Propaganda

soprattutto in relazion a Trieste
Regole del forum
Collegamenti al regolamento del forum in varie lingue ed alle norme sulla privacy in italiano.
Avatar utente
ernesto93
Vilegiante
Vilegiante
Messaggi: 185
Iscritto il: mer 2 dic 2009, 19:08

Messaggio da ernesto93 »

storia del vocabolo Katzelmacher
la storia no la so, ma el significato xe doppio; el primo saria "un che fa gattini", intendendo la prolificità dei italiani.

El secondo significato, deriva dai furlani che anticamente i andava a vender cuciari e posate de legno. Sarìa anche una storia interessante, che fazeva le babe e la saria anche epica, Mauro Corona ga scritto qualcossa. Ma indifferente.

Katzelmacher i diseva in Austria, dopo i gnochi i ga copià, tanto che se trova el termine nei loro racconti de Caporetto. No so se i usa ancora in Germania che lori i usa gasterbeiter, però xe stà fatto el noto film de Fassbinder "maledetto katzelmacher".

El più noto vignettista austriaco iera Arpad Schmidhammer, nato in boemia; xe lui che el ga diffuso el personaggio con un noto volumetto che se ciamava "maledetto katzelmacher", che in poche parole iera un brigante dela cabiria che diventava bersaglièr per andàr a derubar l'Austria de qualcossa. A proposito, trovo ricorrente che i boemi iera i più sfegatài austriacanti, a volte a livello de fanatismo. Facile capìr, lori i se sentiva minacciài dai ceki e savemo tuti coss' che xe nato dopo per via dei "sudeti".

L'alter ego de Arpad iera Rubino, che sul Corriere dei Piccoli el disegnava pupoloti de Otto Kraffen, che no xe la barzeletta del più famoso pasticcièr tedesco, ma iera el gendarme austriaco, grasso e stupido.
Allegati
Otto Kraffen2.jpg
Otto Kraffen.jpg
Maledetto.jpg


Avatar utente
ernesto93
Vilegiante
Vilegiante
Messaggi: 185
Iscritto il: mer 2 dic 2009, 19:08

Messaggio da ernesto93 »

livelli de propaganda
A proposito dela propaganda coi fioi, in Germania e Austria iera assai diffusa la scena dei fiòi che zoga ala guerra e coi soldatini, intanto che i papà i iera in guerra. Ma tanto diffusa, che i austriaci i fazeva anche zogatòli per i fioi con le navi e i sotomarini.

I italiani noi gaveva quela del militarismo congenito, però nelle loro vignette se vedi una maggiore truculenza de immagini.

Altro livèl de propaganda; i italiani i istigava all'odio contro Franz, che secondo lori el iera un fucilatòr de italiani, mentre i austriaci i cioleva pel fiocco Vitt. Emanule per via che el iera una mezza gnagnola, ciamado sciaboletta, per via che (xe vero) el se gaveva fato costruìr una sciabola iù curta perchè altrimenti, quela vera ghe gavessi picado per tera. In certe vignette el xe con la sciabola cola riodèla sotto.
Allegati
kleinekannone.jpg
sciaboletta.jpg
sciaboletta.jpg (15.23 KiB) Visto 3660 volte
FranzLupo.jpg


Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

ernesto93 ha scritto:
Altro livèl de propaganda; i italiani i istigava all'odio contro Franz, che secondo lori el iera un fucilatòr de italiani, mentre i austriaci i cioleva pel fiocco Vitt. Emanule per via che el iera una mezza gnagnola, ciamado sciaboletta, .
verissimo, e iera dovudo anche al lunghissimo regno de Franz Josef, che effettivamente iera salido al trono nel 48 e gaveva cominciado cole repressioni del 49 e i primi anni del suo regno nel Lombardo Veneto no xe stai rose e fiori, ma nol iera detto fucilator, ma impiccator : vedi i cosiddetti Martiri di Belfiore.. 1852. e in genere i primi anni del suo regno, se non sbaglio fin al 1856 xe noti come neoassolutismo.
povero Vittorio Emanuele III iera effettivamente una mezza menola fisicamente, i disi per esser stado fio de do cugini ( Umberto I e la regina Margherita), e se ben go letto nele biografie el soffriva anche lu tantissimo de sto difetto fisico, che i ga risolto.. fazendoghe sposar Elena del Montenegro, e difatti dopo i fioi xe vegnui suso tuti ben stagni. Anche la canzoncina che ve go riportado lo remenava per la statura, mi trovo che no xe bel in genere remenar per un difetto fisico, che no xe colpa de chi che lo ga: che po, se parlemo de sposarse fra cugini, i Asburgo de Austria e Spagna fra la fin del Cinquecento e per tuto el Seicento se ga sposado fra cugini, fra zii e nipoti, coi risultato che se ga visto: quei de Spagna iera propio tarai fisicamente quei de Austria iera principalmente bruttini ( el Leopoldo qua sula colonna xe un esempio), po per fortuna i ga smesso de incrosarse nei matrimoni e i xe vegnui meo, anche se qualche lole in famiglia ghe xe restado, e anche fra i più prossimi de Franz Josef, che invece de quel punto de vista iera OK.


