Ripristino de usi e tradizioni locali

[AdlerTS]

Altre idee per riportar ala luce usi e tradizioni locali?
Se podessi verzer una sezion aposita?

Per esempio mi pensavo che se podessi far sonar prima de tute le ricorenze uficiali l'Ino a San Giusto, oltre a l'ino nazionale.
Qualchedun ghe lo gaveva domandà a Dipiaza a "ditelo a tele4". Ghe xe sta risposto che no conosseva, che al limite se podessi veder per "le ragazze di Trieste"... dimenticando quel che dovessi esser sta anche ino nazionale del Teritorio Libero...
E che xe sta sonà, me par al Verdi, dopo l'ino de mameli in ocasion dela visita de Ciampi... che lo ga scoltà in piedi.

Consideremo el suggerimento de Cenerentola, e vedemo de far sta lista ?

Me par che con Tinza e Marianza gavemo otenudo la visibilità che desideravimo !
Altra roba, semplice anche , che me vien in mente, fa riferimento ad una telefonada che ga ciapado el Sindaco in TV: una siora ghe ga fato notar che in zima della Fontana dei Continenti la statua gaveva in man una tromba de otton ... l'originale chissa dove xe, ma se poderia far far una copia

[babatriestina]

figurite, la tromba xe persa del ottocento, credo! mi me contentassi dei tochi mancanti ale statue, in particolar el papagal che xe andado rotto 3 anni fa. Ma la risposta la ga za avuda cepula: nosepol.
Per l'Inno a san Giusto, nol xe stado mai riconossudo come ufficial, per diversi motivi,c he spiegavo nel mio post. el comincia come pezzo de opera lirica, e in quel toco el xe rivolto contro i veneziani. Ma po el xe deventado el inno della Ginnastica triestina e, come rivendicazion dele libertà comunali, el iera deventado quasi irredentista contro el governo de Vienna
inno del Territorio libero? me par che el Territorio libero no xe stado mai costituido ufficialmente, visto che no i ga mai nominado el governator..... e no me ricordo che durante el governo alleato se sonassi el inno a san Giusto: qua dovessi contarne Larry.

[babatriestina]

Mi voio veder la Madonna del Porto!
che iera sotto la Torre del porto. ma no stago proponendo de butar zo la Luogotenenza e el palazzo del LLoyd per ricostruir la Locanda grande, la Torre del Porto e el Mandracchio per rifar Piazza Grande come che la iera nel Ottocento!
( el quadro, inveze, iera finido ala cesa del Rosario e po dopo, rovinado, el xe finido in qualche deposito..)
bando ai scherzi: mi voio la Trieste del futuro, e no la Trieste del passato. voio colegamenti civili con l'Italia, con L'Austria e con la Slovenia, e per mar con Istria e Dalmazia!
e no dover moverme cola carozza o col mus come che i fazeva nel ottocento

voio una Posta che funziona, dei mezzi pubblici efficienti e puntuali... un tram de Opcina governado..

[AdlerTS]

Nissun parla de tornar indrio de 100 anni ... se parla solo de valorizzar piccoli pezzi artistici ed architettonici

[cenerentola82]

Per l'Inno a san Giusto...

inno del Territorio libero? me par che el Territorio libero no xe stado mai costituido ufficialmente, visto che no i ga mai nominado el governator..... e no me ricordo che durante el governo alleato se sonassi el inno a san Giusto: qua dovessi contarne Larry.

Mi go trovà sto trafiletto sulla conferenza per il Piano Marshall:

Nel 1949 si svolse a Parigi la Grande Conferenza internazionale per la ricostruzione dell’Europa e in quell’occasione fu emessa una cartolina ricordo che riproduceva tutte le bandiere degli stati europei. Fra queste, al pari delle altre, figurava anche la nostra bandiera rosso-alabardata in virtù dell'allora esistenza del Territorio Libero di Trieste, stato indipendente nato dal Trattato di pace del 1947. Nel periodo nel quale il T.L.T. formalmente esistette (1947-1954) la bandiera rosso-alabardata assunse il valore di bandiera nazionale e in suo onore veniva sempre suonato l' Inno a San Giusto quale inno nazionale ufficiale.
Ecco un cartellone pubblicitario del piano Marshall.



