AdlerTS ha scritto:Sum, Nona Picia, cossa i sta fazendo la de fianco che i ga sventrado el muro ? Una casa nova ?
Un garage privato, almeno cussì ne xè sta dito.
Là no saria posto suficiente per far una casa dovendo rispetar le distanze de rispeto dai confini dei giardini adiacenti e no solo. Penso che no i gavessi podù comunque aver el permesso per tirar su una casa dato che el 'Rion del Re' ogi xè vincolado ala sua estetica originale.
Ciao
sum culex
Dovessi esser un garage a 4 posti, go sentì dir, del novo inquilin dela caseta che xe de sora. E speremo che quel che xe vignù a star in quela vizin,un poco più su, fra qualche anno no lo fazi anche lui, senò ancora comincia a crolar qualcossa....
Ciao ciao
Trova un minuto per pensare, trova un minuto per pregare,
trova un minuto per ridere.
"MADRE TERESA"
"La Mama l’è talmen un tesor de valur che l’ha vorüda anche Noster Signur" .....
Saluti a tuti. Da quando che gavevo 15 ani fin che son anda via de Trieste nel 1970, go abità in via Revoltella nela casa che xe difronte a via Lonza e ogi ghe xe una farmacia. Go bazicà speso per scala Bonghi perchè un mio amico abitava là, anzi, gradirei che qualche dun me disesi se el ga notizie de varie persone che abitava come Alì e la familia, "Strica" e sua sorela, e tanti altri che i stava nela parte basa de scala Bonghi, pero via Revoltella. Poso contarve una trieste storia de sto amico che el se ciamava Mario "Joe" Dockam (fio de un american). Nel 1968 el iera anda a navigar e in Texas el iera fila via insieme a un altro mulo che anche lui stava in scala Bonghi e no me ricordo come che el se ciamava (forsi Enzo). Fato sta che i li beca a Amarillo e Mario, gavendo el papà american se restà là insieme a su nona. Pasa i ani e mi go visudo in varie parti e perdo el contato con sto Mario . Nel 1986 son da a zecar qualche familiar de lui o qualche conosente che stava là pero niente, no go trovà nisun. E sempre pensavo: adesso che vado speso in America (anche Stati Uniti) poderia ver a Mario, chisà dove che el stà. Cusi son da avanti ani pensando come veder stò caro amico che iera una brava persona e molto simpatico. Me ricordo che me domandavo: el parlerà ancora triestin?
Bon. Riva el 1997 e in un viagio che fazo a Trieste compro la guida telefonica e zercando nomi conosudi (noi che semo lontan co caminemo per Trieste speremo de veder qualche vecio amico) trovo una signora Docham. Iera la mama de Mario. Deto fato nel 1998 vado a trovarla a casa sua. Parlemo de tuto e la me conta che su fio xe morto in un indicente de trafico a Portland (Oregon) nel 1982. Insoma, mi lo go zerca tanti ani e lui ormai no el iera tra de noi. Che strana la vita.
Te posso risponder solo per i Alì.... I due veci xe morti e i fioi xe andai a star via de qua. Dei altri no so niente perchè mi prima d sposarme stavo a Roian, magari qualchedun lo gaverò anche conossù andando a far la spesa, ma i nomi.....
Ciao ciao
Trova un minuto per pensare, trova un minuto per pregare,
trova un minuto per ridere.
"MADRE TERESA"
"La Mama l’è talmen un tesor de valur che l’ha vorüda anche Noster Signur" .....
Nona Picia ha scritto:Te posso risponder solo per i Alì.... I due veci xe morti e i fioi xe andai a star via de qua. Dei altri no so niente perchè mi prima d sposarme stavo a Roian, magari qualchedun lo gaverò anche conossù andando a far la spesa, ma i nomi.....
Nona, grazie, si me ricordo che Alì gaveva una bela sorela e altri fradei, che più de un de noi ghe stava drio a sta sorela, pero lori i iera siciliani e gelosi. Te parlo dei ani 63-64 in avanti. El zio de Mario Docham se ciamava Rudy. Nel steso trato che i stava lori abitava do fradei de la basa Italia (me par) e uno de lori sempre el scoltava dischi de Elvis Presley a sbrega balon. Dala parte oposta de la scala (osia, verso destra) stava Alì e "Strica" con la sorela e sula sinistra sta familia de Mario.
Te rispondo qua per un'altra roba. El barbier Michele no xe più, un se no sbaglio una barbiera che fa mas'ci e femine, come se usa ogi. El giornalaio ga cambià due volte e su vizin Scala Bonghi dopo el vecio signor che iera in quei anni, se vignù Gino circa una quarantina de anni fa. Le boteghe xe cambiade tute, nela paneteria no xe più Siora Vitoria de più de un sacco de tempo, la xe morta un per de anni fa. Questo è quanto so io....