"mi credo che i scrivi sta roba per insempiar la gente" ( La Cittadella)
Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

ernesto93 ha scritto: la storia no la so, ma el significato xe doppio; el primo saria "un che fa gattini", intendendo la prolificità dei italiani.

El secondo significato, deriva dai furlani che anticamente i andava a vender cuciari e posate de legno. Sarìa anche una storia interessante, che fazeva le babe e la saria anche epica, Mauro Corona ga scritto qualcossa. Ma indifferente.

Katzelmacher i diseva in Austria, dopo i gnochi i ga copià, tanto che se trova el termine nei loro racconti de Caporetto. No so se i usa ancora in Germania che lori i usa gasterbeiter, però xe stà fatto el noto film de Fassbinder "maledetto katzelmacher".
http://de.wikipedia.org/wiki/Katzelmacher

dove in particolar:
Das Wort ist schon 1741 in Wien verbreitet, seine negative Konnotation als Ethnophaulismus für Italiener gewann es wohl erst im Ersten Weltkrieg (vergleiche Welsche).
traduso alla bona:
la parola iera za doprada a Vienna nel 1741, la sua connotazion negativa come Etnopaulismo ( vulgo vocabolo denigrativo per un popolo) per i italiani xe vegnudo nella prima guerra mondial, come Welsche ( che saria per i sloveni)
el articolo in tedesco disi che quela dei gattini xe una falsa etimologia e che vera xe quela de fabbricanti de cazziui.


"mi credo che i scrivi sta roba per insempiar la gente" ( La Cittadella)
Avatar utente
sono piccolo ma crescero
cavalier del forum
cavalier del forum
Messaggi: 8681
Iscritto il: ven 11 mag 2007, 14:08
Località: Trieste

Re: Austriaci ligài su le mitraglie

Messaggio da sono piccolo ma crescero »

oSSERVAZIONE TECNICA PER I moderaoiri

Alcuni browser, come ad esempio Google Chrome, rendono male la pagina precedente a causa della lunghezza di un link nel post di inizio.
ernesto93 ha scritto:E vardè ancora questa: http://books.google.it/books?id=_7bolH6 ... to&f=false
La pagina viene allargata in maniera da far restare tutto il link su una sola riga. Suggerirei di cambiare il pezzo citato in questo modo:

Codice: Seleziona tutto

[url=http://books.google.it/books?id=_7bolH6Oe2YC&pg=PA40&lpg=PA40&dq=%22Diario+di+un+fante%22+di+Luigi+Gasparotto&source=bl&ots=JwhddDUYxc&sig=eAD1y3nm6C_cNqrMPAyJTjqW0mA&hl=it&ei=zs9RS4acH9GL_Ab9nu2TCg&sa=X&oi=book_result&ct=result&resnum=8&ved=0CCIQ6AEwBzgy#v=onepage&q=%22Diario%20di%20un%20fante%22%20di%20Luigi%20Gasparotto&f=false]E vardè ancora questa[/url]
che nasconde il lungo link dietro ad una frase che può anche essere spezzata su più righe. Il risultato dovrebbe essere questo
Ribadisco la natura puramente tecnica della ia osservazione e che la correzione proposta è stata fatta in maniera da lasciare assolutamente inalterato il contenuto del messaggio. Suggerisco poi di togliere questo mio post, perché altrimenti temo che anche questa pagina verrebbe riprodotta male!


