Cotecio

[babatriestina]

In realtà forsi se podessi verzer una sezion a parte come zoghi o tradizioni triestini, ma l'altro giorno leggendo Magris, me son trovada che ghe piasi zogar a cotecio .
Eco, mi no me ricordo gnanche come che se zoga; forsi go zogado de putela coi amici e po go dimenticado tuto.
( altri zoghi de carte triestini? tressette, terziglio... )

[granzo]

Ma 'sto cotecio saria un giogo co' le carte? No lo go mai sentido...

[babatriestina]

Ma 'sto cotecio saria un giogo co' le carte? No lo go mai sentido...

ecote un passo de Microcosmi de Magris
Come le partite a cotecio, un gioco veneto, non tedesco, giocato «nella Stube dell’albergo Herberhof di Antholz Mittertal...» che può, come tutto, prestarsi per un esercizio di civiltà e di buone maniere. Un gioco dove perde chi prende più carte e che filosoficamente fa il verso alla vita, a meno che non si riesca a prendere proprio tutto e fare "cappotto".

[Bilbo]

cotecio.... ghe go zogà tanto.

ma xe tantissimo tempo che no ghe zogo più, che gnanca no me ricordo più le regole.....

[Nini Naridola]

El cotecio xe un giogo de carte tipicamente triestin. O almeno me par perchè no lo go visto zogar de nissuna altra parte.
Con un mazzo de 40. Valori: dall'Asso (6 punti), Re (5), Caval (4), Fante (3), 7, 6, 5, 4, 3, 2,
All'inizio fa da mazzier chi che ga pescò la carta più alta. Le man successive girando in senso orario (basta meterse dacordo prima). Giocatori da 2 a un massimo de 7. Le carte per ciascun zogador xe 5
Scopo xe de far meno punti possibile opur de far capoto (tutte 5 prese).L'ultima presa vale 6 punti come l'asso. Se un zogador ga fato 4 prese, l'ultima carta pol giogarla per zercar de far capoto opur pol “andar a tratto” (cioè non giogarla). De solito se parti da 4 o 5 punti ciaschedun. Alla fin de la man se conta i punti e chi che ne ga fati de più paga un punto (cioè el va a un punto in meno de quel che'l gaveva in tabela). Pol esser che se paghi in due (o in tre …) gavendo el stesso puntegio massimo. In caso de capoto, chi che lo ga fato va un punto in più e tuti i altri un punto in meno. Nel caso che el zogador (che ga za fato 4 prese), inveze de “tratar” gioga la carta e el vien “fermà” da l'aversario che'l gaveva salvà una carta più alta, alora chi lo ga fermà ga un punto in più, l'altro un punto in meno e tuti i altri inalterai.
Dimenticavo de dir che se xe obligai a risponder con lo stesso seme de quel che ga giogà per primo. Solo se no xe ga de risponder se pol giogar quel che se vol.
Quando uno, dopo esser arivà a zero in tabela pol “indotorarse” a pari punti del più basso in tabela.
Alla fine i giogadori diventa sempre meno finchè se resta in due che se zoga tuta la pulia.
Ai mii tempi un'osteria dove se zogava fisso cotecio iera quela de sior Bandelli in via Timeus (adesso xe el garage de la Standa) vizin el negozio de colori Cadel (anche quel no xe più da un poco de tempo). Vizin iera anche quel distributor de jazo in stanga. Chi se lo ricorda?

[Nini Naridola]

Dimenticavo de dir che le prese va messe a carte scoverte davanti al zogador che le ga ciapade, per lassarghe la possibilità ai altri de valutar i punti e le carte andade fora.

[Ciancele]

Cotecio ... ghe go zogà tanto.
Ma xe tantissimo tempo che no zogo più, che gnanca no me ricordo più le regole ...
PS: Bilbo, scusime se go copià par mi la tua risposta. No gavevo tempo par studiar una compagna ma con altre parole. Te me pardoni?

[Ciancele]

Wikipedia sa tuto. ‘lora go fato prima cotecho e me ga coreto in cotecchio. Tra i tanti iera anca cotecio o ciapanò. Vardare par credere.

