I pagneroi de Carpinteri

[Zigolo]

Sul Picolo de ogi Carpinteri parla, nela sua rubrica, de pagneroi.

Impecabile come sempre nele sue analisi dialetali, qua no'l intiva el giusto nome in latin né, se volemo farghe la punta, gnanche quel in italian.

El nome uficiale in italian xe, in efeti, al feminile: passera. Dovemo però far una distinzion perché ghe ne xe (de quele che qua ne interessa) due: passera europea (sin. passera oltremontana, Passer domesticus) e passera italica (Passer italiae).

No xe tuti d'acordo che sia due specie distinte, qualchedun disi che l'italica xe sotospecie dela prima (Passer domesticus italiae). Comunque el nome che ga messo lu (fringilla domestica) no c'entra anche perché Fringilla apartien ai Fringillidi e no ai Passeridi (due famiglie diverse).

Domanda: che pagnerol gavemo qua?

Risposta (senza che qualchedun se imborezzi o al contrario se scaldi ): quel europeo; per trovar quel italian dovemo andar almeno a Monfalcon!

[serlilian]

Forte! Anche i pagnaroi xe miteleuropei!

[babatriestina]

Forte! Anche i pagnaroi xe miteleuropei!

pardon, europei, come che me sento mi
voi miteleuropei contenteve dei pini, Pinus austriaca, che ga servido cussì ben al rimboschimento del Carso

[serlilian]

Soooo, ma se scherza un poco, dove che se pol.

Comunque, se proprio volemo zercar el pel nel ovo, podemo dir che, se i xe una roba diversa de "italiani"... no i xe propio europei del tuto. I xe un poco più in su, nela carta del'Europa.... ergo... se podessi dir... nord/centro(=mittel)europei?

[babatriestina]

Comunque, se proprio volemo zercar el pel nel ovo, podemo dir che, se i xe una roba diversa de "italiani"... no i xe propio europei del tuto. I xe un poco più in su, nela carta del'Europa.... ergo... se podessi dir... nord/centro(=mittel)europei?

son andada a guardar dove che vivi ste do specie de passeri, sula mia Guida degli uccelli d'Europa:
El Passer domesticus, alias passera oltremontana, Moineau domestique, House Sparrow, Haussperling, Buismus ( olandese) Gorriòn comùn ( spagnolo e perdoneme i accenti no perfetti):
i xe in Spagna, Francia ma no tutta la Costa azzurra, Gran Bretagna e Irlanda, Germania e Paesi confinanti, Scandinavia, tutta la penisola balcanica, Grecia inclusa, e fin in Russia: insomma, dapertutto meno che Italia e isole, Corsica inclusa: Nol me par molto centro o nord europeo, o almeno non solo...
invece el Passer italiae, Moineau cisalpin, Italian Sparrow Italien Sperling
se trova in Italia, Corsica inclusa e Sicilia e Sardegna escluse e sulle Alpi Svizzere ibrido con la Passera oltremontana.l
La Passera sarda, che po xe Passer hispaniolensis xe a parte..
La Passera Mattugia Passer montanus invece xe in tutta Europa, Italia inclusa , ma escluse: Sardegna e Corsica, Irlanda e curiosamente la Dalmazia dopo l'Istria e la Grecia fin al Peloponneso

se se volessi tirar i confini coi passeri saria... afar de chebe!!

[serlilian]

Cussì a ocio, me par che in Istria i gabi colori più forti de quei dei nostri. Chissà se xe tipi diversi o se dipendi magari de l'alimentazion o del inquinamento dela cità.

[Zigolo]

se se volessi tirar i confini coi passeri saria... afar de chebe!!

Complichemo le robe?

La Passera sarda (Passer hispaniolensis) ga qualche popolazion anche in Dalmazia e perfin in Istria! Ad esempio xe ben conossuda una colonia nela vale del Quieto.

Dopo i istroromeni anche i istrosardi?

[Zigolo]

Cussì a ocio, me par che in Istria i gabi colori più forti de quei dei nostri. Chissà se xe tipi diversi o se dipendi magari de l'alimentazion o del inquinamento dela cità.

In Istria ghe xe el Passer domesticus come qua a Trieste e quindi no ghe xe diferenza.

El Passer italiae inveze ga sicuro colori un fià più forti. La diferenza xe sopratuto sul "vertice" (zima dela testa): grigeto nel domesticus, maron nel'italiae.

[serlilian]

Alora sarà perchè i vivi in un ambiente più san.