Avatar utente
ernesto93
Vilegiante
Vilegiante
Messaggi: 185
Iscritto il: mer 2 dic 2009, 19:08

Messaggio da ernesto93 »

propaganda
provo a far un riassunto, con le mie interpretazioni personali.

odio etnico

In tutti i stereotipi, xe sempre un piccolo fondo de verità. Esempio più famoso, quel che i ebrei i sarìa stài strozzini. El fondo de verità xe che iera stada la Chiesa cattolica a impedirghe de far altri mestieri, blindadi nei ghetti, che i cattolici no podeva imprestàr soldi con interesse perchè iera peccato, e che la Cesa stessa ghe fazeva comodo farse prestàr i soldi. La strumentalizzaziòn del sterotipo, la savemo tutti e penso che no ocori commentarla.

Otto Kraffen Che nei paesi de lingua tedesca ghe sia una certa percentuale de omini grandi e grossi, magari co' la panza sgionfada de birra, xe vero. Che ai italiani i ghe possi sembràr stupidi, xe vero, perchè tanti italiani i xe convinti de esser i più furbi del mondo. E xe anche vero, ma qua se poderia fàr 1 ragionamento sula differenza tra furbizia e intelligenza, o tra l'utilità de la furbizia a livello collettivo, sul senso civico e la capacità de lavoràr in squadra... ma accenno solo per spiegarme e molo subito per no andàr troppo OT.

Traditori Che i italiani i vegni pituradi ancora oggi come "traditori" nei paesi de lingua tedesca, me dispiasi per lori, ma me sembra che sia bastanza più de una leggenda. Fermandose alla Prima Guerra, go za postà altrove e no se fila: l'Italia iera alleata del Austria (anche se neutrale) fin al 1 maggio del 1915, avendo za contratà coi altri e firmado el Patto de Londra, intanto che i se scriveva de "fingere interesse" continuando a trattàr co l'Austria.

In questo caso, la propaganda austriaca iera stada efficientissima, perchè i volontari dela Prima Guera de parte italiana iera stadi 8.000 de lori; quando che i Sloveni i ghe ne gaveva avudi 20.000 e tra i Schutzen del Tirolo e dela Carinzia ghe ne iera stadi 40.000. Ma oltre allo sdegno pel "tradimento", qua se zontava 1 altro fatto, e cioè le indiscrezioni sul Patto de Londra: tutti quei che sarìa stadi invasi dai 'taliani, i coreva a difender casa sua.

Caso mai, se poderia discutèr se xe legittimo darghe una nomèa a un popolo intièro per via dei suoi dirigenti, ed a proposito della Prima Guerra, el suffragio elettorale in Italia el coverzeva el 2% della popolaziòn. Quindi, i italiani intesi come popolo, secondo mi no i meritava de esser definidi in 'sto modo. Dopo la Guera el suffragio xe aumentà, ma no xe cambiàdo assai, l'Italia ga continuà a far guera con chi ghe sembrava più forte, salvo disnotarse quando le robe se metteva màl. No voio andàr OT passando oltre el 1918, ma ghe iera una continuità tra la 1 Guerra e la 2°; 'sta continuità se ciamava Savoia. E molo qua, come promesso.

"demonizzare il nemico"

gavè visto che el tema più ricorrente dela propaganda italiana iera che Franz iera un assassìn e fucilatòr. Anche qua ghe xe un fondo de verità, ma i "martiri" giustiziadi iera solo 4: Battisti, Chiesa, Sauro, Filzi. Se volè zontarghe Oberdan, fa 5 in tutto. Se vardemo a livello de "repressione" politica, de una parte se trova la "settimana rossa" del 1914, Bava Beccaris, la rivolta de Torino del 1917 e l'essenza stessa del Regio Esercito, che nol fazeva el reclutamento territoriale per un semplice motivo: el secondo scopo del esercito iera de reprimèr le rivolte popolari dovude ai continui aumenti de la tassa sul macinato, che affamava la gente più povera. Iera ovvio che se i soldài i doveva tirarghe al popolo, iera meio che no fussi al proprio.

De l'altra parte, se pòl trovàr i morti del sciopero dei foghisti del Lloyd e poco altro, in Italia iera el metodo de tirarghe canonade sulle barricate, come che i ga fatto anche a San Giacomo poco dopo e che l'Austria no se ga mai sognà.

Se volemo vedèr chi che iera più "sanguiniario", se podessi contàr quanti italiani iera stadi mazzadi dai stessi italiani con le fucilazioni, le mitraglie dei Caramba che ghe tirava a quèi che no saltava fora de la trincea e i assalti stessi, che spesso i austriaci i ghe zigava: "basta, no stè farve mazàr stupidamente" (esisti almeno 8 episodi documentadi, no xe propaganda).

