Aquileia

[babatriestina]

veramente, no so propio ben se Aquileia xe in Friul, ma me pareva la meno sbagliada dela altre possibilità.. ieri go fato un giretto ala Basilica de Aquileia, che ga anche qualche colegamento con Trieste. Ben, ormai tuti sa che Aquileia xe stada fondada come colonia romana nel 181 a.C. e qualchedun disi che prima no ghe iera gnente e altri che ghe iera un vilagetto. La xe stada la capital dela region romana X regio Venetia et Histria, la iera colegata con le principali strade romane, la compari citada nela Tavola Peutingeriana che xe una specie de carta geografica de l'età romana ( copiada però me par nel medioevo). Come città cristiana, la leggenda disi che san Piero de Roma ga mandado san Marco evangelista in persona a evangelizzar Aquileia, el ga fato vescovo s Ermacora che a sua volta ga inviado i primi missionari a Tergeste.
La Basilica de Aquileia ga una storia millenaria: la xe nata come basilica paleocristiana de un certo vescovo Teodoro e i magnifici pavimenti in mosaico roman, simili a quei dela Madonna del Mar de Trieste, che xe stadi riscoperti poco più de 100 anni fa, xe del epoca. Po i ga continuado a tegnirla come sede del Patriarca de Aquileia - Patriarca iera un titolo do onor de vescovi importanti, in principio iera solo che patriarchi a Costantinopoli, Antiochia, le grandi capitali orientali, e par che i ga remenado assai sto vescovo de Aquileia che se ga autonominado de solo patriarca.. ben i patriarchi ga continuado a tegnir la cesa e el gran rinnovatori xe stado nel XI secolo el patriarca Popone o Poppone, tedesco bavarese, che ga restaurado ( adesso se disessi riqualificado ) la cesa . Le decorazioni ga continuado fin al rinascimento, po i ga spostado la sede del Patriarcato a Cividal. Po i ga eliminado el Patriarcato e adesso par che alcuni tesori sia a Gorizia.
La cesa del esterno ga l'aspetto romanico. gotico, de Poppone.





davanti, la xe collegata al Battistero con un portico

[babatriestina]

El campanil xe stado cominciado anche al epoca de Poppone, le basi se le pol veder de soto nela cripta, e i disi che el ga fato de modello per tuti i campanili veneti

L'interno xe a pianta basilical, xe de amirar el pavimento a mosaico, bei anche i capitei dele colonne e el afresco del abside, col Cristo nela mandorla contornado de santi- e par che Poppone se ga fato ritrar anca lu ma senza aureola

el tetto xe de legno, a carena di nave, tipo san Giusto, se vedi le volte con archi a sesto acuto, dela conclusion che xe za gotica

[babatriestina]

i mosaici del pavimento xe de tipo roman, no bizantin, cioè de pierette e no de vetro col color tacado drio come i bizantini, ma i xe molto bei, e molto estesi: xe imagini abastanza naturalistiche, con figure simboliche: qua xe el mar, coi pesci, ma in mezo vedemo do angioletti che fa una pesca miracolosa, ispirada del vangelo, e più in là xe una barca che buta in mar un, se riferissi al episodio de Giona butado in mar e sopravissudo nela panza dela balena, xe Antico Testamento, e ga ispirado anche un episodio de Pinocchio . A destra se intravedi un medaglion col nome de Teodoro.

podemo veder un folpo ( polipo) in particolar

qua inveze xe una decorazion più geometrica, un nodo, se ghe ne trova molte anche nela cripta che mostra decorazioni più vece.

[babatriestina]

Un particolar dei capitei più o meno corinzi

una caratteristica che me piasi dele vece cese paleocirstiane. romaniche, xe che i capitelli xe spesso diferenti un de l'altro, eco un altro che xe inveze de stile bizantin:


come se capissi? per cominciar, sora el ga una piera a forma de tronco de piramide ala roversa cola crose, che xe caratteristica del bizantin. Po le foie xe meno naturalistiche e più simili a un merletto. Se vedè, de sotto xe anche useleti stilizzai..
prima del altar sopraelevado per lassar posto ala cripta, xe un picio transetto ( la parte incrosada dela cesa), qua se vedi i diversi stili, el sofitto xe gotico e se vedi una specie de edicoletta a baldachin inveze za rinascimental

[babatriestina]

Girando qua e là per la cesa, se trova diferenti opere d'arte:
in una cappella, un bassorilievo del trecento rappresenta s Ermacora, el patron locale, con le 4 vergini martiri aquileiesi


in un'altra cappella, xe una Pietà immagino quattrocentesca, de legno piturado, stile più o meno gotico tedesco, simile a quella che xe a san Giusto( andar a metà pagina) e quela che xe a Muggia ( San Francesco)




e più in là una pala de altar cinquecentesca, restaurada de recente

[babatriestina]

Sula recinzion de una cappella, una coppia de marmo de una Madonna annunziata col angelo di fronte, sempre fra el Tre e el quattrocento, penso.
La Madonna cole man ga l'aria de dir Mi?? ma veramente..

per la gioia dei nostri filoasburgici, xe una targa nera che commemora una visita de Franz Josef

e per la par condicio, meto una decorazion che ricorda i soldai italiani ( anche nel cimitero xe tombe dela prima guerra)

[babatriestina]

La cripta soto de l'altar maggior xe afrescada con afreschi del XI secolo, storie dei santi martiri aquileiesi, in particolar s Ermacora:



un angelo, de aspetto bizantin ( i angeli bizantini ga l'aria de guerrieri bizantini, no de angioletti tipo quei natalizi)

[babatriestina]

Come a Muggiavecia, ghe xe i plutei de tipo paleocristian o barbarico, con nastri, decorazioni a usei, sempre rilievo piatto e nissun spazio svodo:





Al esterno, toh!! do lapidi ( ve mostro una) dela famiglia triestina, oviamente imigrada, dei Cassis Faraone!


