Trebiciano - Monte Franco ...quale xe?

[vorwaerts]

Volessi nuovamente un vostro aiuto ( stago lavorando sai su veci libri, diari, etc): quale xe el Monte Franco a Trebician, e da dove se lo ciapa, per andarghe?
Grazie

[babatriestina]

de solito se ghe passa percorrendo el sentiero n 3, tratto fra Basovizza e fernetti, ma per raggiungerlo alla base se va de Trebic per la vecia strada che doprava i camion de scovazze co ghe iera la discarica de Trebiciano, cioè del paese la sola strada che se dirigi verso el confin e po se va in su, trpvandose piò o meno sora la conca de Orlek.

[vorwaerts]

te son una fonte inesauribile de informazioni.
Mi volessi andarghe alla base, nella parte meridionale del monte.

[babatriestina]

xe ani anorum che no passo là soto, e no ghe xe sentieri ufficiai segnai, tranne el 3, però vedo dela cartina che ghe xe una vecia strada transfrontaliera che colegava Trebic a Orlek, oltre che tracce. Anche mi a volte me piaseria veder de quele parti per controlar se arivo a riconosser el "monte dele scovazze", che però me par che sia un poco più a nord. Sul bordo dela conca de Orlek in autunno ingrumavimo ciclami, iera assai e bei. La conca de Orlek, che una volta passava el confin sul bordo e de l'altra parte iera zona militar, prima iera famosa per la sua flora.

[vorwaerts]

mi me interesso inveze de storia moderna e de quele parti dovessi esser dei bunker. te li ga mai visti?

[babatriestina]

mi me interesso inveze de storia moderna e de quele parti dovessi esser dei bunker. te li ga mai visti?

no, ma no li go mai zercai

[vorwaerts]

mi per ora li go trovai ...sulla carta se li trovo li posto qua

[Zigolo]

Per ciaparlo dala parte meridionale te dovessi andar a Trebiciano là del'ex stagno (Kal) e ciapar el sentiero che porta a est. Prosegui trascurando le deviazioni a destra (la prima porta ala tracia del'oleodoto, la seconda a Gropada) e te se trovarà a sud del monte Franco. Voltando, prima o dopo, a sinistra te rivarà per forza sul sentiero 3.

[vorwaerts]

ciao zigolo, grazie!
vedo che te son de trebiciano, te sa niente de 'sti bunker là vizin? Mi go chiesto a dei muli amici miei tuoi compaesani, ma no i saveva (ma i xe giovani!).

[Zigolo]

Anche mi son giovine... ... come abitante de Trebiciano.

Vivo qua da poco più de un ano. No se pol dir che iera zona tuta nova per mi perché xe più de mezo secolo che bagolo, anche pel Carso, ma le robe che sa solo quei che sta de sempre, le stago imparando sai pian.

Comunque de bunker no so gnente: provarò a domandar.

[AdlerTS]

xe ani anorum che no passo là soto, e no ghe xe sentieri ufficiai segnai, tranne el 3, però vedo dela cartina che ghe xe una vecia strada transfrontaliera che colegava Trebic a Orlek, oltre che tracce.

Son andado a far un giro in bici tra Sesana ed Orlek (almeno in bici non servi la vignetta ) e me xe cascado l'ocio su un paio de vecie piere (purtroppo per fotografar gavevo drio solo el telefonin de battaglia):



Tra el mio scarso sloven ed el mus'cio non son stado in grado de legger cossa scrivi, se non l'anno, 1890 (o '98)

[AdlerTS]

In paese, inveze i ga un crocefisso che xe notevole anche per chi non ga Fede, perché xe del 1833 !

[AdlerTS]

In merito alla prima foto go chiesto aiuto ai muli de prohereditate.com (che ringrazio) perché me pareva una piera vagamente militare: inveze i ga rivado a legger Počivališče z mrliško rakvo. Bog daj srečno večnost, cioè più o meno "Luogo di sepoltura dei resti mortali. Dio dia felicità eterna".
Quindi niente de storico-militare: resta la curiosità de una sepoltura lungo la strada che dal 1890 a oggi nissun ga mai pensado de spostar in un cimitero.