E per finìr el ragionamento, zonto el fatto che i italiani no xe mai stadi forti in Storia e Geografia, che se i vignettisti i contava flòce, nianche no i se preocupava se iera vero o falso, a lori i ghe la gaveva contada cussì e un tanto ghe bastava.

Ma provè (se gavè voia) a far un giertto per internet, e troverè che la maggior parte dei italiani i continua a pensàr sempre le stesse robe, quelle che i suoi nonni i leggeva sul Corriere dei Piccoli. Come che i gnochi, che i continua a pensàr che i 'taliani xe traditori...


Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

ernesto93 ha scritto: gavè visto che el tema più ricorrente dela propaganda italiana iera che Franz iera un assassìn e fucilatòr. Anche qua ghe xe un fondo de verità, ma i "martiri" giustiziadi iera solo 4: Battisti, Chiesa, Sauro, Filzi. Se volè zontarghe Oberdan, fa 5 in tutto.
me pareva de gaver citado un poco prima qualchedun assai antecedente, ma purtroppo sempre del lungo regno de Franz Josef: e solo per i italiani:1852 e 1853: tuti impiccai:
Enrico Tazzoli (sacerdote)
Carlo Poma
Giovanni Zambelli
Bernardo De Canal
Tito Speri ( senza contar i circa 1000 morti della repression de Brescia sempre 1849- go zontado solo i giustiziai con processo in tempo de pase)
Pietro Fortunato Calvi (1855)
Scarsellini
don Grazioli
Pietro Frattini
Carlo Montanari
Amatore Sciesa ( fucilado 1851)
Giovanni Grioli 1851
Luigi Dottesio impiccado a Venezia

(queste xe le condanne a morte effettivamente eseguide, no quelle commutade..) e semo in Italia, per l'Ungheria 1849 , sempre regno de Franz Josef
questi xe i 13 capi della rivolta ungherese, giustiziai de Haynau
1. Arisztid Dessewffy (1802 – 1849)
2. Ernő Kiss (1799 – 1849)
3. Ernő Poeltenberg (1814 – 1849)
4. György Lahner (1795 – 1849)
5. Ignác Török (1795 – 1849)
6. János Damjanich (1804 – 1849)
7. József Nagy-Sándor (1804 – 1849)
8. József Schweidel (1796 – 1849)
9. Károly Knezich (1808 – 1849)
10. Károly Leiningen-Westerburg (1819 – 1849)
11. Károly Vécsey (1807 – 1849)
12. Lajos Aulich (1793 – 1849)
13. Vilmos Lázár (1815 – 1849)

stesso giorno, fucilado
Lajos Batthyány


( el tutto, contro i consigli del zar, che gaveva mandado el fio a Vienna per raccomandar la clemenza)

un tanto per ristabilir i dati, po le opinioni e le giustificazioni pol esser personali.


"mi credo che i scrivi sta roba per insempiar la gente" ( La Cittadella)
Avatar utente
ernesto93
Vilegiante
Vilegiante
Messaggi: 185
Iscritto il: mer 2 dic 2009, 19:08

Messaggio da ernesto93 »

un tanto per ristabilir i dati, po le opinioni e le giustificazioni pol esser personali.
varda, volevo fàr un discorso storico ma sembra che sia impossibile, e sta volta no te rispondo in privato risciando el flame, perchè tutto quèl che go scritto xe documentado e se servi posso documentàr ancora de più. Me sembra scorettissima l'allusion che mi buto dati del cavolo, tanto che serviria "ristabilir i dati" e anche sminuìr quel che scrivo parificandolo ad "opinione personale". Se go scritto fatti che no te quadra, disi de coss' che se tratta; se go espresso un'opinion che no te va ben, per favòr zerca de esser più precisa.

Cossa c'entra el 1948?

Stavimo parlando de la Prima Guerra Mondiàl o de cossa?

E se proprio te vol 'sto tipo de argomentazioni (questi iera più cativi, quei altri de più eccetera...) alora podessi domandarte se ghe gaveva prescritto el dotòr de stàr nell'Alleanza per oltre 30 anni. Ma lassemo perdèr per favòr, che queste xe ciacole de bar sport, che a mi no me interessa.

