Barcola e i terrapieni

[babatriestina]

Go seguido i saggi consigli de MisterK e inveze de andar a comprar foto care vece, go ciolto un poche de foto più recenti, che gaveva ogniduna qualocssa che me interessava.Visto tutto el polveron sui terrapieni de Barcola, ve posto un per de cartoline che mostra la variazion dela costa a Barcola:
la prima xe una cartolina, vera foto, Cadel la xe viaggiada del 1957, stampada per un congresso del 1957, ma la foto per mi devi esser più vecia perchè no xe ombra del terrapien che diventerà la pineta, gnanca el piazzal se vedi. Ingrandindola, se vedi ancora i due camini alti dele do fabbriche de Barcola:

Po vien una simile, viaggiada del 1959, che mostra za el piazzal de Barcola ( no ariva ala pineta) ma la linea de costa fra Roian e Barcola xe ancora lissa

e ala fin ghe xe una terza, a colori ma de qualità fotografica inferior, molto più recente, che mostra el terapien, quel che adesso i ga trovado che xe inquinado

[babatriestina]

E adesso ecove una col terapien dela futura pineta: el risulta apena fato, el verde xe el giardineto de Barcola , po xe ancora tuto de piantar, la cartolina xe stada spedida nel 59 ma la foto devi esser de un per de anni prima..