Funghi

[babatriestina]

Nissun ga mai parlado de funghi, e no so se no gavemo qualche esperto micologo.
Mi li go fotografai perchè i me pareva bei de veder, ma se i xe boni de magnar go i mii dubbi.
Po per mi, xe boni de magnar quei che vedo in vendita in piazza o in boteghin. per anni, mi conossevo solo che i champignon coltivai e i porcini secchi
però sti do li go fotografai oggi in un bosco poco oltre confin, xe sempre Carso, anche se no propio triestin

[Lugara]

Proprio l'altra domenica son andada a ingrumar funghi col moroso nel suo teren: gavemo ciolto un mucio de questi, i unici che conossemo de sicuro. Li ciamemo mazzetamburo, el nome scientifico xe a noi sconosciuto:

In compenso gavemo becado due signore che stava ingrumando funghi anche lore; sule prime le se ga preocupado che ghe zigassimo e inveze ala fine le ne ga spiegado come riconosser ben i ciodini: ghe xe scampago un otimo risotin! Questi però no li go fotografadi.

[Lugara]

Ah, Babats, penso che quel fungo rosso a puntini che xe nela foto a destra sia un'Amanita Muscaria, velenoso de bruto!

[babatriestina]

Ah, Babats, penso che quel fungo rosso a puntini che xe nela foto a destra sia un'Amanita Muscaria, velenoso de bruto!

difatti, in bosco i funghi mi li fotografo, no li ingrumo!

[Lugara]

Noi infati, per sicurezza, ingrumemo solo quei che conossemo: mazzetamburo, porcini (magari trovarne in bon numero!) e, dala scorsa domenica, chiodini.
Dei altri, meio no fidarse!

[Nona Picia]

I disi che l'amanita sia sai sai velenosa!

[ffdt]

de cuel che so mi tuti i funghi co' i puntini bianchi per de sora i xe velenoxi ... e zercando in rede paresi che tuti do i sia amanita muscaria

a` ma connaissance tous les champignons avec les taches blanches sont toxiques ... et d'une recherche sur le web, il me semble que les deux peuvent être amanita muscaria

to my knowledge all the mushrooms with the white spots are poisonous ... and searching on the web it seems to me that both yours can be amanita muscaria

[Lugara]

Efetivamente quel dela foto a sinistra pareria un'amanita muscaria, come dir, stra fata...

[babatriestina]

co go tempo de zercar, varderò i mii libreti sui funghi e vederò de confermar

[Nona Picia]

Xe proprio l'amanita, velenosissima. Anni fa in montagna i me ga dito che se te ghe cavi el rosso coi punti bianche e te la cusini, te la pol magnar. Mi no go mai provà e son molto dubbiosa che sia vero.

[babatriestina]

se passè per Piazza del Borsa, xe propio un stand micologico con foto de funghi nostrani. El fungheto rosso xe el amanita muscaria, xe velenoso, a volte mortale. Propio mortali xe altri, fra i quali l'amanita phalloides. L'A muscaria dà palpitazioni, allucinazioni. convulsioni.. insoma meo no magnar.

[Lugara]

(cut) L'A muscaria dà palpitazioni, allucinazioni. convulsioni.. insoma meo no magnar.

Pensa che zerta gente che assumi certe sostanze proprio per aver ste sensazioni...

[McFriend]

Li ciamemo mazzetamburo, el nome scientifico xe a noi sconosciuto

Noi le chiamiamo ombrelloni o parasol e sono veramente molte buone impanate, meglio di una bistecca.

[sono piccolo ma crescero]

E questo fungo che go fotografà in boschetto, cosa xe? Me rendo conto che no xe un'ammanita (che figura po' se el lo fusi), ma per el resto per mi poderia esser qualsiasi roba.

[McFriend]

Con tutta questa acqua stanno arrivando i funghi. Siete pronti ad ingrumare?

[babatriestina]

un link al forum micologico e botanico, molto ben fatto
http://www.funghiitaliani.it/index.php?act=idx

io comunque, sarò più pronta a comprare e cucinare

[sum culex]

In sto posto se parla de funghi in general; mi go un poche de foto de funghi: un grupo fate pochi giorni fà e un grupo (el primo) xè de vece diapositive de circa 30 ani fà assai degradade e che go zercà de 'restaurar (?) come che go podù coi mezi a mia disposizion: perdoneme se no le xè perfete (gavessi dovudo veder i originai).
Sicome mi considero i funghi ala stragua de tute le altre piante , inveze de far qua de seguito un mis mas, preferisso meterli separati col suo nome. Zonto che per i nomi che mi no conosso (xè tanti che se somiglia tantissimo e xè assai facile confonderli) me son fato iutar de un più esperto de mi, el mio cugin triestin/milanese.
Se qualche nome xè sbaglià, no xè colpa mia, mi son sta solo el 'fotografo' e se xè tra de noi qualchedun in grado de coreger i nomi falai, magari!!! Spero che i 'MOD', anche se con fadiga e remengandome drio, possi sostituir col nome giusto el nome no coreto.
Rinuncio a meter comenti e/o didascalie per no scriver strafalcioni.
I funghi podè andar a vardarli col suo nome in sto stesso posto. 'La flora'.
ciao
sum culex