[molighe el fil]

Durante la guera co iero picio andavo con mio papa e tuta la famea nel osteria de Ieti in via d'Angeli e el cotecio iera quel che zogava tuti
Dela clapa iera anche Nereo Rocco che stava do case più la de Ieti.
Go zogà cotecio fin pochi ani fa ala Ginastica in Sacheta e un poco ala volta i zogadori xe sparidi per età

[Ciancele]

Durante la guera co iero picio andavo con mio papa e tuta la famea nel osteria de Ieti in via d'Angeli e el cotecio iera quel che zogava tuti
Dela clapa iera anche Nereo Rocco che stava do case più la de Ieti.
Go zogà cotecio fin pochi ani fa ala Ginastica in Sacheta e un poco ala volta i zogadori xe sparidi per età

Mi zogavo a cotecio nel 1947. Dopo no più. Nel 1945 zogavo anche a whist. Ma no ste domandarme come che se zoga. Più tresete e briscola. Poco terziglio, squasi gnente. Qua go imparà a zogar skat, una specie de tresete/terziglio. Se fa anca i campionati. Bel giogo, per inteligenti e bona memoria (carte zogade e quele che resta).

[babatriestina]

whist dovessi esser el progenitor del bridge.

[Nini Naridola]

Col mio grupo de amici, dopo le classiche giogade de briscola, tressette e scopone, gavemo comincià col cotecio per finir con el King (go visto che elxe in Wikipedia), Whist e un altro, de cui no me ricordo el nome, che consisteva de dichiarar le prese fatte: se cominciava (in 4) con una carta a testa, poi 2, 3, ecc. sin a 13. Naturalmente gavemo finì per apassionarse al bridge ... ma ormai xe assai anni che no giogo gnanche a rubamazzetto.

[molighe el fil]

El cotecio xe un giogo de carte tipicamente triestin. O almeno me par perchè no lo go visto zogar de nissuna altra parte.
Con un mazzo de 40. Valori: dall'Asso (6 punti), Re (5), Caval (4), Fante (3), 7, 6, 5, 4, 3, 2,
All'inizio fa da mazzier chi che ga pescò la carta più alta. Le man successive girando in senso orario (basta meterse dacordo prima). Giocatori da 2 a un massimo de 7. Le carte per ciascun zogador xe 5
Scopo xe de far meno punti possibile opur de far capoto (tutte 5 prese).L'ultima presa vale 6 punti come l'asso. Se un zogador ga fato 4 prese, l'ultima carta pol giogarla per zercar de far capoto opur pol “andar a tratto” (cioè non giogarla). De solito se parti da 4 o 5 punti ciaschedun. Alla fin de la man se conta i punti e chi che ne ga fati de più paga un punto (cioè el va a un punto in meno de quel che'l gaveva in tabela). Pol esser che se paghi in due (o in tre …) gavendo el stesso puntegio massimo. In caso de capoto, chi che lo ga fato va un punto in più e tuti i altri un punto in meno. Nel caso che el zogador (che ga za fato 4 prese), inveze de “tratar” gioga la carta e el vien “fermà” da l'aversario che'l gaveva salvà una carta più alta, alora chi lo ga fermà ga un punto in più, l'altro un punto in meno e tuti i altri inalterai.
Dimenticavo de dir che se xe obligai a risponder con lo stesso seme de quel che ga giogà per primo. Solo se no xe ga de risponder se pol giogar quel che se vol.
Quando uno, dopo esser arivà a zero in tabela pol “indotorarse” a pari punti del più basso in tabela.
Alla fine i giogadori diventa sempre meno finchè se resta in due che se zoga tuta la pulia.
Ai mii tempi un'osteria dove se zogava fisso cotecio iera quela de sior Bandelli in via Timeus (adesso xe el garage de la Standa) vizin el negozio de colori Cadel (anche quel no xe più da un poco de tempo). Vizin iera anche quel distributor de jazo in stanga. Chi se lo ricorda?

Mi me ricordo dela botega de piture de Cadel.
In principio i gaveva la pitura a oio in grandi bidoni con la spina e i due fradei Cadel te fazeva el color a ocio misiando le piture dei vari bidoni e i intivava la tinta meio dei computer de ogi.
El terzo fradel, Amelio, ghe fazeva la materia prima in una fabricheta che se ben ricordo iera in via Caccia.
Quela volta fazevo per i Cadel, vasolini,batiscova, cassete de spizadure e righe per pitori e anche fazevo le modifiche ala botega incontro come ghe serviva.
Quando iera ancora vivo el sior Aldo, ga ciapà tuto in man i sui due fioi che ga rinovà el negozio butandose più sui articoli per artisti e hobisti.
Legendo i mesagi sul cotecio, go avudo questa notizia e passando de la go visto che adeso se ga slargà el bufet de Voltolina e non esisti più tracia del negozio che gavevo fato tanti ani fa