Un giro in fiera de San Niccolò

[sum culex]

Xè za una serie su San Niccolò, ma me ga parso giusto verzer un novo agomento perchè sta fiera xè una roba nostra, locale e no ga gnente a cossa spartir con quel de storico, artistico e de tradizioni popolari che finora xè sta tratà.

Come de tradizion in sti giorni in viale xè la fiera de San Niccolò: andemo a far un giro. Xè tantissimi gazebi ogi; una volta iera bancherele. Fata cussì xè forsi meio per girar, ma coi bancheti tradizionai iera, almeno per mi, più sugestivo, se devi però modernizarse.

Eco l'ingresso



Ogi la xè fata cussì: giremo pei bancheti.



Questo ga i denti de pesecan

[sum culex]

e tante scorze de cagoie de mar



concrezioni svode lassade no so de che bestia



Sta baracheta ga anche tanti inseti e farfale

[sum culex]

No go podù far de meno de fotografar almeno un ragno, perchè ghe piasi tanto a BabaTS. Iera anche una vedova nera, ma no se rivava a ciaparla.
Tuto iera in scatolete de plastica: go evità i riflessi meio che go podù, perdoneme se el risultato no xè el massimo.



Un coleotero



Un scorpion

[Lugara]

(cut) Come de tradizion in sti giorni in viale xè la fiera de San Niccolò: andemo a far un giro. Xè tantissimi gazebi ogi; una volta iera bancherele. Fata cussì xè forsi meio per girar, ma coi bancheti tradizionai iera, almeno per mi, più sugestivo, se devi però modernizarse.

Grazie Sum, ancora no go rivado andar a veder la fiera, forsi domani: xe una piacevole anticipazion el tuo "servizio" per mi!
Comunque son d'acordo con ti, quando iera le vecie bancherele iera molto ma molto più sugestivo... sarà perchè xe un ricordo de quando iero picia? Forsi, ma non solo...
Ciao!

[sum culex]

La mantide religiosa



Farfale



Altre farfale

[sum culex]

El pese bala



Questo iera un poco più grande



Le ceramiche: eco le cichere

[sum culex]

Cogome e latiere



Altre cichere coi pupoli



No pol mancar i piati; e no ghe ne xè pochi!

[sum culex]

Decorazioni in vetro



Rose finte

[sum culex]

Piati natalizi



Lune e soli: pupoli de impicar

[sum culex]

Babbo Natale (qua de noi papà Nadal)



Se comincia a magnar, anche se solo coi oci: intanto salumi e formagi



E chi più ne ha più ne metta

[sum culex]

De queste ghe ne go comprà un per de riserva per mi: son o no son nono?
Se le gira tropo no sta mal gaver una sostituzion anche se queste ga la mufa.



Osocolo e ombolo



La testina dela porcheta rosta

[sum culex]

De qua i taia le fete



Se compagna con un toco de pan, anche se questo ga l'ua passa e i zedrini o per dir meo i naranzini.



Xè pan cole olive o olive col pan?

[sum culex]

Per cavarse de boca el gusto de grasso: i fruti de capero



Se prosegui cole olive, le papriche, i pomodori, ecc.



E per finir le verdure ala piastra

[sum culex]

Prima dei dolci che se fa con sti stampi de silicon giremo ancora un poco per digerir



I balonzini per i fioi



Le lampadine a basso consumo

[sum culex]

E podessi mancar le straze? Noooo! Le straze no maca mai, anzi ghe ne xè a ufete



Tovaie e centri tavola



Sciarpe: bone per strenzerghe el colo a chi che rompi per tornar a casa. La me le fa girar: bon che prima go ciolto quele de riserva

[sum culex]

Se no bastava quele de prima, qua ghe ne xè altre



Pici scialeti peruviani colorati per i fioi



Statuine de mostriciatoli

[sum culex]

e de fatine cole ale



I funghi gnomo o se preferì i gnomi fungo



Gavemo digerì, adesso se magna i dolci: comincemo cola pasta de mandole

[sum culex]

Andemo avanti col marzapan



Le papaie disidratade, No macava i ananas, i chivi (kiwi), ecc.

[sum culex]

Finimo con un pomo glassado: ghe voleva concluder con un fruto



Stemo per andar via



Eco l'uscita e cussì el giro xè terminà: semo fora.



ciao
zoomy

P.S.: Ve ga fato vignir fame? Andè a casa a zenar che xè meio e sicuro più san!

[babatriestina]

fame? tropo de magnar xe de indigestion e i ragnazzi, bacoli vari po rovina el appetito. ma le foto xe cocole. cussì no 'cori che vado ala Fiera