Alberi in città- viali alberati

[babatriestina]

Più che flora, mi sto argomento lo vedessi in verde pubblico, perchè xe roba messa aposta per decorar la città.
gavemo anche noi i nostri bei "boulevard" come Parigi, e podemo anca analizzar che piante xe.
Comincio col Viale, Aquedotto: ve sè mai domandai che piante xe? ben, le cambia a seconda della zona:
eco el principio, là dela fontana del mascheroto, i ga piantado recentemente alcuni novi, che me par dei aceri a foie picie:

nela prima parte del vial, xe parecchi bagolari ( celtis australis)

eco un particolar dele foie

( e spero de no aver sbagliado l'identificazion...)
nela prima parte xe anche un per de alberi che xe morti là dei lavori e subito sostituidi con novi, beh, anche le piante ga un ciclo de vita e se se le cambia un poco ala volta no se nota tanto.
i alberi del Vial ovviamente devi vegnir potai per no darghe fastidio ale finestre de chi che abita là.

[babatriestina]

ecoli potai in inverno, e in più al momento dei lavori ( secondo lotto)


qua se vedi come che i ga protetto (?) le radise, ma par chi i gabi resistido, anzi i gaveva lassado un poco più de terra intorno e i gaveva messo fioretti, me par che la gente se li ga portai a casa

xe el momento bon per guardar l'architettura dele case drio. El tronco più ciaro xe un platano

[babatriestina]

come che se passa el Politeama, cambia i alberi, sparissi i bagolari e compari i ippocastani. saria de far un giro in autunno, novembre xe el momento giusto

però no i ga l'aria del tutto sana

anche qua, come pianta nova i ga messo un tiglio

[babatriestina]

ma xe anche sti aceri a foia picia : xe el acer monspessulanum? o uno simile? acero minore?

[babatriestina]

Via Battisti:
una volta la iera tuta fiancheggiada de lecci, che po i ga abbattudo un per un nei anni 60-70, disendo che no i stava ben, e i ga sostituido con un albero un poco particolar, che no se trova spesso de altre parti a Trieste: la robinia ombrellifera: xe un parente dela robinia ( pseudoacacia, infestante, quela coi grappoli bianchi che fiorissi nela tarda primavera). Questa no ga fiori e ga un bel portamento a ombrella.




I primi anni sti alberi ga stentado assai a ciapar, e solo dopo un pochi de anni e ga avudo un risultato soddisfacente

[babatriestina]

Ben.. no tute ga ciapado o resistido ben..



e, dove che manca, i sta cominciando a sostituir, tanto per cambiar, con tigli:

[babatriestina]

Via Carducci, fra piazza Oberdan e i Portici de Chiozza , de una parte sola, xe piantai a platani: ecoli in una domenica de agosto, ora de pranzo: mai vista via Carducci cussì svoda?
e no saria bel che ghe vegnissi l'idea de piantar un altro filar de l'altra parte?

[babatriestina]

a proposito di via Carducci, guardate due piante nei giorni scorsi
così i platani formati a ombrello, si allargano e danno ombra

e così i nuovi, che nessuno sa o vuole più impostare così: crescono verso l'alto e danno molto meno ombra