San Giusto - quartiere del Colle

de Trieste, cenni storici, immagini vece e nove, ricordi..
Regole del forum
Collegamenti al regolamento del forum in varie lingue ed alle norme sulla privacy in italiano.
Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

me ripromettevo sempre de tornar su sto topic de san Giusto, sezion Basilica romana e dintorni.. comincemo con una foto fatta in un canton del parco dela Rimembranza, subito sotto el monumento ai Caduti de Selva: xe una vecia vera de pozzo, molto malandada:
Immagine
la xe ligada col fil de fero..
Immagine
però se vedi una bela alabarda :-D
la gavevo fotografada cussì, e po legio el Tamaro e me trovo sta imagine:
Immagine
Xe el stesso! Tamaro lo definissi un pozzo comunal del XIV secolo e disi che el iera al Lapidario!!
adesso mi no me ricordo de aver visto un pozzo simile al Lapidario, e per mi el xe lu! e se nol xe lu, xe un preciso!
( eco per Cepula una robetta de restaurar che dovessi costar poco ma valessi la pena. solo che se i lo porta al lapidario no se lo pol più fotografar! :-D :-D :-D )


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

salimo un poco,e fra monumenti e lapidi che ve posterò con calma, passemo per sti muri de arenaria, che xe i muri del primo castel venezian , quel fato ala prima occupazion veneta, quindi anterior al Castel vero e proprio
Immagine
e arivemo al monumento ai caduti de Selva, che ve posto in una insolita imagine nebbiosa:
Immagine
iera una giornata nebbiosa che me ga permesso de far qualche foto diferente del solito: ecco el viale, contornado de cipressi, che collega la Basilica de san Giusto col monumento, dove che i ga trovado el lastricato roman: imagine nella nebbia

Immagine


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

ecolo inveze in una giornata de sol invernal, se vedi le piere romane bianche in zerti punti
Immagine
fra el vial e el Castel, la Basilica romana, o quel che resta de ela
Immagine
ecco la Basilica, cole basi dele colonne
Immagine
( le basi in mattoni xe rifatte, ma sul posto che iera le colonne vere). oviamente xe rifatte le colonne rialzade, ogni tanto se vedi qualche toco de piera original
Come che i ga calcolado che la iera a do piani, no me ricordo, sula base dei fregi trovai, me par.
( Macondo, te ieri ti che te me domandavi dela Basilica romana, no?)


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

La Basilica gaveva due absidi semicircolari ale due estremità: una , quela rialzada, verso la città, xe conservada e restaurada:

Immagine
l'altra inveze i la ga dovuda disfar per lassar passar la strada, ma i ga lassado un segno de piere per terra:
Immagine
ale prossime i dettagli e le lapidi
Le prime spiegazioni de sta basilica, le absidi, etc ghe le devo sempre alla prof. Piperata Rebecchi


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

Un toco de fregio xe restado là, col suo bassorilievo a foie rodolade, e nol xe gnanca tanto rovinado
Immagine
dele colonne, qua se vedi la parte de piera, che xe el original, e la zonta fata in matoni
Immagine
Immagine
Gavevimo za comentado altrove che i credeva in principio che le colonne gavessi capitel corinzio e i gaveva fatto un, po par che i corinzi iera al pian de sora e ste colonne lo gaveva ionico e i ga fato far un ionico de Spagnoli, che xe quel che xe restado. el corinzio - moderno anca lu, xe finido a Duin nel parco de s Giovanni in Tuba.


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

le lapidi.
Tuto el parco della Rimembranza xe disseminado de piere carsiche coi nomi de caduti in guerra, ma nela zona fora del Parco ghe xe dele nove lapidi, o meo quasi sempre cippi, che xe comparsi nei ultimi anni ,anche fra i cipressi del primo vial.
Per chi no ghe ga badado, ecoli:
la cavalleria:
Immagine
i dipendenti Telve
Immagine

questi no me ricordo a chi che xe dedicai, cola scultura tipo fiamma:
Immagine


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

i orfani de guerra
Immagine

i rastrellatori ( con una bella alabarda a bassorilievo)
Immagine
la polizia de stato
Immagine


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

i lagunari
Immagine
el genio
Immagine

e i caduti della guardia civica ( con alabarda)
Immagine


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

però i caduti della guardia civica no ga pase ganca de morti, perchè ancora adesso xe discussioni sul ruolo che efetivamente la ga svolto in guerra, e cussì ghe iera una lapide più grande, che qualchedun ga spacado:
Immagine
e la gestion del Parco ga voludo lassar el danno e per stigmatizzar ga zontado una lapide vizin
Immagine


dcobau
vilegiante
vilegiante
Messaggi: 92
Iscritto il: mar 3 gen 2006, 3:34

Messaggio da dcobau »

Andando in su per via Cattedrale de xe scalini per rivar al spiazo davanti alla catedrale? Se non xe scalini in quela via, de dovesi eser un'altra de ste vie cha va su a S Giusto. Insoma, non me ricordo piu, mama dixi che non la se ricorda scalini lasu. Boh

saluti

Dave


ffdt
Eximio
Eximio
Messaggi: 3630
Iscritto il: dom 25 dic 2005, 0:15
Località: Trieste