E giuro che continuo a no capìr sta visiòn sentimentale de la storia, i fati i xe fatti, come che mi no go problemi de contàr le malefatte de l'uno o dell'altro, me piasessi che te fazessi anche ti, e no saltàr fora ogni volta co' ste storie, perchè se la Storia disi che i 'taliani i ga fatto questo e quell'altro, la xe cussì, che a ti te piasi o meno.[/quote]


VetRitter
Citadin
Citadin
Messaggi: 1165
Iscritto il: mar 13 ott 2009, 16:25
Località: Piacenza (provincia)

Messaggio da VetRitter »

babatriestina ha scritto:
ernesto93 ha scritto: "le opinioni e le giustificazioni pol esser personali."
mi associo e rispetto le altrui.


Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

ernesto93 ha scritto: propaganda
provo a far un riassunto, con le mie interpretazioni personali.

Me sembra scorettissima l'allusion che mi buto dati del cavolo, tanto che serviria "ristabilir i dati" e anche sminuìr quel che scrivo parificandolo ad "opinione personale". Se go scritto fatti che no te quadra, disi de coss' che se tratta; se go espresso un'opinion che no te va ben, per favòr zerca de esser più precisa.

Cossa c'entra el 1948?

Stavimo parlando de la Prima Guerra Mondiàl o de cossa?


E giuro che continuo a no capìr sta visiòn sentimentale de la storia, i fati i xe fatti,
allora mi concordo perfettamente con ti che i fati xe fati e prendo atto che te ga scritto ti che
propaganda
provo a far un riassunto, con le mie interpretazioni personali.
e no xe question che me quadri o de visioni sentimentali o meno. Mi no go parlado del 1948 (??) ma de fatti del 1849 e successivi, perchè Francesco Giuseppe xe salido al trono el 2 dicembre 1848, e go zercado de ricordar de dove che ghe vegniva l'accusa de impiccator :ti te gavevi scritto che el ga impiccado solo 5 persone
i "martiri" giustiziadi iera solo 4: Battisti, Chiesa, Sauro, Filzi. Se volè zontarghe Oberdan, fa 5 in tutto.
questa xe la sola frase che critico , de tuto el tuo intervento

e me son permessa de ricordar che al principio del suo lungo regno ghe ne xe stadi impiccai una bona ventina de altri e el soprannome de impiccator no el se lo ga ciapado nella prima guerra mondial, ma i lo ga tirado fora per eventi dela sua prima parte de regno.

Poderia inveze semai, za che propio te me domandi, criticar la tua affermazion:
i italiani no xe mai stadi forti in Storia e Geografia,
che me par, almeno scritta cussì, un pregiudizio , un etnopaulismo, come che se diseva sora..
Mi no go fatto alcuna allusion a chi che iera più sanguinario, me son solo permessa de corregger el numero de 5 impiccai durante el regno de Franz Josef, per favor evita de leger in quel che scrivo quel che mi no go scritto.

Gavessi podudo, ammetto, esser più sintetica e dir semplicemente:
Se la propaganda ciamava Franz Josef impiccator, iera anche per fatti avvegnui al principio del suo lunghissimo regno, per cui no se trattava de solo 5.
perchè, come te disi giustamente ti, i stereoptipi ga spesso un fondo de verità
In tutti i stereotipi, xe sempre un piccolo fondo de verità


"mi credo che i scrivi sta roba per insempiar la gente" ( La Cittadella)
Avatar utente
ernesto93
Vilegiante
Vilegiante
Messaggi: 185
Iscritto il: mer 2 dic 2009, 19:08

Messaggio da ernesto93 »

Se la propaganda ciamava Franz Josef impiccator, iera anche per fatti avvegnui
ecco, messa cussì sarìa sta anche un argomento interessante de discuter. quel che te contesto, xe che ogni volta che salta qualcossa de storico a proposito dei italiani, te ga sempre de saltàr fòra portando altri esempi su robe che no c'entra o che c'entra poco. Parlemo pur de tutto, ma verzi altri post, casomai.
i italiani no xe mai stadi forti in Storia e Geografia,
no xe una generalizzaziòn, xe la constataziòn de una persona che ga vissù in tuti i posti dell'Italia. Che te credi o no, nela maggiòr parte del sud Italia, xe diffusissima la convinziòn che Trento e Trieste sia vizine, che el carso sia sotto dele dolomiti. E xe anche vero anche a proposito de la storia, almeno su quella della Prima Guerra, posso metter una màn sul fogo. Che ad esempio dell'ultima offerta de l'Austria, no sa nissun. Ma proprio nissun, esclusi quei pochi che se gà comprà i libri dove che i scrivi. Visto che i libri xe pochi, che i xe solo 4-5, dandoghe un audience de 10.000 copie per omo (che i faria salti de scimia de vender tanto), a ocio e crose podessi darse che sappi meno del 1 per mille della gente. Ti stessa no te savevi, prima che scrivessi mi qua. Mi ghe go domandà a tutti quei che conosso, no saveva nissùn.

