Trieste in ventaglio

[babatriestina]

nei anni Cinquanta una Casa farmaceutica , credo, fazeva delle cocole cartoline a colori, una serie iera dei ventagli dedicadi ale città italiane e no podeva mancar una dedicada a Trieste ( caralcuore!)
Al de là de San Giusto aparentemente in Riva e della profusion de tricolori, xe de notar sula destra i costumi carsolini abastanza ben riprodotti, le babe col fazoletto ala mandriera e l'omo coi fiori sul capel

[granzo]

Bela cartolina, ma cossa xe el fazoleto "ala mandriera"?

[babatriestina]

Bela cartolina, ma cossa xe el fazoleto "ala mandriera"?

A Trieste città no credo che ghe sia un costume tradizional popolar, o almeno no xe restado, invece nei dintorni, de Servola per lo meno in fora, le done usava vestirse con un fazoletto incrosado sul petto e un in testa, girado e ligado in alto. Un mio amico diseva che sua nona, co la se vestiva cussì, la lo ciamava vestirse ala mandriera.
Per veder sti costumi, basta andar ale nozze carsiche a Monrupin, forsi sarà anche qualcossa al museo de Servola

[granzo]

Un mio amico diseva che sua nona, co la se vestiva cussì, la lo ciamava vestirse ala mandriera.
Per veder sti costumi, basta andar ale nozze carsiche a Monrupin, forsi sarà anche qualcossa al museo de Servola

El fazoleto sule spale lo vedo, ma quel sula testa no rivo a capir.
Le noze carsiche go visto un ano...full de gente e se vedeva mal in un canton...percio` no xe che me 'iuti tanto. El museo de Servola lo go trova' chiuso in giorno e orario de apertura! Che sf...a.

[AdlerTS]

sula destra i costumi carsolini abastanza ben riprodotti, le babe col fazoletto ala mandriera e l'omo coi fiori sul capel

Son proprio convinto che le carsoline andava a celebrar el tricolor

[babatriestina]

sula destra i costumi carsolini abastanza ben riprodotti, le babe col fazoletto ala mandriera e l'omo coi fiori sul capel

Son proprio convinto che le carsoline andava a celebrar el tricolor

Licenza poetica! come San Giusto a destra del Molo
ma qua semo nela sezion artistica e no storica

[refolo]

Mi go' un ventaglio, vecio dal 1976, prima volta che mamma xe vegnuda a Trieste. Perfetto, tipo, avorio, material magari sintetico, ma con le sue foto ...Panorama-Via Carducci-Chiesa San Antonio Piazzale San Giusto-Piazza Unita'Faro della Vittoria-P.della Borsa-Trieste, San Giusto-Trieste.
Se lo gavessi porta' in America, gaveria ciapa' un mucio de dollari.....te ghe lo mostri a certi triestini? nianche per el ........
La vita xe funny.......la gente ancora de piu'

La prima volta che son vegnuda nel rion che abito (nel lontan 1965) giusto per magnar un piatto de calamai...che fra l'altro el paron iera un Calabrese, ma el saveva chei triestini va' matti pel pesse.
Smart man...el ga' fatto un restorante esclusivo per noi, e ogni domenica, piu' de 300 iera la' a magnar. Ghe ierra in mezzo....

Non so' chi' ma forsi un pittor cosciensioso o intelligente, o el iera oltramar
el pitturava el Castel de Miranmar? mi ghe go' domanda' perche' dell'interesse de sto Castel? el me ga' risposto che lui va' per HISTORICAL
POINT OF VIEW? nianche farlo a posta nol gaveva mai inteso della citta' de Trieste. Ma ghe go' insegna' mi'. Tanto, che dopo un per de anni nel mio sobborgo ghe iera in vetrina almeno dieci quadri, de differenti sezioni, e ve posso garantir che tutti xe stadi vendudi.

Miramar xe imponente....anche sei non capissi una cicca, el quadro xe maestoso.
Maria aka Refolo

[babatriestina]

nei anni Cinquanta una Casa farmaceutica , credo, fazeva delle cocole cartoline a colori, una serie iera dei ventagli dedicadi ale città italiane e no podeva mancar una dedicada a Trieste ( caralcuore!)

riordinando le mie cartoline, go avudo maggiori informazioni sulla storia de queste cartoline coi ventagli: i iera fatti non per una Casa farmaceutica, ma un'organizzazion religiosa : Casa Mamma Domenica, e i xe dei anni 50 e a mi i me piaseva molto , e li collezionavo iera una serie coi ventagli, po altre serie con orologi, danze tradizionali, l'autrice iera una pittrice sarda Edina Altara e go trovado i sui dati si su wikipedia http://it.wikipedia.org/wiki/Edina_Altara sia su un blog tegnudo dei sui discendenti http://edinaaltara.blogspot.com/
i quali me disi anche che la gaveva fatto anche alcune decorazioni su specio su una nave probabilmente triestina. Quante opere d'arte iera sulle navi che dopo no se sa dove che le sia finide..
in omaggio a Elisa zonto el ventaglio sul Argentina, immagini volutamente ingenue, che almeno a mi de putela me fazeva viaggiar cola fantasia

[Nona Picia]

Sai bel!

[serlilian]

Cocole!
No le gavevo mai viste.