No go soldi... cosa fazo???

[rofizal]

Me par che no esisti una sezion per i viz, e alora metemo qua questo novo questionario.

Ve trovè senza lavoro e senza una lira... pardon... un euro.
Gavè disperado bisogno de far dei lavori in casa che no podè rimandar.
Cosa fè?

[babatriestina]

per mi, xe semplice: no se fa i lavori. Co no se ga i bori, no se spendi. Pioverà dentro, se starà in scuro.. ma fin che no vien i bori no se spendi. Punto e basta.

[ffdt]

e chi te ga dito a ti che no se pol rimandar de far i lavori in caxa? ... te dovesi veder la mia ;-D ;-D ;-D ;-D ;-D ;-D ;-D ;-D ;-D ;-D ;-D ;-D pero` za che semo in argomento, no xe che te gavesi de prestarme? ma in amicizia, sa ... senza carte o robe inutili ... ti te me li da de scondon e mi te li torno c'o rivo ;-D ;-D ;-D ;-D ;-D ;-D ;-D ;-D ;-D ;-D ;-D ;-D ;-D ;-D ;-D ;-D ;-D ;-D ;-D ;-D ;-D ;-D ;-D

[Nona Picia]

Mi go risposto "Te fà un puff....", anche se credo proprio che no lo farìa tanto facilmente, xe za abastanza dificile tirar avanti senza "puffi" vari, imaginarse con un "puff" incredibile!

[AdlerTS]

Me par che no esisti una sezion per i viz, e alora metemo qua questo novo questionario.

Purtroppo nn xe un witz, xe gente che se ga rovinado la vita perché non capiva che se pol guardar la television anche senza aver el plasma de 42" e che per andar a lavorar se riva anche senza aver el Mercedes.
Una roba xe i lavori seri de far a casa, una roba xe tuti i amenicoli che i media ne propina e che ne fa spender soldi (e quel che xe pezo ne fa inpuffetar) per niente.

[ffdt]

ah si ... mi go votado per andar a spostar cubi de cemento per 1 euro per cubo ... no so se se stadi de marsich de recente ... in fondo edil ... i ga cubi de cemento che i pexera` si e no 10 chili ... si, va ben, i xe xvodi ;-D ma se i li fa vol dir che i ocori ... 50 cubi xe 50 euro, che xe circa la mia paga lorda de un giorno de lavor ... per mi rivo a spostarghene a man piu`de 50 in t'un giorno de lavor ... se 'po te calcoli che i mati i li sposta a pallet carighi (cubi de 4x4x4 cubi) vol dir che in 10 o 15 minuti te ghe ne sposti 64 ... fusi 64 euri in 10 minuti ... se te rivi a meter una bona parola per mi vado volentieri a far cuel lavor ;-D ;-D ;-D ;-D ;-D ;-D ;-D ;-D ;-D ;-D ;-D ;-D ;-D ;-D ;-D

[rofizal]

50 euro, che xe circa la mia paga lorda de un giorno de lavor

No contar floce!
Qualchedun te podesi anche creder....

[macondo]

Mi faria puff senza pensar do volte...

Cento, duecento, trecento e anca piu..
Se no li paga el diavolo li paghera gesú

[ffdt]

[...]No contar floce [...]

mah ... se te son bon de far 1300 divixo per 30 fate 'l conto, ah ;-D

[rofizal]

se te son bon de far 1300 divixo per 30 fate 'l conto, ah ;-D

Inatnto i giorni lavorativi mensili xe circa 22 e no 30, no stemo imbroiar. E poi, se no te ga cambià lavoro, no me risulta che te gabi solo 12 mensilità in un anno. Prova a divider lo stipendio annuo per 12x22=264 e te gaverà la reale paga de un giorno de lavoro (e no go contà le ferie). Poi te pol paragonarla a quela che te ciapasi per un giorno de lavoro singolo.

