Films dimenticabili

[Capuzi garbi]

Ciapando come tema l'opposto del sogeto scelto da Rofizal, me vien in mente, fra tanti, due pelicole che jera andade per la magior co le jera vigniude fora.

La prima xe Ballata Selvaggia (Blowing wild), mostrada nei cine nel mezo dei ani 50.

I atori principai jera Gary Cooper. Anthony Quinn e Barbara Stanwick. Mi gavevo un grande bela memoria de sto film che no gavevo visto per piu` o meno 40 ani: Co gavevo capi` che i gaveva deciso de mostrarlo sula television australiana un venerdi` sera ale 20:30, ghe gavevo racomanda` a mia moglie de registrarlo perche` mi no rivavo a casa dal lavor fin ale 21:30, 22:00.

Rivo a casa, e Lynn me domanda sarcasticamente come che solo una moglie sa far: Ma cossa xe sta roba che te me fa a vardar mentre che la registro? Mi son resta` de sasso: Come la podeva parlar cussi` de un tal bell film? Morale: Gavemo varda` ancora un 20 minuti prima de riavolger el nasto senza finir la registrazion. Una porcheria oribile!

El secondo xe Scandalo al sole (A summer place).

Uno dei piu popolari films mondiali del 1960. Credo che nissun mascio de oltre de 13 ani e sotto de 80 no se gaveva inamora` de Sandra Dee.

Anche quel no lo gavevo visto per oltre 30 ani. Finalmente i lo gaveva meso in vendita su nastro (i DVD jera ancora nel futuro). Una storia talmente banal e prevedibile che no ve digo. Atori senza un cavel fora de posto in qualsiasi momento! Incredibile.

Stranamente tute due pelicole al giorno de ogi xe ricordade per le canzoni incluse nela colona sonora.

Ballata Selvaggia per la registrazion dela canzon Blowing wild (Marina mia) cantada dal recentemente scomparso grande dela canzon statunitense Frankie Laine ( de estrazion siciliana, cognome Lo Vecchio), el el secondo per la grande interpretazion de Scandalo al sole sonada dall'orchestra de Percy Faith, un disco che jera sonado su tutte le spiagge e loghi balneari del'estate de 47 ani fa.

[Coce]

Si te ga ragion , ogi se tendi a veder i veci films con oci diferenti, pero' bisogna dir che tanti e tanti dei film veci xe stai capolavori d'arte, e che andar in cine xe sta' ssai popolare in tuto el mondo emancipa'. El publico ogidi' no credo che vadi in cine come una volta, intendo in numero.
Naturalmente ogi gavemo de piu' maniere e possibilita' de divertirse.
Credo che anche la qualita'stenta a esser come una volta, forsi questo xe dovudo al fato che le grandi storie le stade dite diverse volte nei films.
Mi go una bona racolta de nastri fati durante la rubrica de Bill Collins
"The Golden Years of Hollywood" diversi ani fa' che credo ti te se ricordera'. Ciao Coce

[babatriestina]

ben, son contenta, che mi co iero putela sto Scandalo al sole, che i sonava sul jukebox tuta l'estate a Grignan nel 1960, no podevo veder che iera vietato ai minori, no go perso gnente, te disi!

[sono piccolo ma crescero]

Posso meter dentro Il Gladiatore? Una storia boh? Un protagonista che raramente go visto meno espresivo (forsi el xe bel, ma questo no me competi). In compenso i ghe ga dà no so quanti Oscar. Se vedi che, forse, ghe xe boteghe anche là. La sola roba che me gaveva piaso iera qualche efeto speciale e un poco la fotografia.

[Capuzi garbi]

Mi go una bona racolta de nastri fati durante la rubrica de Bill Collins
"The Golden Years of Hollywood" diversi ani fa' che credo ti te se ricordera'. Ciao Coce

Senza dubbio, Cesare. Ghe xe una massa de grandi films fati nel passa` (e occasionalmente anche oggi), ma per quei Rofizal gaveva za verto una discussion su Films indimenticabili.

El bravo Bill Collins continua ancora el suo programa The golden years of Hollywood su Foxtel, television a pagamento.

Babatriestina, se te vol vardar sta pelicola te fazo una copia e te la spedisso. Ad ogni modo te assicuro che no te ga perso niente. (no gavessi dito la stesa roba 47 ani fa) e anca mi me ricordo de sti juke boxes a Grignian o a Sistiana che sonava sto motivo.

