questo xe un giardinetto sconto, diria semiprivato: in efetti el apartien a quela casa drio dela Ginnastica triestina che xe doprado come succursale de scole, attualmente credo del Galilei, ma no son sicura. ghe son passada un per de volte insegnando e ghe son andada un giorno a fotografar, solo che ierimo sotto elezioni, la scola iera serada ma quei del seggio me ga vardada come una sospetta terorista e me ga invitado gentilmente a alontanarme che no xe permesso el acesso al publico, ben bon mi ve mostro,cussì dopo do foto gi dovudo lassar, xe un giardineto che messo a posto poderia esser bellissimo e inveze el xe trascurado de morir:
el lato verso el edificio ga una bela scalinada con dei vasi in piera ai lati
di fronte ghe xe una vasca col contorno de piera curvilineo, magari in origine ghe sarà satad qualche statua, come che se vedi dela piera sporgente con un buso come per far passar un perno.
Un bravo giardinier paesaggista, come quel che meti in ordine Villa Engelmann, e vegnissi un gioiellin
