11 otobre 1963 legevimo sui giornai che moriva Edith Piaf, la mia cantante preferita.
In realtà no se sa ben gnanca quando e dove che la xe morta, perchè la iera in Costa Azzurra, prima a Grasse e po a Mougins, e par che la sia morta là zo, e che i la gabi portada za morta, ma come se la fossi in agonia, de notte, a Parigi per farla morir uficialmente a casa sua.
Xe stadi giorni de lutti: do giorni prima xe stada la disgrazia del Vajont e el giorno dopo xe morto Jean Cocteau.
Mi ricorderò la Piaf oggi riguardandome el DVD de La vie en rose, che in original se ciama La Mome e che xe una bona ricostruzion dela vita dela Piaf: ovviamente, taia molto, se no altro do maridi nel film no xe gnanca ombra, ma dà in complesso un'idea abbastanza fedele de come che la iera.
Come memoria, ve posto el suo vestitin nero de scena, come che el iera in mostra a Parigi un per de anni fa
(de l'album flickr)
