Polpette in bianco

[Nevada]

IN alternativa a quele fritte o in sugo, mi le fazo anche in bianco. Se prepare le polpette, se le rosola in un pco de burro fin che no le ciapa color, se aggiungi acqua e un toco de dado per brodo se lasa consumar un poco e el piatto xe pronto mgari con un poco de purè vicin.

[granzo]

IN alternativa a quele fritte o in sugo, mi le fazo anche in bianco. Se prepare le polpette, se le rosola in un pco de burro fin che no le ciapa color, se aggiungi acqua e un toco de dado per brodo se lasa consumar un poco e el piatto xe pronto mgari con un poco de purè vicin.

Anche mi go fato tante volte...per no far frito e anche perche` se fa prima

[babatriestina]

Mi le fazevo tantissimo per mia mama, co la gaveva la dentiera e no la podeva mastigar se no carne masinada...
Metevo nel impasto de carne un poco de molena de pan, un ovo, po le rodolavo in farina, anche mi un poco de oio e burro per rosolar, un poco de aqua, eventualmente una punta de dado, coverzevo, 20 minuti le iera fate! A volte le fazevo anca con videl masinado.

[belvedere]

un altro modo rapidissimo e senza frittura è il polpettone al forno:
stesso impasto delle polpette (mollica di pane, uovo, parmigiano, prezzemolo tritato, sale) con la forma di un polpettone e incartato nella carta da forno (o quella di alluminio ma imburrata) e direttamente in forno caldo. Dopo una ventina di minuti, apro la carta per farlo rosolare.
Si può mangiare così con qualunque contorno. A me piace con la salsa di kren.
Ciao
Bruna

[Tirabaralla]

Scuseme la curiosità, ma no metè ajio inte le polpete e il polpeton? :\

[Nevada]

Scuseme la curiosità, ma no metè ajio inte le polpete e il polpeton? :\

Mi non meto ne aio ne perzemolo e al posto della mollica de pan, fazo smoiar un poco de pangrata nel late.

[babatriestina]

Scuseme la curiosità, ma no metè ajio inte le polpete e il polpeton? :\

De solito no, ma fazzo un polpeton ale erbe ( ma no xe ssai cusina triestina) che se fa un tazadin de erbe aromatiche: rosmarin, salvia, magiorana, timo... e se disfrizzi in oio e me par che là se ghe possi meter un poco de aio.
Cola zivola, fazzo dele polpette de pollo: petto de pollo, carota, zivola e panna de cusina,un spriz de tabasco, se metti in mixer, se fa pagnochette ( pagnochette saria polpette, ma più larghe e schiacciade) , se le passa nela farina o nel pangratado e se cusina in fersora nel burro ( butiro, se preferì).

[Tirabaralla]

Capisso..penso che qua, inveze, no esisti polpette e polpeton senza ajio... anca se i xè poco digeribili i xè gustosissimi

[macondo]

Ogi pensavo de far una bela zena de polpete, come le fazo de solito, frite e con una salsa de pomodoro.

Cussi che quando go leto la riceta, go pensado de provar a farle. Oltretuto, me gavevo ricordado che iera una specialitá de mia zia che le ciamava 'polpete in tecia'. Adesso le ze pronte, con riso col butiro per acompaniar.

Torno dopo e ve digo (che fame, muli!!!)

[macondo]

Le iera deliziose e go ricevudo i comenti favorevoli de tuta la familia

Quel che me ga piazudo de piú, aparte che xe assai legere, xe el sugheto, specialmente se el se ga tacado un pochetin.

Comunque la prosima volta voio usar el boeuf buillon al posto del dado e magari zonto qualche foia de salvia fresca....