Messaggio da ffdt »

dcobau ha scritto:Andando in su per via Cattedrale de xe scalini per rivar al spiazo davanti alla catedrale? [...]
i ghe xe, i ghe xe ... sta foto la xe de fine april 2007 ma i scalini i xe la` de tanto prima :-)
Allegati
mid_pict0124.jpg


dcobau
vilegiante
vilegiante
Messaggi: 92
Iscritto il: mar 3 gen 2006, 3:34

Messaggio da dcobau »

Grazie, iero (quasi) sicuro che i iera la. Dato che de semo, andando in zo, sempre per via Cattedrale, de xe un ricreatorio? Ma forsi iera in via del Castello. boh. Me par de ricordarme che iera separado, sezion per muli e sezion per mule. Me ricordo ben?

ciao

Dave


dcobau
vilegiante
vilegiante
Messaggi: 92
Iscritto il: mar 3 gen 2006, 3:34

Messaggio da dcobau »

Gironzolando per la zona con

http://www.visual.paginegialle.it/on_the_road/trieste

go visto un toco del ricreatorio in zima a via del Castello. Almeno credo che sia el ricreatorio. Qualche d'un pol confermar?

saluti

Dave


ffdt
Eximio
Eximio
Messaggi: 3630
Iscritto il: dom 25 dic 2005, 0:15
Località: Trieste

Messaggio da ffdt »

dcobau ha scritto:[...]go visto un toco del ricreatorio in zima a via del Castello[...]
si, se lo vedi :-) ... el dopra cuaxi tuto 'l spazio tra via de 'l castel, via de la catedral e la zima de via capitolina ... ghe xe solo una picia fila de caxe strete su via de la catedral che, in tuto cuel logo, no fa parte de 'l ricreatorio :-) ... xe caxete che le me da` l'anda de eser medievai

in sta foto, fata stando la` de 'l monumento de la III armada, se vedi i teti de ste caxete a sinistra, un de i piazai de 'l ricreatorio a destra e i teti de un poche de le caxete de 'l ricreatorio (la zona de i mas'ci, se no me confondo) in fondo a sinistra mese de traverso rispeto a le caxete medievai :-)
Allegati
mid_pict0117.jpg


dcobau
vilegiante
vilegiante
Messaggi: 92
Iscritto il: mar 3 gen 2006, 3:34

Messaggio da dcobau »

grasie ancora


ffdt
Eximio
Eximio
Messaggi: 3630
Iscritto il: dom 25 dic 2005, 0:15
Località: Trieste

Messaggio da ffdt »

piazer mio :-)


ffdt
Eximio
Eximio
Messaggi: 3630
Iscritto il: dom 25 dic 2005, 0:15
Località: Trieste

Messaggio da ffdt »

flag_ts ancora un per de foto fate de san giusto stando la` de 'l monumento a la III armada ... cua xe 'l toco de giardin subito prima de le caxete a sinistra

flag_fr voici quelques autres photos faites à St Giusto, prises prés du monument à la troisième armée ... ici c'est le jardin, juste avant les maisons sur la gauche

flag_uk here some other photos made in St Giusto standing near the monument to the third army ... this is the garden just before the houses on the left
Allegati
mid_pict1736.jpg


ffdt
Eximio
Eximio
Messaggi: 3630
Iscritto il: dom 25 dic 2005, 0:15
Località: Trieste

Messaggio da ffdt »

flag_ts e cua xe 'l toco de giardin subito a destra de cuel in te la foto cua de sora ... se varde` ben vedere` che sta foto cua la se pol tacar anca con cuela che go meso un cuatro mesagi piu` in sora ... solo che sta cua la go fata sti giorni e inveze cuel'altra la iera piu` vecia :-)

flag_fr et ici, il est le jardin juste à droite de l'un dans la photo ci-dessus ... si vous regardez avec attention, vous verrez que cette image est le prolongement de celle que j'ai posé quatre messages arriére ... mais j'ai photographé cette ci dans ces jours, tandis que l'autre était une plus ancienne :-)

flag_uk and here there is the garden just into the right the one in the photo above ... if you look with attention you will see that this picture is a continuation of the one I did put four messages ago ... I have shoot this one in these days, while the other was an older one :-)
Allegati
mid_pict1733.jpg


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

ancora un per de immagini del pozzo. perchè go vardado ,meo, no xe solo che una vera de pozzo, soto xe veramente scavado, no ssai profondo, comunque:
cussì se lo vedi ben
Immagine
cussì el xe del alto, cola griglia e con un'imagine del Agnello mistico sul fianco
Immagine


"mi credo che i scrivi sta roba per insempiar la gente" ( La Cittadella)
ffdt
Eximio
Eximio
Messaggi: 3630
Iscritto il: dom 25 dic 2005, 0:15
Località: Trieste

Messaggio da ffdt »

flag_ts ogi iera nebia ... e come che xe vignudo scuro San Giusto ga ciapado un'anda che no me ricordavo de gaver mai oservado cusi` tanto ... de picio c'o iera scuro e fredo filavo a caxa, ogi me son fermado a far un do foto
flag_fr aujourd'hui nous avons eu le brouillard ... et quand les ténèbres sont venues San Giusto a pris une atmosphère que je ne me souviens pas d'avoir jamais observé si tant ... quand j'étais petit quand il venait sombre et froide, je courais à la maison, aujourd'hui, je me suis arrêté pour prendre quelques photos
flag_uk today here was fog ... And when the darkness come San Giusto took an atmosphere that I do not remember ever having observed so much ... when I was a kid when it come dark and cold I was running home, today I stopped to take some photos
Allegati
mid_pict2060.jpg


Torna a “Quartieri e rioni”