[Capuzi garbi]

Posso meter dentro Il Gladiatore? Una storia boh? Un protagonista che raramente go visto meno espresivo (forsi el xe bel, ma questo no me competi). In compenso i ghe ga dà no so quanti Oscar. Se vedi che, forse, ghe xe boteghe anche là. La sola roba che me gaveva piaso iera qualche efeto speciale e un poco la fotografia.

No lo go mai visto, pero` devo dir che Russel Crow no me piasi per niente. Son sicuro che qualchidun dira` la sua sul merito (o meno) de sto film!

[babatriestina]

Grazie per scandalo al sole, ma no me interessa gnanca adesso. Per Russel Crowe, lo trovavo abastanza anonimo come omo. Però del film la parte inizial, cola battaglia me gaveva parso bela. La storia, savemo che no xe vero che Commodo sia morto combattendo de gladiator, ma xe vero che el combatteva a volte. In realtà, de lu saria piutosto de ricordar el editto che ga dado la cittadinanza romana a tuti i abitanti del impero, ma la storia dei do fradei un bon e un cattivo che ala fin se scontra xe un classico dei romanzi de evasion, legeve Wilbur Smith e troverè più o meno la stessa storia contada in tante salse diferenti.

[nanaia]

eh sì, caro capuzi...dopo un tot de anni se cambia gusti! Ti te ieri inamorado de Sandra Dee e mi de Troy Donahue quela volta no te digo che sogni e adesso (o meio, quando go rivisto poco tempo fa l'ennesima replica del film) me domando come el me podeva piaser!!!
Se te pol consolar, gnanche a mi me piase Russel Crowe e gnanche el gladiatore.
Tra i film dimenticabili mi mettessi anche Il primo cavaliere: una delusion tremenda, per mi. I due interpreti (Richard Gere e Sean Connery) xe comunque, per aspetti diversi, fra i miei preferidi, però Sean Connery come Artù ancora ancora podeva andar, ma Gere come Lancillotto....mamma mia che orror

[rofizal]

gnanche a mi me piase Russel Crowe

Però ricordo che el ga fato "A Beautiful Mind" (che me ga sai piaso), "Master and Commander - Sfida Ai Confini Del Mare" (che iera bastanza simpatico) e "L.A. Confidential" (che go ancora da veder). Su de lui come persona... scuseme no me interesa (preferiso le mule ).

Mi "Il Gladiatore" lo go visto in grupo e se gaveimo divertido (forsi proprio perché ierimo in grupo, no so). Tipico film storico, pur se con inesateze. El giorno dopo iera tuti che zercava de ripeter la fatidica frase (ve la riporto in inglese perché no go voia de trascriverla):

"My name is Maximus Decimus Meridius, commander of the Armies of the North, General of the Felix Legions, loyal servant to the true emperor, Marcus Aurelius. Father to a murdered son, husband to a murdered wife. And I will have my vengeance, in this life or the next."

[Kyeldor]

In realtà, de lu saria piutosto de ricordar el editto che ga dado la cittadinanza romana a tuti i abitanti del impero

In realtà fu Caracalla e non Commodo a dare la cittadinanza romana a tutti gli abitanti dell'impero, nel 212 d.c. (20 anni dopo Commodo)

[AdlerTS]

Dimenticabili ?

Tra quei dei ultimi anni me vien subito in mente "Pearl Harbor" del 2001: bei effetti, specie quei dell'attacco finale, ma la trama fa acqua da tutte le parti, con un protagonista che prima soffri de dislessia e dopo legi le lettere della morosa

[rofizal]

Quei che go visto e che go ritenudo dele schifeze (poi, ovio, xe question de gusti). No xe tuti famosi, per fortuna:

- Dark Descent - Discesa negli abissi
- Blood Feast
- 11 Settembre 2001
- Confessioni di una mente pericolosa
- Frankenstein contro l'uomo lupo (Frankenstein Meets The Wolf Man)
- La casa infestata
- Sulle orme della Pantera Rosa (1982)
- Python
- The Wisher
- L'Iniziazione
- Once Were Warriors 2 - Cinque anni dopo
- Cannibal Holocaust

[serenutis]

no dai, Confessions of a Dangerous Mind iera sai bel secondo mi.
11 settembre 2001 xe quel fato a episodi de vari registi? me ga piasso l'episodio de Sean Penn - belisima l'imagine finale dela pianta sulla finestra del veceto che riprendi a viver perché finalmente ghe riva luce (che prima no ghe rivava perché iera de mezo el grataciel).
anche quel del'11 settembre de l'Argentina iera sai toccante per mi

comunque meno mal che no semo tuti uguali...