Ciao ciao
Trova un minuto per pensare, trova un minuto per pregare,
trova un minuto per ridere.
"MADRE TERESA"
"La Mama l’è talmen un tesor de valur che l’ha vorüda anche Noster Signur" .....
Grazie, de la edicola me ricordo. la iera tacada al barbier e ghe iera anche un negozio de eletrodomestici o roba del zenere pero no me ricordo come che i se ciamava. Fisicamente me li ricordo, i iera marì e molie. Provero a domandarge a mia sorela che la ga mano ani de mi.
sono piccolo ma crescero ha scritto:Me son sempre domandà chi che iera Ruggero Bonghi che i ghe ga dedicà la scala più longa de Trieste. Ogi me son ricordà de vardar e sicome "Google is your friend" e Wikipedia anche go scoperto che nel 1874 el iera ministro dela publica istruzion
Penso che no ghe interessi gnente a nessun, comunque oggi, girando per internet e cercando altre robe, go trovà che del signor Bonghi Ruggiero (me raccomando la i) se trova, tradotto dal grego, un dialogo de Platone.
Se chi che sta de quele parti vol farse una cultura, el dialogo lo trova qua
Allora s’accorse che le parole fanno un effetto in bocca, e un altro negli orecchi; e prese un po’ più d’abitudine d’ascoltar di dentro le sue, prima di proferirle. (A. Manzoni, I promessi sposi, cap. XXXVIII)
L'ho notato...proprio dalla prima pagina!
Me lo sono salvato...poi cerco di capire come aggiustare lo zoom per leggere al meglio!
(E mi ripasserò anche il Lamanna, tra una cottura e l'altra!)
Durante la guera iero andà, con mia mamma e mia sorela, a star a casa de mia nona che la abitava in alto de scala Bonghi, al n° 101 se me ricordo ben. Mio papà, capitano del Genio, se gà costruì el suo bunker privato, nel pastino drio de casa. El rifugio serviva de riparo a tuto el vialeto (me ricordo dei Sabelli e dei Fachetin). Un dieci ani fa, passando de là, go butà l'ocio e me par che el bunker esisti ancora probabilmente ad uso deposito attrezzi o ripostiglio.
Me ricordo ssai ben la paneteria dove che la xe ancora adesso e la tessera coi bollini quando andavo a cior pan con mia nona!
Pochi ricordi perchè za nel 45 son andà a star prima in vial III Armata e nel 46 in Scorcola.
AdlerTS ha scritto:Altra foto d'epoca ... jera za l'edicola !!!
E un gabioto per spetar l'autobus come Dio comanda e no come quei che i sta metendo in giro per la cità e che sì e no te ripara da le cagadine dei usei, ma solo ze se no xe vento
Allora s’accorse che le parole fanno un effetto in bocca, e un altro negli orecchi; e prese un po’ più d’abitudine d’ascoltar di dentro le sue, prima di proferirle. (A. Manzoni, I promessi sposi, cap. XXXVIII)
El gabioto dei giornai che se vedi nela foto, xe quel de la siora Jolanda, che la gaveva anche un altro sul canton dela via Rossetti.
Al tempo dela foto la paneteria iera de Carlo Susic e vizin ghe iera el boteghin de Olga Zergol.
Più su ghe iera la botega magnativa de Batic, la lateria e la drogheria.
Più in zo dopo via Scomparini iera la maceleria de Pelizon e el boteghin de Tonza, e quando Pelizon ga serà botega al posto suo xe venudo un caligher con una grande tabela con scrito CEVLJAR..
Me ricordo tute ste robe perchè son nato in una dele case dela prima fila de scala Bonghi
Atualmente el giornalio, che xe sempre là, xe Monica, fia de Gino che iera el giornalaio precedente e che xe tutora là. Prima de Gino iera un sior de cui no ricordo el nome. Quando ga comincià Gino, el iera iutà de sua mama, che ogi ga 99 anni e la xe ancora in gamba
Ciao ciao
Trova un minuto per pensare, trova un minuto per pregare,
trova un minuto per ridere.
"MADRE TERESA"
"La Mama l’è talmen un tesor de valur che l’ha vorüda anche Noster Signur" .....
La molie de Gino dela edicola iera comesa de siora Vittoria la panetiera.
Aurelio Sabelli che andava nel bunker de Nini Naridola ga fato le elementari con mi ala Gaspardis con Sergio Metellini e Duilio Picek.
Tuti stava nele case de l'ICAM