Zitavecia, Crosada e Gheto

[granzo]

Zitavecia, Crosada e Gheto ga formado un novo dialeto,
un incrocio furlan piranese che xe un misto fra el grego e el barese.

In 'sti tempi de progresso Zitavecia la torna a fiorir,
ma pero` xe peca' xe peca' che i la vol demolir.

Co' passava per queste contrade una baba in capel, che fis'ciade,
ogigiorno perfino i pedoci ga el rosseto e 'l rimel sui oci.

In 'sti tempi de progresso Zitavecia la torna a fiorir,
ma pero` xe peca' xe peca' che i la vol demolir.

Una volta sposada una fia, terminavimo in osteria,
ogigiorno i sposini ala moda 'n istituto i va a ciorse la boba.

In 'sti tempi de progresso Zitavecia la torna a fiorir,
ma pero` xe peca' xe peca' che i la vol demolir.

In 'sto mondo ghe xe baloneri, chi i ga l'auto e i xe cavalieri,
de ignoranza i ga bona dose, i se firma fazendo la crose.

In 'sti tempi de progresso Zitavecia la torna a fiorir,
ma pero` xe peca' xe peca' che i la vol demolir.

Qua xe el grego che ingruma poltrone, armareti, caldiere e madone,
qua finissi fra pianti e proteste, el mobilio de meza Trieste.

In 'sti tempi de progresso Zitavecia la torna a fiorir,
ma pero` xe peca' xe peca' che i la vol demolir.

A le done de questo rione, i ga taiado a tute el cocone,
i ga taiado perfin i mustaci a la vecia che vendi pistaci.

In 'sti tempi de progresso Zitavecia la torna a fiorir,
ma pero` xe peca' xe peca' che i la vol demolir.

Finalmente con arte e con gusto i ga fato i lavori a San Giusto,
e piu` bela e piu` lustra difati, xe la vecia capela dei frati.

In 'sti tempi de progresso Zitavecia la torna a fiorir,
ma pero` xe peca' xe peca' che i la vol demolir.

Tuto in bianco, vestido de tela, ogni vigile par 'na candela,
de lavarse el sparagna la spesa se el se intocia nel gesso de presa.

In 'sti tempi de progresso Zitavecia la torna a fiorir,
ma pero` xe peca' xe peca' che i la vol demolir.

Ma save` che xe una gran peste caminar su e zo per Trieste?
Zitadini ande` par le striche, se no el tubo ve guanta le fliche.

In 'sti tempi de progresso Zitavecia la torna a fiorir,
ma pero` xe peca' xe peca' che i la vol demolir.

Se a 'sto sport i ghe fa tante feste, vedaremo su e zo per Trieste,
in ociai, in gambai e bareta, anche i zimisi in motocicleta.

In 'sti tempi de progresso Zitavecia la torna a fiorir,
ma pero` xe peca' xe peca' che i la vol demolir.