Forum mondiale G8 Unesco su educazione innovazione ricerca

[cenerentola82]

Passado, e tranquillamente, el G8, mi me par che sui giornai italiani, almeno mi go letto Repubblica, no xe stado scritto gnanca una riga. Come se no fussi in Italia. E anca perchè i scrivi solo se ghe xe pupoli
Come iera in television, che mi no vardo?

Rai3 regionale, tele4, antenna 3 Trieste e teleCapodistria ga parlà ampiamente.
Televisioni tagliane gnache 1 parola. Gnanche quando i ga comentà Prodi che parlava da Trieste.

[AdlerTS]

Passado, e tranquillamente,

... e mi che speravo che i ribaltassi la statua de Sauro

mi me par che sui giornai italiani, almeno mi go letto Repubblica, no xe stado scritto gnanca una riga. Come se no fussi in Italia. E anca perchè i scrivi solo se ghe xe pupoli

I disi che el Forum jera troppo tecnico per interessarghe alla gente comune

[nanaia]

ah, troppo tecnico per la gente comune? Grazie, cussì gavemo anche ciapà su de tonti

[Nona Picia]

Ma cossa ve spetavi, savè che noi no contemo niente! Me go acorto dal primo giorno che no i diseva niente del G8, come se là i gavessi parlà de robe segretissime. Forsi per sentir parlar del forum, ghe gavessi volù che venissi el precedente presidente del consiglio con tuti i sui giornalisti!

[AdlerTS]

Il 18 ottobre 2005 è stato firmato, a Parigi, l'Aide-Mémoire che impegna il Governo Italiano e l'UNESCO a realizzare uno studio di fattibilità per l'istituzione in Italia dell'Agenzia Internazionale per la Formazione Ambientale - IPED".

Ogi pareria che Roma confermi el sostegno all'iniziativa

[AdlerTS]

Adesso anche Frau Merkel ne vegnerà a trovar per el prossimo G8

[AdlerTS]

A Trieste dal 3 al 5 aprile 2009 “Low Carbon Technologies”, appuntamento rivolto ai specialisti e adeti ai lavori sulle tecnologie a bassa emission de carbonio. Non se ne senti parlar troppo, in giro.

I pdf col programma sul sito dell'Area de Ricerca

http://www.area.trieste.it/opencms/open ... index.html

[AdlerTS]

G8 vetrina della città di Trieste ... catering da Feletto Umberto e cogo cinese Vara là ...

Po' non capisso perché qualchidun ghe dava fastidio el disagio ai cittadini causado dal giro d'italia e inveze la chiusura de 'sti giorni no

[babatriestina]

G8 vetrina della città di Trieste ... catering da Feletto Umberto e cogo cinese Vara là ...:

ma vini Kante e gavevo sentido parlar dei famosi (?) salmoni dela Val Rosandra

Po' non capisso perché qualchidun ghe dava fastidio el disagio ai cittadini causado dal giro d'italia e inveze la chiusura de 'sti giorni no

tranquillo xe sempre chi che rugna... che po stamattina a Barcola iera tuto divieti de sosta e batudo de machine parcheggiade fra Cedas e el Bivio.

[Nona Picia]

Mi go sentì parlar anche de vini dela region, però.....e de i salmoni dela val Rosandra anche.Certo però che me ga "meraviglià" apprender che per illustrar i gusti dela cità i gabi ciolto un cogo furlan e un pasticer cinese. Mi me spetavo che i ghe ofri fra le varie robe anche una jota ,sardoni in savor un strucolo de pomi e un presnitz.
E me dimenticavo dela pinza! Ma forsi la jota e sti dolci no xe al'alteza dei "grandi della terra anche se ministri degliesteri....."

[babatriestina]

Forsi i ga pensado che a no tuti ghe pol piaser la jota ( mi per prima..) soprattutto in sta stagion


e.. pinza.. cosaa, semo a Pasqua???

[Nona Picia]

e.. pinza.. cosaa, semo a Pasqua???

Ma no te se ga ancora acorto che la pinza no se magna più solo per Pasqua????? El fato che mi e ti la femo in quel periodo oramai no conta più...se te ga osservà anche el presniz che una volta se fazeva, almeno a casa mia, solo per Nadal o al massimo anche a Pasuqa, te lo trovi tuto l'anno.Oramai le tradizioni conta assai poco!

Comunque, epoca o no epoca, xe i nostri cibi tradizionali, no? Quei che in teoria dovessi rappresentar almeno in parte la cità. O sbaglio?

[babatriestina]

Comunque, epoca o no epoca, xe i nostri cibi tradizionali, no? Quei che in teoria dovessi rappresentar almeno in parte la cità. O sbaglio?

per mi i rappresenta solo una parte del città. Per altri podessi eser sardoni barcolani , roba che vien però considerada "cusina povera". Mi son sicura che Massimiliano, co vegniva Sissi ospite a Miramar, nol ghe offriva sicuro jota o pinze!
Po mi no penso che in queste riunioni i vegni per magnar cusina local.
( mi, se andassi in un logo novo e i me offrissi solo che jota, bleaaahhhh!!!!! mai più ghe tornassi! ! )

[Nona Picia]

No xe miga necessario ofrir solo la jota, se fa assaggini de tuto quel che gavemo, come se usa adesso e cussì i ciapa un poco de tuto per provar.
El fato che a ti no te piasi la jota no vol dir che tuti la pensi come ti....

[Nona Picia]

PS: dimenticavo: mi go dito dovessi rapresentar almeno in parte la cità, naturalmente gavemo altre robe magari più interssanti che la rapresenta, no?

[Nona Picia]

". Mi son sicura che Massimiliano, co vegniva Sissi ospite a Miramar, nol ghe offriva sicuro jota o pinze!

Chissà, forsi el ghe ofriva sardoni in savor!

[babatriestina]

Legeremo el menu dela zena de stasera a Miramar, che me par che i vol far in piazzal ma i riscia de becar neverin.. ben, intento dopopranzo go fato un giro in centro, per quei che vol saver che aria tira.. assai tranquillo,diria:
questa xe Piazza dela Borsa, che i la gaveva serada a ora de pranzo

e verso la piazza xe anche svodo, gente in bicicletta

la piazza svoda drio dele transenne

[babatriestina]

in via dele Torri che doveva esser contestazioni no go visto nissun, tuto quel che go visto iera sti mati soto de Carlo VI con bandiere celesti de un sindacato de polizia e balonzini rosa e celesti.

[AdlerTS]

co vegniva Sissi ospite a Miramar, nol ghe offriva sicuro jota o pinze!

.. ma Presnitz

[babatriestina]

co vegniva Sissi ospite a Miramar, nol ghe offriva sicuro jota o pinze!

.. ma Presnitz

contenti voi de imaginarveli cussì...