Parco della Maddalena ( ex)

[massimoforte64]

Oggi dopo un po' di tempo son passato per via del istria e ho visto che dove si trovava il parco dell'ospedale non ci sono più alberi! Assai triste visione, mi piacerebbe sapere chi è il procreatore di codesta meraviglia.

[Nona Picia]

Sembra che siano dei privati che o l'Ater che vogliono costruire case in quel posto.

[babatriestina]

El vecio ospedal dela Maddalena xe stado dismesso, no so legalmente come che sia, ma par che sia privatizzado e gaverè letto sti giorni che i sta distruggendo tuti i alberi del parco: speculazion edilizia, imagino!
el sindaco rispondi sul suo blog che lu no pol meter becco in roba privata, ma no ghe xe qualche regolamento sul abbattimento de alberi?
se no ghe xe, vol dir che semo in regime de proprietà privata senza vincoli!
ben, per ricordo, i alberi no go, ma ecco una foto dela palazzina principal dela Maddalena un poco più de un secolo fa, col direttor davanti in camice bianco fin ai pie, e se vedi el verde za allora

[AdlerTS]

Za da fora se vedi ben la differenza
El direttor della tua foto par più un paziente, però

[Nona Picia]

Quando noi gavemo volù potar i ipocastani che gavevim0 in giardin, ghe ne iera due, son andada a informarme in comun perchè volevimo abater uno che iera malà. Alora i me ga dito: fotografia del'albero, fotografia dela distanza del'albero dala casa, tuto fato de un fotografo, perizia tecnica sula salute del'albero e poi decision dela forestale. Coclusion: i me disi che probabilmente gavessi speso 500 mila lire de quela volta per sentirme dir de no. I me ga consiglià de far de l'albero malà un totem e lassarlo là. Noi gavem fato cussì, lassandoghe anche un ramo e un per de anni dopo, durante un temporal el ramo xe crollà, fortuna che le picie no iera in giardin, senò...., e co mio marì xe tornà a casa el se ga acorto che l'albero iera pericolante e con l'aiuto de un amico el lo ga tirà zò e fato a tochi.

[sono piccolo ma crescero]

Esisti i peccati in pensieri, parole, opere ed omissioni. Mi go fatto un peccato in pensieri.

Mi passo ogni giorno davati alla palazzina de via Molino a vento che i sta restaurando e volevo dirghe a Sum Culex, quando la saria stada finida, va a fotografarla perché la merita. Legio sul forum che brontolè perché i ga taia i alberi del parco e penso (peccato ) "Sti triestini che sa solo pianzer se se toca qualcosa. I gaverà taià do frasche e tutti brontola".

Oggi però son passà per via dell'Istria e me ga ciapà un colpo; via dell'Istria, dal Burlo verso san Giacomo xe cussì

.

Siccome stavo proprio di fronte al Burlo, go vardà se gavevo una foto de come che la iera prima, ma no go trovà niente. Meto alora un fotoritocco



Iera sicuramenbte dei tassi e me par anche ippocastani (ma no son sicuro). Sicuro son che iera un bel parco, con alberi grandi e pieni de vita (leggi useleti ). Go fato anche una foto oltre del muraglion da dove che se vedi che i alberi iera tanti e grandi.



Anche mi no posso che rifar la domanda de Nona picia: perché se voio far le robe in regola e voio cambiar dei rulè de legno marzo con novi de plastica o de aluminio devo far progeti, spender e far file e i me pol dir de no e qua i lasa far tutto?

Insomma scuseme ancora se go pensà mal de voi. Xe meio pensar mal dei altri.

[Nona Picia]

Per continuar a pensar mal dei altri: Xe solo una question de soldi!

[sono piccolo ma crescero]

Go sentì ben che per sistemar piazza Libertà i vol taiar una ventina de alberi?

Parafrasando Tacito, podessimo scriver

"Ubi solitudimem faciunt ibi urbem novam appellant", "allorché hanno fatto un deserto, lo chiamano città rinnovata"

[babatriestina]

Adesso la proposta xe più moderata: taiar 5 o 6 dei veci, e piantarghene una cinquantina de novi.
No go capido ben perchè del tutto, l'idea xe de cavar la strada davanti alla stazion e far doppio senso del lato opposto, verso palazzo Panfilli.
Ma no gavevimo za parlado de sta roba de un'altra parte?
adesso, mi digo anche una roba: taiar indiscriminatamente alberi , distruggendo giardini intieri, per far case xe un obrobrio, ma anche i alberi ga un loro tempo de vita, che dipendi de specie a specie. per cui certi alberi veci podessi in teoria esser sostituidi de altri giovini, per no trovarse alla fin un parco improvvisamente tuto vecio. E no sempre i alberi centenari o pluricentenari xe bei...

[AdlerTS]

Ma no gavevimo za parlado de sta roba de un'altra parte?

Sì,qua

[Zigolo]

Su Konrad de 'sto mese ghe xe un otimo articolo (dal titolo emblematico: Una storia ignobile) de Dario Predonzan, che fa la cronistoria de tuta la vicenda, dal suo inizio nel 1994, spiegando nel detaglio (naturalmente con nomi e cognomi) come che se xe rivadi ala distruzion dei alberi.

[AdlerTS]

L'articolo xe completamente fruibile on line su

http://www.konradnews.it/pdf_riviste/5_2008.pdf

[AdlerTS]

Per chi non ga voja o modo de scarigar 4.5 mega de pdf, riporto la foto tratta da quella publicazion

[Nona Picia]

Xe proprio un bel panorama, da fine dela guera..... I xe proprio dei disgraziai, no solo quei che ga taià, ma anche chi che ghe ga lassà far!
Xe proprio vero che la "Legge è uguale per tutti....quelli che hanno i soldi!"

[Zigolo]

I xe proprio dei disgraziai, no solo quei che ga taià, ma anche chi che ghe ga lassà far!

De quei che ga lassà, sul'articolo xe nomi e cognomi, ma de chi che ga taià, cioè l'impresa che realiza el progeto, no xe el nome: el cartel obligatorio xe bianco!

[sono piccolo ma crescero]

Son pasà ieri per via de l'Istria.

Me sbaglio o a un anno de distanza xe tuto fermo?

L'importante iera taiar i alberi. El resto probabilmente ... costa tropo

[babatriestina]

Me taco qua, che se parlava del Ospedal dela Maddalena, perchè go roba de una volta e de adesso, per cui no sevevo dove metter, anche se no se parla solo del parco.. el attualità xe che i sta discutendo se butar zo la ciminiera

o se salvarla per la bela decorazion in mattoni (archeologia industrial)
Ve rimetto le foto, de un per de anni fa, la palazzina de ingresso in stile toscan,c he resta per altri scopi

( drio, una seconda ciminiera)
e el ingresso col fanal

[babatriestina]

e go trovado una relazion della Maddalena del 1899, de cui ve riporto le immagini ( ve sparagno el elenco de casi de malatie infettive, quante guaride e quante no..)
la pianta general

i padiglioni dei degenti

[babatriestina]

ve sparagno ( no xe foto) la cappella mortuaria, che i spiega che i familiari pol veder solo drio de un vetro per evitar contagio..
e el passo sul verde

[babatriestina]

Personagi addetti nel parco, ma no arivo a identificarli

( sarà la Maddalena, po???)


i medici dovessi tuti gaver la flaida bianca longa