[Capuzi garbi]

eh sì, caro capuzi...dopo un tot de anni se cambia gusti! Ti te ieri inamorado de Sandra Dee e mi de Troy Donahue quela volta no te digo che sogni e adesso (o meio, quando go rivisto poco tempo fa l'ennesima replica del film) me domando come el me podeva piaser!!!

Come ricordo: Mia moglie me ga domanda` se te ga mai visto un film intitola` Parrish, anche con lui. Aparentemente un'altra pelicola de quel periodo che no valeva un tubo.

[rofizal]

Sicome no credo de gaver mai visto "Scandalo al sole" (o almeno no me ricordo), go zercado in rete un comento che rendi l'idea per quei come mi che no conosi nianche la trama:

Dal popolare romanzo di Sloan Wilson, un film altrettanto celebre. Il milionario Ken Jorgenson prende alloggio, con la moglie e la figlia Molly, in un albergo di Pine Island. Tra la ragazza e Johnny, il figlio del proprietario della locanda, sboccia un tenero amore. Il medesimo sentimento era nato vent'anni prima tra il ricco genitore e la madre di Johnny. Un film irrimediabilmente datato, non troppo distante da una odierna soap opera, anche se la confezione del prodotto è indubbiamente impeccabile. Belle le musiche di Max Steiner.

El comento xe de Andrea Tagliacozzo e el xe presnte qua: http://www.delcinema.it/film/1959/scandalo_al_sole.php

[babatriestina]

Sempre per i film dimenticabili ( e libro original incluso), ve ricordè cossa che no i gaveva osannado Love story? de Segal! credo che lo gavevo anca visto... un de quei film sentimental -zuccheroso, come po Anonimo veneziano ( ma almeno ghe iera le vedute de Venezia) e me par come libro anche Il diavolo in corpo de Radiguet, i gaveva fatto anca un film anni 50 con Danielle Darrieux. ( sempre quel: do giovini se incontra, se ama con qualche dificoltà e un dei do mori, lassandone nel dubio se l'altro dopo se consolerà)

[serenutis]

alora ghe zonto anche Autumn in New York, con Richard Gere e Wynona Rider, del 2000 me par. Lui xe un chef famoso e sciupafemmine e ela tanto giovine ma malada, lui se inamora ma ela mori...
l'unica roba bela del film iera le riprese de new york, sempre belisima

[nanaia]

grazie, Capuzi, che bel pensier! De quel altro film no savessi: con quel titolo, sicuramente no, bisognassi veder come i lo ga reso in italian. El più dele volte la traduzion xe alquanto...fantasiosa

[rofizal]

De quel altro film no savessi: con quel titolo, sicuramente no, bisognassi veder come i lo ga reso in italian. El più dele volte la traduzion xe alquanto...fantasiosa

In italian se dovesi ciamar "Vento caldo". El xe del 1961 e, oltre a Troy Donahue, el vedi come atori Claudette Colbert, Karl Malden e Dean Jagger. La regia xe de Delmer Daves.
Vedi anche http://akas.imdb.com/title/tt0055279/
Credo de no gaverlo mai visto.

[serenutis]

a proposito de film, ieri sera go visto finalmente "La Sconosciuta" su sky. digo finalmente perchè iera da tanto che i me gaveva parlà de sto film e no gavevo ancora avudo ocasion. me ga lassà un poco perplesa, devo dir. e questo sarìa el film che rapresenta l'Italia a la corse per i oscar? mah...
zerte riprese de trieste inveze iera 'ssai bele.

qualchedun de voi xe mai stato dentro al palazzo dele generali dove xe sta girade tante scene?
mi una volta sola, perchè un anno in classe al liceo gavevo una fia de coppola di canzano che abitava là al ultimo pian, e gavemo fato là una festina de compleanno me par. ma no me ricordo de aver visto quela bela scala però.

serena