Me fermo qua, anche se go fatto tante altre foto, ma questo dovessi bastar a dar un'idea. Xe permesso fotografar, pur de no doprar flash o trepie. me par giusto, no se rovina col flash e no se fa foto professionali, ma el ricordo se ariva a aver istesso.

[macondo]

Belissimo servizio, Betta.

Me apasiona veder un bel esempio del Nodo di Salomone, che mi considero una spece de icona ancestrale. El xe antichisimo (precristiano) e lo se pol trovar sia nela iconografia cristiana dei primi secoli, sia nele sinagoghe e anche come simbolo masonico.
Relazionado stretamente con la svastica e con il Pentagramma (stella a cinque punte), xe un simbolo mistico che doveria riferirse all'eterno movimento e alla interazione spazio-temporale.

[babatriestina]

Me apasiona veder un bel esempio del Nodo di Salomone, che mi considero una spece de icona ancestrale.



Relazionado stretamente con la svastica e con il Pentagramma (stella a cinque punte), xe un simbolo mistico che doveria riferirse all'eterno movimento e alla interazione spazio-temporale.

per el Nodo de Salomone ( a Salomone, per v ia dela Bibbia e dela costruzion del tempio de Gerusalemme i ghe ga atribuito tanto), el xe molto ripetudo nela Basilica, se voludamente o no no so, ma nol xe el solo nodo presente: eco un altro toco de pavimento, col nodo ripetudo più volte, ma te vederà anche altri, una scacchiera (?),uno più invirigolado.

In genera sto pavimento ga significati simbolici, de solito i cita un combattimento del gallo e dela tartaruga, che no go fotografado, che simboleggia la lotta del ben contro el mal,
eco un altro gropo, questo par una matassina, e el xe nela zona più antica, soto del mosaico



Per la svastika, prima che i nazisti la reclamizzi e la diffondi qua, mi savevo che la gaveva un significato nela cultura indiana, la parola xe sanscrita, e che variava se la gaveva le alette in senso orario o antiorario ( la portava bon o mal)
Per la stella a cinque punte, grazie al fatto che i Greghi ga scoperto che el lato del decagono xe la sezion aurea del raggio del cerchio circoscritto, la xe deventada un simbolo matematico e de scoperta, anche perchè la leggenda conta che co i Pitagorici ga scoperto le incommensurabilità i lo ga tegnudo come un segreto, e po nel Rinascimento un ga scritto un trattato su sta sezion aurea che xe deventado un classico de un certo esoterismo "mi so robe che ti no te sa"
Ma inveze me ga colpido moltissimo, sempre nela sezion più antica, questa decorazion:



perchè no gavevo mai visto finora una stella a sei punte in un mosaico, roman o paleocristian.
Altre imagini del pavimento xe bestie, che pol aver anche significati simbolici:
el cervo "come un cervo alla fonte.." me par che xe un Salmo, anche qua xe nastri a separar le imagini

za i mosaici romani usava bestie nele decorazioni, qua i ghe ga anche atribuido significati.

[Donau]

Aquileia (profondimento etimolojego):
http://www.raixevenete.com/forum_raixe/ ... IC_ID=5731

[babatriestina]

Già che a SonoPiccolo piacciono i Vesperbild, metto un dettaglio del viso della madonna di Aquileia

[babatriestina]

Un giretto dopo anni..


la parte rinascimental


ma questi xe antichi o finti antichi?

[babatriestina]

La cripta

[babatriestina]

cagoie

gemme al Museo


lari al Museo

[babatriestina]

dai pavimenti




ambre dal Museo

[babatriestina]

e un Sepolcreto all'aperto fuori dalla mura

[babatriestina]

I resti del foro romano



ovviamente le colonne sono rialzate e completate. Il termine è anastilosi ( anà in greco vuol dire verso l'alto) e stili sono le colonne




( in fondo vedete un gruppo di turisti che ammira e ascolta la spiegazione stando all'ombra)

[babatriestina]

Al Museo questa statua di Zeus Ammone



da confrontare con la nostra al lapidario tegestino, proveniente dalla Basilica romana




idem la Medusa, ad Aquileia

[babatriestina]

Il selciato della strada romana, una piccola via Appia



Il Mithra de noantri è solo una copia in gesso di quello di Vienna ( che è stato portato a Vienna da Aquileia)

VIENNA. Mitra tauroctono.

Rinvenuto a Monastero di Aquileia il 25 novembre del 1888 ed approdato, non senza polemiche, l’anno seguente nelle collezioni imperiali di Vienna, questo rilievo in marmo bianco (91 x 61 x 32 cm.) rappresenta un’eccezionale testimonianza artistica, oltre che un importante esempio del culto rivolto a Mitra, divinità che occupo’ un ruolo di grande rilievo nella cultura romana, la quale presenta anche diverse somiglianze con la figura del Cristo.

quello vero fotografato a Vienna, dal nostro forum