Da qua: http://www.tuttotrieste.net/ftnew/amarcord/

[babatriestina]

questa cartolina e i commenti simili xe de un sito a livello del nostro forum.
Per precisazioni sul TLT, ( che mi go vissudo, quindi me lo ricordo), veder
http://it.wikipedia.org/wiki/Territorio ... di_Trieste
anche se la version inglese xe forsi più completa
http://en.wikipedia.org/wiki/Free_Territory_of_Trieste
cartina

lori stessi riporta la cartolina, precisando che la xe sbagliada, perchè l'alabarda no iera su sfondo celeste.
El Inno a san Giusto iera stado fatto proprio della Sociatà Ginnastica Triestina, me par molto strano che i lo gavessi adottado ufficialmente, e men che meno nella zona B, che fazeva parte del TLT !!:roll:

questo xe un passo del link de wiki,
The Territory thus never functioned as a real independent state. Even so, its formal status was respected and it issued its own currency and stamps.
per i francobolli, no xe vero che el TLT gavessi francobolli propri, ma le due amministrazioni, angloamericana e jugoslava, sovrastampava i francobolli italiani e jugoslavi col proprio timbro. per le monede, il wiki scrivi Currency Triestine lira -jugolira.
Mi no so le jugolire, ma mi a Trieste me par de gaver visto ai tempi del tlt solo che lire italiane, come queste, del 1949 che go ancora a casa:






xe ben vero che i indipendentisti, soprattutto dopo el 1954, tendi a identificar el TLT cola sola zona A, dando per scontada la zona B alla Jugoslavia

[Nona Picia]

Mia sorela me ga dito che durante el TLT iera le "AM-LIRE" soldi de carta,mi me ricordo poco, solo dele cento lire de carta che se no sbaglio iera rosa . El governatoor iera quel del governo militare alleato e no la ga mai sentì cantar nisssun inno particolare come inno del TLT.

[Coce]

Guardando sto tema me riporta ale mie memorie de gioventu'. Mi go ancora la mia carta didentita' del Territorio Libero, e anche el Libro de Lavor de quel periodo, e go anche due Pagelle de l'era Fascista rilasciade dala Ruggero Timeus de via del'Istria, San Giacomo.
Ale altre domande: Go senti' l'Inno de San Giusto mille volte, ma mai in funzioni del Governo Alleato. A Trieste in quel periodo no gavemo mai avu' altra Moneda che la lira Italiana, anzi per un picolo periodo nel dopo guera gavemo anche avu' Moneda Alleata de ocupazion che iera vigente in tuta l'Italia. El TLT no xe mai sta' implementa' formalmente per ragion dela guerra fredda, e da questo segui che i Alleati ga sempre favori' una soluzion Italiana per Trieste per la semplice ragion che l'Italia iera parte del Mondo Occidentale. Ciao Coce

[Elisa]

Parlando di memorie di gioventù e LA PAGELLA:


Conservo anch`io una pagella fascista, di sembianza spaccona, editata da "Polografici il resto del carlino - Bologna"-

La potrei postare, e sarebbe interessante se anche Coce facesse conoscere la sua!

[babatriestina]

Parlando di memorie di gioventù e LA PAGELLA:


Conservo anch`io una pagella fascista, di sembianza spaccona,

abbiamo un post storico sulle scuole. cos'hanno di speciale le pagelle fasciste? è vero che io trovo solo dell'epoca il diploma delle magistrali di mia madre, che mi sembra abbastanza normale.. le altre pagelle di casa o sono anteriori o posteriori

[Elisa]

Fagella fascista: che cosa ha di speciale?



Si tratta del disegno pomposo che presenta e che, a mio avviso, pretendeva di non lasciar assolutamente passare inavvertita l`ERA.