[ffdt]

[...] Prova a divider lo stipendio annuo per 12x22=264 e te gaverà la reale paga de un giorno de lavoro [...]

mia molie la ga dito de gaver fato sto conto e in tribunal la me ga domandado alimenti per 2900 euro ogni mexe ;-D ... solo che no li ciapo in tuto mi e magari che li gavesi per bon ;-D ;-D ;-D ;-D ;-D do volte 'l giudice ghe lo ga fato notar ;-D xe facile meter numeri c'o se conta, ma xe c'o se tratasi de spenderli che de colpo no i xe piu` ;-D ;-D ;-D ;-D ;-D ;-D

torno a dir ... a un euro a 'l cubo e a pallettes de 64 cubi se te me meti una bona parola vado a spostar cubi a part-time e divento rico ;-D ;-D ;-D ;-D ;-D ;-D ;-D ;-D ;-D ;-D ;-D ;-D ;-D ;-D ;-D ;-D ;-D ;-D ;-D ;-D ;-D ;-D ;-D ;-D ;-D ;-D ;-D ;-D ;-D ;-D ;-D ;-D ;-D ;-D ;-D ;-D ;-D ;-D ;-D ;-D ;-D ;-D ;-D ;-D ;-D ;-D ;-D ;-D ;-D


e, dito tra de noi, te ga xbaliado el principio: la paga che te ciapi a 'l giorno no la vien fora dividendo cuel che te porti a caxa in t'un ano per 264, ma se la trova ciolendo le tabele economiche de 'l contrato de riferimento e dividendo la cifra neta pe' 'l periodo de riferimento contratual ... che se no xe facile creder de eser richi c'o inveze se trata solo che de exenzioni de le tase per via de i fioi e de tute le altre robe (coniugi a carigo, lavor dipendente, redito unico o meno, numero de i fioi, ecc...)

[rofizal]

mia molie la ga dito de gaver fato sto conto e in tribunal la me ga domandado alimenti per 2900 euro ogni mexe ;-D

Imaginavo che te gavevi problemi de sto tipo
Ma la te vol proprio lasar in mudande?! La te devi proprio odiar...

Ga ragion chi che ogi no se vol sposar. Mi finora la me xe andada ben (e spero fino ala fine), ma se dovesi rinaser no me sposeria nianca con la più bela e adorabile dona del mondo, anche se la giura amor eterno. Le legi xe asurde, e cusì che vadi a quel paese anche el matrimonio! (certo che poi un se inamora e alora perdi la testa...)

Per quel che riguarda le detrazioni, te ga ragion, xe che mi no gavevo quasi niente, solo sai tratenude...

[ffdt]

[...] Ga ragion chi che ogi no se vol sposar [...]

un mio colega che dixeva "amarsi sempre, spoxarsi mai" e che 'l conviveva 'l ga avesto i stesi identici problemi come se 'l fusi stado spoxado ... par strano, ma la baba la ghe ga fato cauxa come se fusi stado un matrimonio de mezo e la ga anca avesto bastanza

ma no voio creder che sia una cuestion che 'l matrimonio xe una roba xbaliada ... in cuel ghe credo ancora, pero` xe tanta gente che credi de gaver solo che diriti e gnanca un dover ... e no parlo de un caxo specifico ma in general ...

mi go intexo sai poca gente dir "no te go capido ma credo che te sia in bona fede e alora te digo come che la vedo mi e ti per favor torna a dirme come che te la vedi ti e se no capiso torna a dirme in t'un altro modo" ... e pur xe cuesto cuel che ocori

inveze xe pien el mondo de gente che credi de gaver chi sa che vantagi a maltratar i altri e a ficarghela sperando che no i se inacorzi ... lori i se definisi "furbi" ... bon, ah ... sara` cusi` ... a mi se un el me dixi che son furbo lo prego de pensarghe meio e se no 'l capisi ghe digo s'ceto che no lo considero un complimento e che preferiso che no 'l me definisi in cuel modo

isteso sti "furbi" i xe per tuto e i fa de tuto per rovinarse 'l proprio mondo co' le sue stese man ... e dopo i se lamenta

no xe 'l matrimonio che xe xbaliado ... xe la cultura de 'l fufignez che no la xe sana ... o almeno sta cua xe la mia opinion de adeso

[Tirabaralla]

AMEN.

