Un libro riscoperto

Libri de autori triestini o dintorni o su Trieste e dintorni
Regole del forum
Collegamenti al regolamento del forum in varie lingue ed alle norme sulla privacy in italiano.
Avatar utente
sono piccolo ma crescero
cavalier del forum
cavalier del forum
Messaggi: 8682
Iscritto il: ven 11 mag 2007, 14:08
Località: Trieste

Messaggio da sono piccolo ma crescero »

Spettavo che vegnissi fora Beccaria, perché lo go letto un per de anni fa (se lo pol scarigar dal sito
liberliber
; el xe un matton, scritto in un italian diffcile, ma el xe interessante) e el me se ga fatto pensar.

Intanto xe vero, el xe contro la pena de morte e un dei motivi xe banale: se se se sbaglia e un no xe colpevole, no se pol più domandarghe scusa e mandarlo a casa. Se me ricordo ben, però, el sostien anche che la pena devi sì esser educativa, ma massime per chi che sta fora de preson e che, vardando la pena che un ga ciapà, ghe passi la voia de far altrettanto. E in questo, disi Beccaria, la pena de morte no servi a un tubo, perché la dura un atimo e chi che varda no ghe vien tropa paura; anzi, diremo noi, el copà diventa martire e vitima e el boia una bestia.

Per come la vedo mi, nele nostre leggi, podessi esser pene educative nel senso de Beccaria (educative per chi che xe fora), per esempio, la confisca dei beni dei colpevoli.

La preson, invece, no servi a rieducar (ghe mancheria altro). La servi solo a separar dalla società dei "boni" i cativi che altrimenti poderia far altro mal.

Ah sì, me par che el disi anche che no xe tanto la severità della pena che te fa esser onesto, quanto el fatto che la condanna riva subito e la certezza che se te sgarri, i te becca, i te condanna e te gaverà danni.

Quindi, per conto mio, se dovessi ciarirse un poco le idee: cosa volemo? rieducar i colpevoli? Farghe paura a chi che poderia perderse, in modo che ghe passi la voia de sgarar? Tutelar la società dei boni e dei onesti serando in preson i cativi e butando via la ciave? Volemo tute ste robe insieme? Xe possibile volerle?

Ma oggi in Italia, che la se disi la patria del diritto, come va le robe? La condanna la vien fatta dai giornalisti nel momento che el giudice comincia a indagar (e magari te son innocente). La condanna vera, se la riva, la riva dopo anni, quando magari un gaveria ormai el diritto de rifarse una vita. Chi che ga fatto el delitto, sopratutto se el iera un masgalbero vero, el diventa una star, e tento più el lo diventa quanto più grave xe quel che el ga fatto. No parlemo, poi, de come vien tutelai i onesti; el fatto che a tanti ghe vegni, e mi credo che i sbaglia, la voia de farse giustizia de soli la disi lunga. Eh sì, semo proprio mal messi.


Avatar utente
rofizal
Eximio
Eximio
Messaggi: 3396
Iscritto il: dom 1 gen 2006, 18:56
Località: Terra

Messaggio da rofizal »

sono piccolo ma crescero ha scritto:cosa volemo? rieducar i colpevoli? Farghe paura a chi che poderia perderse, in modo che ghe passi la voia de sgarar? Tutelar la società dei boni e dei onesti serando in preson i cativi e butando via la ciave?
Per mi l'obietivo dovesi eser quel de viver in una società dove non esisti, o sia ridoto al minimo, el desiderio del crimine. Per rivarghe ghe volesi :
1) che uno non sia costreto per necesità (ad esempio per mancanza de lavoro)
2) che le legi sia giuste e che tali sia reputade dal popolo (in modo che ghe sia la volontà de rispetarle)
3) che ghe sia un pensiero comune che consideri el crimine come una roba da non far asolutamente
4) che ghe sia une vera giustizia, per cui se gavemo ricevudo un grande torto savemo che sarà lo stato a rimediar e no che dovemo farse giustizia da soli (credo che molti crimini parti da questo conceto)

e probabilmente altro ancora.
Per el resto me par che son d'acordo su tuto.


Ognuno sta solo sul cuor della terra
trafitto da un raggio di sole:
ed è subito sera

[S. Quasimodo]

Torna a “Libri”