Gira che te gira, basta dedicarse un fiatin, e te trovi finestre e pergoli pieni de fiori. In centro o in periferia, da Barcola a valmaura, da Chidino/Rozzol ai 'borghi' del centro xè tantissima gente che coltiva gerani, surfinie o altro nei vasi che i tien sul davanzal dela finestra o impicai sula ringhiera del pergolo. Eco una picia rassegna de foto i n argomento. No fazo particolari comenti, tanto i fiori li conossè e me par inutile meter tanti nomi che po' xè sempre i stessi. I posti, beh, un poco dapertuto: Via San Pasquale, via Forlanini, Barcola, via Piccardi, ecc. D'altro canto no ga nissuna importanza se un geranio xè de una parte o de un'altra: resta el sogeto dela serie 'balconi fioriti'.
De alcune foto ve indicherò al zona dove che le go fate, per altre resterà un punto interogativo, perchè tra una via e l'altra o tre una cesa e l'altra nele varie passegiate no sempre me ricordo el posto dove che go scatà la foto.
Gerani in via San Pasquale
gerani lilla torno via Picardi
Stessa casa: gerani rossi e incenso, almeno me par
Cussì mia mama ga rinunciado almeno a tignir gerani de colori molto scuri limitandose ai bianchi e ai rosa che ghe par cussì che se noti de meno.
