Piazza Libertà, vulgo Piazza Stazion

[Piereto]

Ve meto una vecia foto de piazza libertà dei ani cinquanta , quindi ancora soto el tlt ,quando che ancora iera el diurno

vecio diurno.jpg (91 KiB) Visto 278 volte

[Piereto]

Me par de ricordare che fora del diurno nei anni 60 ghè iera la fermata del venti.

[Ciancele]

Ve meto una vecia foto de piazza libertà dei ani cinquanta , quindi ancora soto el tlt ,quando che ancora iera el diurno



vecio diurno.jpg

Piereto mio, la tua foto me ga ricordà el 1952 e/o 1953. Quela volta lavoravo in una dita vizin dela stazion e fazevo più straordinari che ore normali. Gavevo libero come le serve: domenica dopopranzo, dale 2 ale 4. Libero par modo de dir, parchè ciolevo lezioni de inglese, francese e gnoco e dovevo far i compiti. Sicome che iero tropo giovine per gaver la segretaria, iero mi el mio segretario e fazevo corispodenza in quatro lingue. Anca talian. Durante la setimana gavevo la sielta: o lavorar o magnar (a casa, cusinava mama). Un'ora a pie andata e ritorno, col cafè. Ligio al dovere, me andavo a lavorar e pranzo iera quel ristorante comunale. Se me ricordo ben, un pranzo (primo e secondo) costava una zentona. Ma no iero solo, anca altri coleghi i andava a magnar là. No iera tanto schifoso e, sopratuto, sensa tesera.

[babatriestina]

De un per de giorni gira i pupoli del " rendering" che farà bel el " waterfront" ( che po xe lontan de l'acqua) e ga fato un architetto " archistar" che per sto pupolo e progetto par che i lo paghi 2,7 milioni de euro!
i lo ciamerà " l'Occhio di Massimiliano" e in pratica xe come una rotonda con piere carsiche. Cussì te rivi a Trieste e te sa subito che ltre al mar ghe xe el Carso ( che se ghe andrà su con ovovia, perché el tram xe ancorta fermo ( de 7 anni... e no se parla)
Sarà " belissimo"?




( la vita che mi voio- xe ala Stazion su un scoio")



xe ze el pupolo, fato PRIMA che i conti i costi..

[babatriestina]

vedo che se se pol anca sentar sul muretto, ma senza pozar la schena!!!

[sono piccolo ma crescero]

Speremo che sia meio del portacd de piazza Goldoni, del mascheron ala base del Viale e del monumento all'esodo che i ga fato verso le Noghere

[babatriestina]

Speremo che sia meio del portacd de piazza Goldoni, del mascheron ala base del Viale e del monumento all'esodo che i ga fato verso le Noghere

in nissun de sti casi i ga butado zo un teatro per far sta roba. ma in efetti el me ga fato pensar al monumento al esodo,che xe in efeti in una rotonda

[Piereto]

Sinceramente perché far un monumento al carso ? El turista che vien col treno ga za un asagio dopo la stazion de monfalcon e po' el pasa per la costiera. La stessa roba chi che vien in auto. Cusi' però te rivi a veder le entrate del porto, ma i le salva, perché le xe rifinide co un ordine architettonico, ma se le gave' viste da la parte del porto xe una tettoia a volta senza fronzoli. I do milioni e setezento xe per meter a posto la piaza. Chissà se i se ostinerà ancora soportar la vista de tubulari ruzini e tavole de abete stinte che fa parapiova lungo tuto el lato del silos lungo la piazza. Piutosto una allegoria statuaria che ricordi la Trieste dei commerci e de le navi.

[Ciancele]

vedo che se se pol anca sentar sul muretto, ma senza pozar la schena!!!

Cara Baba, xe bel che te se fazi pensieri. Go deciso de tornar a Trieste nei prosimi ani e de fondar una società anonima. Ogeto dela società: nolegio de schienai.