Co son andà via de casa iera un bel sol, ma co son rivà dove che volevo far le foto el ciel se ga velado; le go fate lostesso e anche se le luci no xè el massimo le se lassa guardar.
EL SILOS
A sinistra dela stazion centrale xè el Silos; qua iera la vecia stazion feroviaria coi binari sopraelevadi. Una dela ali, quela de destra guardando da piazza Libertà, parecchi ani fa la ga becà fogo, xè crolà el teto e tute le parti interne. L'ala sinistra saria ancora agibile, ma la xè completamente dismessa e abandonada.
L'avancorpo che dà su piazza Libertà xè stado restaurado: dentro ghe xè un grande postegio de auti, la stazion autocorriere spostada qua dopo che i ga fato la sala Tripcovich dove che la iera una volta, e un mercatino de ambulanti messi qua per liberar la piazza e che adesso, almeno cussì i me disi, el xè mezo svodo.
L'avancorpo
de drio xè la parte che no xè stada restaurada. I parla de voler far dentro un grande centro comerciale e altre robe: chissà quando e come al solito aspetta e spera!
)
... anzi ... me par che ghe ne sia ancora cualcheduna un pochetin piu` in su, ma la` xe za campanele e no piu` s. ana ;-D ;-D ;-D ;-D ;-D
