Ma a Trieste sicuro no la xe solo che una roba de questi tempi.
Prima del Otocento no gaveva senso, nel Setecento la cittànova xe stada costruida, e za nela seconda metà del Otocento ghe xe stada una prima speculazion: in bona parte del borgo Teresian i ga alzado de un pian i edifici. In certi casi se riconossi, altri se sa ( el Palazzo arcivescovil, per esempio..), cussì i paroni dele case gaveva più apartamenti de afitar. controindicazioni? i piani bassi dele case di fronte diventava meno luminosi.
no so cossa che sia stada la speculazion nela prima metà del Novecento, là xe stada fatta urbanistica, novi rioni, ma qualcossa xe ricominciado nela seconda metà del secolo: prima xe stada la ricostruzion dele case rovinade dei bombardamenti , veder el libro de Ciana cole case poco prima che i le butti zo, e nei anni Sessanta xe stada una particolar speculazion: la città se ga esteso nele zone che xe diventade residenziali, e che iera piene de ville ( Scorcola, Romagna e soprattutto San Vito) e le ex ville col parco xe stade vendude, spesso dei proprietari stessi, o ala loro morte, per far tanti condomini immersi nel poco verde restado. Via Besenghi xe piena de ste case, un tre palazzine xe nel ex parco del convento dele suore... in via de Rin iera Villa Holt ( butada zo e palazzine), la bellissima neoclassica Villa Economo ga conservado el corpo centrale e tuto intorno al posto del parco xe condomini molto signorili... in via Romagna le varie ville ( Ara?) ga ospitado in giardin 4-5 condomini, el parco de Villa Ralli xe ridotto a un giardinetto e al suo posto xe un per de condomini.. persin el stesso architetto Psacaropoulo nel parco dela sua bellissima Villa Margherita ga costruido lui stesso un per de condomini ( foto e dati, in sto caso, sui libri de Zubini).
insomma, far case nove per vender no xe una novità. E inveze i abitanti de Trieste diminuissi..
