Ptuj ( va a Pettau! - e mi ghe son andada)

[babatriestina]

Se parlava qua de l'espression andar a Pettau e Adler citava

Pettau (oggi Ptuj) jera un ospedal a sud de Maribor per invalidi de guerra

. Ben, el ospedal no lo go riconossudo, ma posso farve veder che bel che xe andar a Pettau!
la cittadina xe sula Drava, la gaveva ovvaimente un importante valor strategico ai tempi dele incursioni turche, la xe apartegnuda per anni a locali conti de Pettau:
del ponte adesso pedonalizzado sula Drava se ga un'immagine molto bela:



el cortil interno del castel, adesso doprado come museo ( che no gavemo avudo el tempo de visitar)

[babatriestina]

sempre al castel , ma anche in giro, xe ancora un poche de aquile bicipiti per la gioia dei appassionati, questa iera al castel

per tuta la città xe esposte ste statue moderne de metallo, che xe originali ma no xe propio la mia passion

questa xe la ex cesa dei domenicani, cominciada nel 1200 , ritoccada in epoca barocca e serada insieme col convento dele riforme de Giuseppe Ii, adesso la xe doprada come sede de museo

[babatriestina]

el monumento che me ga assai piasso, per le opere de arte dentro, xe stada la cesa de san Giorgio in centro: ecola drio del campanil, davanti ghe saria una stele romana che i ghe tien assai de un sindaco roman de Poetovium) ma la xe serada in un gabbiotto e no se la pol veder

questo xe el interno, nostalgici dela Defonta, amirè el lampadario


la xe gotica ma con molta decorazion successiva, ghe xe al ingresso una bellissima statua tardogotica de san Giorgio che copa el drago
La iera soprattutto la cesa dele comunità tedescofone, ghe xe molte scritte tedesche, in particolar lapidi funebri, mi me ga colpido alcune, che i ghe ga ridado i colori ai stemmi e le xe piutosto suggestive

[babatriestina]

questo xe el municipio de Ptuj, inizi del novecento, quel misiot de liberty ( el finestron semicircolar) e stile germanico che se vedi spesso nei paesi tedeschi, fin ala Svizzera tedesca

( altre foto sul sitodesandro e su flickr)

[Nona Picia]

Bel!

[AdlerTS]

Bel giro, te ga fato ben
Penso che prima o poi anche mi "andarò a Pettau"

[serenutis]

gran bele foto, babats, grazie.
te ga avudo anche fortuna a trovar cussì una bela giornada.

qualchedun de voi ga mai leto "L'uomo di Ptuj", per caso?
xe un romanzo che ga scrito un mio amico che fa l'avvocato diversi anni fa: no ga avudo una grande circolazion purtropo ma xe comunque piacevole. devo vardar a casa che casa editrice che xe e po' ve digo. sempre che qualchedun ghe interesi, oviamente...

ciau
serenutis

[Lugara]

Mi son stada a Pettau/Ptuj diverse volte dato che là go dei conoscenti: forsi ghe torno la prossima settimana che ghe sarà la konjenica, cioè un incontro de tuti i cavalieri dela zona che insieme viagia de un paeseto al altro per andar fin Ptuj per far benedir i cavai (e sopratuto per bever e magnar a ogni canton visto che la gente fa a gara per ofrir): el prete fa la messa e ala fine el ghe dà un tocheto de pan duro a ogni caval. Molto sugestivo, con la neve e più de cento cavalieri e anche qualche carozza!
Go passado bei momenti a Ptuj, sopratuto ale terme omonime.... val davero la pena!
Meto qualche foto anca mi, và, anche se no ne go tantissime de poder postar.
Eco un panorama dela cità dal alto:




Un'altra imagine del municipio:

[Lugara]

Questo xe un albergo dela cità che me piasi moltissimo:



Una via con i caffè dove xe 'ssai bel sentarse a far colazion:

[Lugara]

Altra imagine del interno dela cesa de san Giorgio:



Interno del castel:

[Lugara]

Sempre l'interno del castel, che val veramente la visita secondo mi:



Qua go fato acrobazia per rivar a fotografar qualche quadro con i ritrati equestri:



Un candelabro molto sugestivo:

[Lugara]

Poco lontan de Ptuj ghe xe Ptujska Gora; el santuario, dedicado ala Madonna, xe molto sugestivo e intorno se vedi un splendido panorama.





Eco l'imagine dela Madonna che vien adorada a Ptujska Gora: la xe veramente belissima!

[AdlerTS]

Questo xe dal loro sito uficial, tanto per capirse dove semo.



Grazie anche a Lugara, logicamente

[Lugara]

Grazie a ti Adler per la precisazion: mi davo per scontado...

OT: a ogni modo te ringrazierò con qualche foto de Innsbruck: go ancora i oci pieni de quel che go visto.... la Hofkirche con el mausoleo de Massimiliano I me ga quasi distirà per tera! Fine OT

[babatriestina]

Grazie Lugara per gaver zontado, cussì son sempre più convinta che va a Pettau! xe più un'esortazion che un imprecazion

De Innsbruck go anca mi parecchie foto, e anche el monumento de Massimilian , che po no xe sepolto là ma a Wiener Neustadt alla cesa del Accademia militar, quela che gaveva frequentado mio zio.
El monumento mi de picia me gaveva terrorizzado a morte, tuti quei ominazzi neri e grandi me ga fato un'impression che no ve digo, son scampada fora come de un incubo.
adesso con più pazienza li go vardai meo, e xe tuti i antenati de Massimilian, ma no xe scrito soto, per cui ghe vol saverli identificar, ghe xe un sito internet comunque che li mostra un per un e spiega i nomi. Co tachè con Innsbruck, speteve el mio contributo.

[Lugara]

Grazie Lugara per gaver zontado, cussì son sempre più convinta che va a Pettau! xe più un'esortazion che un imprecazion

De Innsbruck go anca mi parecchie foto, e anche el monumento de Massimilian , che po no xe sepolto là ma a Wiener Neustadt alla cesa del Accademia militar, quela che gaveva frequentado mio zio.
El monumento mi de picia me gaveva terrorizzado a morte, tuti quei ominazzi neri e grandi me ga fato un'impression che no ve digo, son scampada fora come de un incubo.
adesso con più pazienza li go vardai meo, e xe tuti i antenati de Massimilian, ma no xe scrito soto, per cui ghe vol saverli identificar, ghe xe un sito internet comunque che li mostra un per un e spiega i nomi. Co tachè con Innsbruck, speteve el mio contributo.

Ah ah ah! In efeti iera impressionante anche se a mi me ga più dà un senso de grande nobiltà piutosto che de paura (se iero picia probabilmente filavo fora anche mi...).
Per quanto riguarda el vecio ospedal de Ptuj la prossima volta che vado me farò mostrar dove che el xe e te saverò dir (con foto, ovvio).
Ciao!

[AdlerTS]

Proprio ieri el Piccolo scriveva: Ogni anno Ptuj è lo scenario di una manifestazione antichissima: la Kurentovanje (Carnevale di Ptuj) dove i Kurent, maschere dai tratti animaleschiannunciano la primavera.

Poi parla de centri benessere che pratica la vinoterapia