Autunno

[sono piccolo ma crescero]

In autunno el Carso ga forse i sui più bei colori. Alora go pensà che, come ghe xe la sezion tramonti , se podeva farghene anche una Autunno. Meto una foto, tanto per cominciar, sicuro che altri ne meterà de più bele.

[Nona Picia]

Mi no credo che le mie sarà più bele e no so nianche se me ricordo come che se fa a meterle dopo tanto tempo, ma provo

[Nona Picia]

me xe andà ben le prime, adesso riva le ultime. I colori iera veramente bellissimi dalle parti dell'Osservatorio Astronomico!

[babatriestina]

un posto molto bel per trovar foie rosse xe el Monte Orsario ( Medvedjak, tradotto a volte foneticamente in un improbabile Meducia). Se ghe ariva con so sentieri, el 43 e el n 3, la parte più bela per le foie rosse xe la salida del n 3, che mi me par che fossi stado una velta la vecia version del 43. Se sali in certi punti come passando per un a barriera de fogo, che fa sentir Sigfrido co trova Brunilde .



xe oviamente el nostro somaco Rhus cotinus o Scotano

ma no tuto xe somaco. questo xe un alberel, che come foie ghe somiglia al frassino o un albero simile

[babatriestina]

[sum culex]

Zonto qua un poche de foto de sto ano, ma me pareria giusto, in un secondo tempo, co l'autuno xè passà, spostar el tuto in 'Flora/I colori dell'autunno' che esisti za cole foto de l'altro ano.
No gavessi volù meter gnente per no ripeterme, ma con quel che ga scrito 'Piccolo ecc.' me ga parso un invito.

No se trova solo in Carso solo in sta stagion colori spetacolari de diverse qualità de piante , ma anche nei giardineti de periferia come el mio.
Spero che sti colori ghe fazi vignir a Adler el bon umor, come l'ano scorso.

Comincemo con alcune foie fate in Carso

Le più classiche, quele che qua de noi vien eroneamente cimade somaco.

[sum culex]

Un acero



Erba ormai seca



Un ramo de quercia

[sum culex]

Andemo avanti con quel che go trovado e fato a casa mia

El 'somaco' che go in giardin xè de un'altra varietà de quel che xè in Carso.






Tra do rami de agrifoglio

[sum culex]

La vida selvadiga che se rampiga su una caseta in un giardin vizin de casa mia






Xè un mar de rosso

[sum culex]

La stessa pianta se rampiga anche sui rami ormai nudi dei alberi

[sum culex]

I colori autunali dela betulla

[sum culex]

Ma in sta stagion no xè solo foie dai sgargianti colori giallo e rosso: fiorissi anche i crisantemi! In giardin ghe ne go un per de diverse qualità e colori.
Eco quel sfumà dal rosa al bianco col boton gialo






Uno de un color rosso intenso

[sum culex]

Questo xè uno dopio con diverse sfumadure dal rosa palido al rosso arancio

[sum culex]

E per finir le bache dela pyracantha che me cresi soto la betulla



ciao
zoomy

[babatriestina]

e manca ancora un, che no ga ancora cambiado color... el gingko biloba! co quel diventa gialo, xe propio la fin de l'autunno! ma el xe ancora verde, me par.. lo trovè in piazza Hortis, davanti de l'ospedal, al giardin Pubblico e a Miramar ( perlomeno)

[Lugara]

Grazie a tuti per le belissime foto: l'autuno xe la stagion più afascinante con tuti i sui colori cussì caldi. Go sempre amado molto sta stagion anche se la xe un preludio al inverno (che odio).

Meto un tre foto che go scatado in Costiera, no le xe proprio belissime dato che xe scansioni da diapositiva e le perdi 'ssai nel passagio nonostante tuti i ritochi che ghe fazo dopo.
Le prime due xe de quela rocia che se trova ala fine dela Costiera, verso Sistiana, e ogni volta che ghe passo con la machina la me atira el sguardo inesorabilmente:

[Lugara]

Ma in sta stagion no xè solo foie dai sgargianti colori giallo e rosso: fiorissi anche i crisantemi! In giardin ghe ne go un per de diverse qualità e colori.
Eco quel sfumà dal rosa al bianco col boton gialo

Grazie Sum per aver messo ste foto: mi amo tuti i fiori ma i crisantemi xe i mii preferidi in assoluto, me se verzi el cuor quando li vedo. Dato che go el compleano in sto periodo i me regala sempre una pianta o un mazzo e sto anno li gavevo de sto color:

[Lugara]

Scusa se me permeto, ma a mi me par che queste xe DALIE... comunque belissime

[sum culex]

Gentile Signora LUGARA
Varda che no xè gnente de cossa scusarse se te pareva che quele fussi dalie, infati el fior ghe somiglia tanto; te asscuro al 100% che xè crisantemi: le foto xè fate al 29 otobre de sto ano.
Go una foto dela pianta intiera che no gavevo messo perchè no la me piasi tanto, ma, anche se le foie no se vedi gran che ben, la pol confermarte che xè efetivamente un crisantemo.



ciao
zoomy

[ffdt]

no xe solo in carso che ghe xe colori particolari ... ste cua le go fate in cita`, in giardin de 'l ospedal grando