le assemblee iera comuni, ma in genere nisun parlava. A un certo punto - iera i tempi dela eliminazion dela indenità de contingenza acetada dai sindacati - la situazion xe cambiada e più persone intreveniva, portando anche idee diverse da quele "uficiali" del sindacato e trovando discreto consenso anche tra i operai. Risultato? Dopo un poco i ga separado le asemblee dei impiegati da quele dei operai!

Questo per dir che no vedo quale parte politica posi dir de gaver "le mani pulite". Purtropo.

[AdlerTS]

mi ghe go scrito per dirghe che penso che 'l trafico el va ben per via che xe meno auti in giro (benzina piu` cara) ... vederemo se i publica, ah

Te ghe son, sì

[ffdt]

ma per voi el xe vero?
mais, à votre avis, est-il vrai?
but, in your opinion, it's real?

[rofizal]

ma per voi el xe vero?

Poiché el dominio xe pagado, registrado a nome de Leonardo Comelli dela Media Technologies... credo de sì.

[babatriestina]

E el te ga anche risposto!

[rofizal]

Mi diria che xe un bon sistema, più che per criticar, per far dele proposte costrutive. Ma non xe facile propor robe realizabili e serie senza che sia richieste spese asurde (nel senso anche che de chieder de spender xe boni tuti).