, in paesi carsici e gaverve ricordado che gavemo za messo za un post su Prosecco in general, dove che xe za qualcossa dela cesa, zonto qualche informazion ale foto.Corettamente el nostro Zoomy riconossi el santo de piera sul altra come san Martin- che po xe el stesso nela lunetta afrescada soto el portico, nela sua tradizional storia de taiarse la mantella per darghe a un povero, el altro xe assai più dificile de identificar, se no fossi scrito soto che xe san Primo, un martire triestin de cui assai poco se sa.
La "colomba" che te disi, no xe semplicemente el simbolo dela pase, ma una rappresentazion del Spirito santo.
El Crocifisso xe bel lustro e molto decorado, ma no credo che el sia antico. Molto bel, al de là dei vari altari, el marmo rosso dei scalini, abastanza inusual.
Le statue del legno dela Madonna, Sacro cuor e san Giuseppe xe opere devozionali, la più antica podessi esser la stauta della Madonna, forsi del Ottocento, el Sacro cuor podessi esser dela Val Gardena dei primi del Novecento e el san Giuseppe se sa che xe de un scultor Ivan Pengov de Lubiana del 1918
Le vetrate xe firmade de un Tusek de Lubiana, ma no disi quando (ovviamente no prima dela metà del ottocento, vista la Madonna de Lourdes)
L'abside ( no cupola) xe a costoloni gotici del seicento, una caratteristica dele cese carsiche che ga mantegnudo quel stil fin al Seicento.
Tuti i afreschi sofiti, pareti, etc xe dei primi decenni del Novecento, auindi i ga circa cento anni, alcuni xe del pittor Jebacin de Lubiana del 1919-1920.
Però qualcossa del sofitto podessi esser un poco anterior.
Se volè spiegazioni sule singole imagini e cossa che le rapresente, domandeme, a mi me par tuto ovvio, ma me sa che col tempo molta dela simbologia se ga perso e no tuti conossi.
No ariverò a tradur i cartigli in sloven, perchè no so. Se qualchedun me vol aiutar, grassie!
Un afresco xe interessante e degno de nota, perchè diferente del solito, e xe quel che se vedi un papa che mosta un Calice col Ostia sora: el papa xe Pio X ( ora san Pio X) e a destar ghe xe el triregno, che adesso no i usa più, e do date: 20 XII 1905 e 8.VIII 1910, che xe le date de do documenti papali sula Comunion, e che permetti de dir che quei afreschi xe posteriori a quele date.
Altra roba original xe la decorazion dei banchi, che xe del 1922 de un scultor Mlacar de Divaccia.
i quadri devozionai del ingresso xe san Luigi Gonzaga e s Antonio de Padova. No prima del Ottocento.
el confessional xe un bel lavor ottocentesco, el ghe somiglia ai armeroni dele bisnonne che adesso i vendi perchè nele case pice moderne no xe più posto per lori.