[Tirabaralla]

(e cmq è una cultura talmente sdoganata...che tante persone neanche si accorgono di volere tutto dando assai poco...il che cmq non le scusa :\)

[rofizal]

L'altro giorno, parlando per TV, una psicologa ga dito una roba che tuti dovesi saver, ma che molti speso no aceta: nela quasi totalità dei casi, l'inamoramento (l'amore folle, quel dei sogni) dura un anno e mezzo, due. Poi, se la va ben, subentra el "se volemo ben" con varie gradazioni. Mi agiungeria che poi ghe xe situazioni che, come pol spegner, pol riacender la passion, magari per un altro breve periodo. Credo che la pasion eterna (quela tipo Petrarca, se ricordo ben), la esisti solo in amori non corisposti. Praticamente se continua viver un sogno mai realizado.

Importante nel "se volemo ben" xe el modo de afrontar la vita e i problemi de tuti i giorni, che xe tuto meno che romantici. El dialogo xe fondamentale, el cercar de comprenderse, de vignirse incontro per quanto posibile. Nisun xe perfeto e ghe vol anche acetar i difeti del partner. La comprensione, l'affetto, l'aiuto nei momenti meno felici, un poco de diplomazia, cercar de no pensar sempre solo a se stessi, queste e altre xe robe molto importanti. E no se pol pretender de viver tuta la vita in paradiso, tra cori de angioleti, la realtà xe molto più "terrena". Se no se aceta questi aspetti, xe meio viver soli e pasar da un'aventura a un'altra, sfruteremo sempre quel splendido periodo iniziale, ma ala fine saremo sempre soli.

[Nona Picia]

Sacrosanta verità! La vita xe fata de compromessi per conviver coi altri. Nel matrimonio xe altretanto, anche se xe più dificile perchè se xe in due in una casa, grande o picia che la sia e se xe in due responsabili de tuto quel che sucedi là dentro. Se no te ricevi e no te dà un minimo de afeto, comprension, acetazion de chi che te ga vizin coi sui pregi e i sui difeti e no te pensi ai tui, de pregi e difeti, e sopratuto se no te ga la volontà e la maturità de portar avanti questa impresa cominciada in due e de lotar perchè la vadi ben avanti, senza arenderse quando tante ilusioni le se perdi per strada e inveze comincia problemi de vario tipo, alora xe meio nianche cominciarla e ala fine se sarà, come ga dito rofizal, soli.

[AdlerTS]

Tornando al discorso iniziale, el triste xe che anche la macro economia mondiale funziona a puff. Co i compra compagnie telefoniche o televisioni non i paga miga in contanti ... non so quanto tempo guanterà ancora sto castel de carte ....

[babatriestina]

Tornando al discorso iniziale, el triste xe che anche la macro economia mondiale funziona a puff.

ma no iera Keynes che sugeriva de indebitarse? o xe una mia interpretazion tropo semplicistica?
l'ultimo che gaveva pareggiado i conti statali credo che fussi Quintino Sella, e adesso me par che i lo remena per quel

[ffdt]

[...]ma no iera Keynes che sugeriva de indebitarse? [...]

ma 'l iera anca cuel che dixeva che per far girar i bori iera de far scavar buxi e farli impinir de novo ... e a mi me par sai de un lavor fato per gnente indove che i stesi soldi te ghe li pol dar isteso e le stese risorse (in sto caxo cuei che lavora) te le pol doprar meio ... capiso eser economisti puri, ma anca eser un poco concreti no fusi mal