[AdlerTS]

Su "Il Meridiano" ghe xe un simpatico articolo intitolado "il valzer delle statue", che spiega che dopo el spostamento de Massimiliano da Miramar in Piazza Venezia, pareria che ghe sia la proposta de portar la statua de Verdi da piazza San Giovanni a davanti el teatro e de sostituir el "Cantico dei cantici" de piaza oberdan con la statua fata soto el fascimo alla memoria de quest'ultimo. L'articolo fa notar che la Verdi non xe mai stado davanti al teatro (anche se i lo ga fatto sentado proprio perché i pensava de meter la statua sotto el portico del teatro) e che saria una maniera de impedir che i fazi el patinagio là davanti Anche per oberdan i solleva l'obiezion che non el xe mai stado in mezo alla piazza e che el Cantico xe una statua più "politicamente corretta".

[rofizal]

La statua de Oberdank (ma dove la xe??) no se podesi meterla dove i ga meso quela del soldà coi ciodi dela prima guera? Cusì ghe metemo un ciodo sora e no se ghe pensa più!

[AdlerTS]

La xe dentro nel museo ricavado dalla sua vecia prison, in piazza oberdan, appunto. Come scrivi al museo Sartorio, po'

nella gipsoteca, dove vien conservadi i stampi in gesso de importanti statue cittadine, dai Imperatori austriaci a Benito. [...] nonché le proposte per el monumento ad oberdan, che tanto per esser consono allo stile italiano el xe stado costruido anche senza che sia stado mai assegnado un primo premio al momento della gara.

[babatriestina]

La statua de Oberdank (ma dove la xe??)

za che tanto te ghe tien
ecotela qua

e questa xe la targa di fronte, in corrispondenza più o meno della cella

INDOMITO CHIAMA ITALIA
IL GRIDO
CHE A
GUGLIELMO OBERDAN
QUI
L'AUSTRIA
INVANO STROZZO'

Trieste pose
addì XX dicembre
primo dalla liberazione


Per Adler: te me riporti cossa che scrivi "per bon" al Sartorio? la tua xe una parafrasi

[babatriestina]

Su "Il Meridiano" ghe xe un simpatico articolo intitolado "il valzer delle statue",.

che no fa che riprender un articolo del Piccolo de una decina de giorni fa, col medesimo titolo. Po Bandelli ga smentido tutto.
"Mi credo che i scrivi sta roba per insempiar la gente"

[rofizal]

La statua de Oberdank (ma dove la xe??)

ecotela qua

Hmmm.... le do mulete sembra che le stia zogando (con le ali, quindi inocenti e imacolade). El mato bruto che riva nudo el par pronto a saltarghe adoso, coverzendo l'arma del delito.

Sembra proprio la statua dedicada al maniaco dei giardineti!

[babatriestina]

El mato bruto che riva nudo el par pronto a saltarghe adoso, coverzendo l'arma del delito.

veramente la leggenda disi che le mulette se fermava davanti dela statua, sperando che el se decidi a spostar le man..

[sono piccolo ma crescero]

Gira tante batude più o meno iriverenti su sta statua. Mi penso che la stia meio dove che la xe, cioè sconta e che in mezo a piaza Oberdan stia meio el Cantico dei cantici.

Per quel che riguarda, invece, la statua de Masimilian, iero do giorni fa a Miramar e son restà dela mia idea, che iera meio lasarla là, magari metendola in un posto più in vista, per esempio davanti al Castel o là del parterre.

[babatriestina]

Gira tante batude più o meno iriverenti su sta statua. Mi penso che la stia meio dove che la xe, cioè sconta e che in mezo a piaza Oberdan stia meio el Cantico dei cantici.

Per quel che riguarda, invece, la statua de Masimilian, iero do giorni fa a Miramar e son restà dela mia idea, che iera meio lasarla là, magari metendola in un posto più in vista, per esempio davanti al Castel o là del parterre.

no ocori che digo che sottoscrivo al 100%