Gli Imperatori a Trieste

[AdlerTS]

Davero i la ga butada zo ? Jero fora città e non savevo
Non credo che i spenderà schei per sistemarla

[rofizal]

Non credo che i spenderà schei per sistemarla

Me sa che qualchedun farà salti de gioia.
(speremo de no)

[AdlerTS]

L'amico Mario me manda questa.

[babatriestina]

gavè letto oggi sul piccolo? qualchedun stava za pensando de fregar la bala ( c.d melon) dela colonna, i la ga ritrovada qualche centinaio de metri più in là, coverta de foie!

[babatriestina]

me par de aver letto, a proposito de ste ultime visite de Franz Josef, che el vecio iera alquanto contrario alle novità, per cui se trova xilografie, stampe, etc de sta visita, ma che nol voleva assolutamente fotografie!

[AdlerTS]

Ferdinando I, nonostante l'invalidità, vien a Trieste nel settembre 1844 e la sua visita rimani celebre per el dono del bosco del Farneto alla popolazion, a condizion che questo rimanessi verto al pubblico. Durante la visita de Ferdinando la città se gaveva messo in festa; vien eretto un magnifico arco trionfale e durante la notte vien accese delle fantastiche luminarie, mentre la gente meteva candele alle finestre.

Me son sempre chiesto dove podessi esser stado messo l'arco rapresentado nell'immagine alla pag. 1 de questo topic: da uno dei quadri della mostra Lo sguardo sul mare el xe ciapado da un'altra angolazion e se capissi che el xe nell'area dell'odierna Piazza Dalmazia. Adesso che lo so, se riconossi drio l'arco la salitina dell'inizio de via Romagna.
Mancassi Fabris

[ffdt]

pero` a vardar de novo el pupolo de 'l arco de trionfo e a pensarlo la` de 'l semaforo de via fabio severo me vien de domandarme de che fine che 'l gabi fato ... te ga idea de con che material che i lo gabi costruido? ... perche` se 'l fusi stado de piera ghe ne dovesi eser ancora cualche toco in giro ... che no i lo gabi fato de legno giusto per cuei do giorni che 'l mato el xe stado cua e dopo i ga cavado via tuto?

[babatriestina]

credo che i fazeva de legno, carta, stoffa, un poco come i scenari de teatro. No iera una novità, iera normal co i regnanti andava in giro per el regno, acoglierli con sti archi de trionfo, fontane, babe vestide de figure allegoriche, se te legi la storia de Francia te troverà tantissimi de sti qua. Credo che el solo solido restado sia quel de Milan.

[AdlerTS]

Sora, ma jera un witz, go scrito che mancassi Fabris.
L'attento Mario me sottolinea che i lo ga verto nel 1851.

[Nona Picia]

E oggi leggemo sul giornal che un mato ghe ga dado dentro a una delle colonne de Aurisina cola macchina, butandola zo doveva esser un bel tiro.. e speremo che i la rimetti a posto, e che no i trovi scuse che no i ga bori...

Ieri per Tele4 i ga dito che i riparerà la colona che xe stada distruta e i la meterà denovo al suo posto. I ga anche dito che qualchedun voleva rubar el balon de piera, ma dato che el pesa un 400 kg no ghe xe riuscì e el Comun lo ga messo al riparo dai furti.

[AdlerTS]

Se i la metti via, speremo che i se ricordi dove

[mod] go fatto mi el spostamento dell'argomento, credo che cussì fili [mod]

[Nona Picia]

Grazie!

[AdlerTS]

Ieri per Tele4 i ga dito che i riparerà la colona che xe stada distruta e i la meterà denovo al suo posto. I ga anche dito che qualchedun voleva rubar el balon de piera, ma dato che el pesa un 400 kg no ghe xe riuscì e el Comun lo ga messo al riparo dai furti.

Nel legger l'articolo del Bugiardel in proposito, go visto che i ricorda che una delle do colonne jera stada spostada dai Alleati nel secondo dopo guerra per slargar la strada.

[babatriestina]

ben , i disi anca che i sta cominciando el ripristino

[AdlerTS]

El costo del ripristino della colonna: 37.000 euro

[Nona Picia]

I sta zà lavorando per meterla denovo al suo posto.

[ffdt]

[...]37.000 euro[...]

spero che paghi l'asicurazion de 'l mato che la ga butada zo ...

[Nona Picia]

Questo no me risulta che i gabi dito. Probabilmente no i sa nianche chi che xe! Per cui presumo che paghemo noi, come al solito.

[ffdt]

[...]Probabilmente no i sa nianche chi che xe [...]

te vol farme creder che un el ghe riva indoso a una colona come cuela co l'energia che ocori per butarla zo e dopo 'l se capa e 'l fila via? ... el gavera` distruto la machina ... i ga per forza dovesto portarla via co' 'l caro atrezi e no xe posibile che no i sapi chi che 'l sia

e se per bon no i sa chi che 'l xe alora vol dir che podemo andar tuti a ciorse via i scalini de 'l municipio de giorno c'o 'l xe verto e che nisun ne dira` gnente

[Nona Picia]

Poderìa esser posibile!