Cronaca de una sera de ferragosto

[sum culex]

Ieri mi e Nona picia semo andai ala 'Sagra dela sardela'.
Ela ga ciolto una de caramai, patatine e acqua mineral, mi una de sardele frite (cossa volevi? Che magno cevapcici ala sagra dela sardela'? ), patatine e !/2 de vin bianco.
Tornando indrio col scuro per andar in piazza Unità a scoltar l'orchestra semo passai davanti a Santa Maria de Guato



Diese passi e me son voltà



Co semo rivai in piazza sonava l'"orchestra da stanza" musiche che a Nona (coi ani che la se ritrova la podessi esser 'decima' o anche de più ) ghe piaseva assai e la se ga fermado a scoltar.

[sum culex]

[sum culex]

Mi intanto giravo per la Piazza: eco el risultato de mezzo de vin.
Una dele luci che xè per tera



Le luci che xè per aria



E quele a metà strada

[sum culex]

Vardo a sinistra: trovo la prefetura

[babatriestina]

Bon, dopo mezo de vin te vardavi ben dove meter i pie ( mai viste cussì le lucette blu!!!), po te devi esser finido per tera che te ga fato i fanai cussì de soto in su, ma nel labirinto dei "puffi" te xe arivado a vegnir fora?
e nissun che comentava sto sior che magari fotografava tuto cuciado?

[sum culex]

Vardo sempre in alto, tanto là no cascavo in mar. Eco el palazzo del'albergo dei duchi



El canton del teto



Le statue in alto del palazzo del Lloyd ogi dela region



Ancora un ricordin de Santa Maria del Guato



Po' iera ora de ciapar l'autobus per tornar casa. Se no iera ela con mi gavessi ciapà l'autobus giusto? Forsi sì: perchè a quel'ora de là no ghe ne passa altri!!!

ciao
zoom culex

[babatriestina]

E cussì gavè una prova che se pol passar un bellissimo ferragosto anche senza andar in barca in Sardegna, o ala casa de Cortina, o ale Seycelle, ma restando qua in cità e fazendo i turisti in città.

però

Nona (coi ani che la se ritrova la podessi esser 'decima' o anche de più )

la xe arivada a legerte? cossa la te ga dito?

[Nona Picia]

Go leto.... go leto..... E ogi sum culex xe un poco piegà in due.... e ghe diol la testa.... !!!!!!


A proposito, l'orchestra "de stanza" non sonava musiche de "stanza", ma musiche da film.........Rota, Morricone, Piccioni, Cipriani........

[Nona Picia]

E cussì gavè una prova che se pol passar un bellissimo ferragosto anche senza andar in barca in Sardegna, o ala casa de Cortina, o ale Seycelle, ma restando qua in cità e fazendo i turisti in città

Xe una sacrosanta verità e ogni volta che noi femo un giro de fotografie, se rendemo conto che no gavemo ancora fato a suficienza i turisti in città!

[giuli]

Bravi..bel reportage

[Larry]

Che bellissime fotografie. Quanta nostalgia mi vien di ritornar veder quei posti d'estate e di sera.
Larry