i laghi de Plitvice

[babatriestina]

Sti laghetti xe famosi, i xe in Croazia al confin cola Bosnia. Xe una serie de laghetti digradanti colegai con cascate e cascatelle. tuto el ambiente xe molto bel, ben tegnudo, con sentieri e spettacolari passerelle, in più colegamenti interni con autobus elettrici e battellini elettrici anca quei.
In autunno i colori xe stupensi e.. mi go incociado do giorni de nebbia e piova. ben, volè saver? Iera bel istesso, e ve fazzo veder un poco:
i laghi cola nebbia xe romantici come laghi scozzesi

e i colori de l'autunno xe favolosi

e le cascatelle xe nel verde coi faggi fra el giallo e el rosso

[babatriestina]

le foie de faggio rosse tappezza i sentieri , fra un laghetto e l'altro ( notar le ioze de piova)

eco el batellin che fa la spola fra un lato e l'altro del lago de mezzo


la cascate va in sti laghi de un verde smeraldo

[babatriestina]

foie rosse? beh, no cori andar fin Plitvice per trovarle, ma cusì bele cole iozze de piova valeva la pena de fotografarle

iera stupendi sti aceri ( o simili ai aceri) che gaveva le foie rosso arancion

per finir, gastronomia: strucolo de pomi in version croata:

[sono piccolo ma crescero]

Bellissime foto. Per completezza del discorso, mi permetto di allegare un riferimento cartografico.

(purtroppo non riesco a mettere direttamente l'immagine ma solo il link)

[Nona Picia]

Veramente bele foto! Anche la nebbia e la piova ga el suo fascino.

[Coce]

Bele foto, la natura ga el suo fascino anche nei posti piu' imprevisti, le foie
colorade , le goce d'acqua i alberi, xe za un miracolo dela natura, brava Beta. Ciao Coce

[Lugara]

Che meraviglia...!
Mi spero de andarghe la prossima primavera, e a sto punto no vedo l'ora.
Le foto par quadri, veramente bele.

[AdlerTS]

anche el strucolo non me par mal

[Tirabaralla]

Mammamia!

[babatriestina]

iera stupendi sti aceri ( o simili ai aceri) che gaveva le foie rosso arancion

i me ga spiegado: xe aceri, ma no se li trova qua de noi: xe el Acer obtusatum ( a foie ottuse) o Acero d'Ungheria!

[babatriestina]

iera stupendi sti aceri ( o simili ai aceri) che gaveva le foie rosso arancion

i me ga spiegado: xe aceri, ma no se li trova qua de noi: xe el Acer obtusatum ( a foie ottuse) o Acero d'Ungheria!

E , sempre per confermar la mia idea che solo che el nome latin xe ( odovessi esser) univoco, go rivisto un de sti alberi a san Marino, col nome de Acero Napoletano o de Ungheria e meno mal che po ghe iera anche el nome latin..
de l'Ungheria a Napoli? va ben che nel Tre-Quatrocento iera una dele Giovanne regina de Napoli (no me ricordo ben quala, forsi quela dei 4 maridi..) che gaveva sposado un Andrea de Ungheria: che el ghe gavessi portado in regalo un per de piantine de aceri?