Se gavessi dito che i americani no conossi la geografìa, anche quel saria stà giusto, perchè una volta frequentavo un sito americàn, dove te garantisso che la maggior parte de lori no gaveva alba de dove che iera l'Austria, i pensava che fussi l'abbreviaziòn de Australia. Me iero iscritto come Bin Loden e i me diseva assassìn. Mi ghe rispondevo che iero austriaco, che el mio nome iera Beniamino e che el Loden xe una specie de costume nazionale, ma niente de fàr, troppo complicato, i me parlava dei canguri.

E con questo no voio parlàr mal dei americani, solo dir che no i conossi certe robe e che no i le studia.


Avatar utente
macondo
Distinto
Distinto
Messaggi: 2669
Iscritto il: dom 25 dic 2005, 18:54
Località: London, UK

Messaggio da macondo »

Parlando de propaganda de la Grande Guera, ricordo che in quei anni in Inghiltera i diseva che i Tedeschi (Huns=Unni, i li ciamava) ghe taiava le man ai muleti in Belgio per evitar che de grandi i diventassi soldai. A partir de questo fatto (??!!), iera saltado fora un rumor che i magnava i fioi pici....Questo ultimo par che sia derivado de la legenda che Atila se gaveva magnado due fioi.
Ironicamente, ghe xe testimonianze che in Congo Belga iera proprio i soldai belgi del Re Leopoldo che ghe taiava le man ai fioi nei vilagi che no consegnava la quota de la goma natural.


Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

macondo ha scritto: ricordo che in quei anni in Inghiltera i diseva che i Tedeschi (Huns=Unni, i li ciamava) ghe taiava le man ai muleti in Belgio per evitar che de grandi i diventassi soldai. .
imagino che el ricordo se riferissi a tue letture e no a ricordi personali :-D :-D :-D

macondo ha scritto: A partir de questo fatto (??!!), iera saltado fora un rumor che i magnava i fioi pici....
quela de quei che magna i fioi la gavemo sentida ripeter anche più tardi.. :'-(

però che sia nate robe brutte al momento de l'invasion del Belgio ( Paese neutrale!) da parte dei Tedeschi no xe propaganda: riporto de un libro che me par abbastanza no schierado:
Stuart Robson la prima guerra mondiale Il Mulino 1998:
Di fronte alla resistenza dei civili, i tedeschi decisero di trattarli alla stregua di cecchini o di terroristi, e di giustiziarli per costringere gli altri alla resa. A Dinant 612 tra uomini, donne e bambini vennero fucilati nella piazza centrale: due giorni dopo la grande biblioteca di Lovanio fu data alle fiamme dalle truppe occupanti che seminarono il panico per 5 giorni. Successivamente gli inglesi avrebbero calcato la mano sulle "atrocità in Belgio"di agosto e settembre a fini di propaganda, a tal punto che successivamente si sarebbe arrivati a ritenere che fosse tutto una montatura. Tuttavia ciò non corrisponde al vero, perchè le atrocità ci furono, e rappresentarono un micidiale precedente per il resto del secolo.

L'autor a ogni frase zonta una breve bibliografia, che per brevità go taiado, ma se volè ve la riporto a richiesta, anglosassone prevalentemente; lu xe professor de storia ala Trent University Canada e se occupa de storie delle guerre mondiali e della Germania contemporanea.


"mi credo che i scrivi sta roba per insempiar la gente" ( La Cittadella)
Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

ernesto93 ha scritto:Che ad esempio dell'ultima offerta de l'Austria, no sa nissun. Ma proprio nissun, esclusi quei pochi che se gà comprà i libri dove che i scrivi.
però wikipedia, tanto bistrattada, nella pagina sulla neutralità:
http://it.wikipedia.org/wiki/Neutralit% ... 14-1915%29
riporta sto accenno:
tuttavia alla data della sottoscrizione del Patto di Londra tale esito era tutt’altro che scontato, come dimostrano le ultime proposte austriache, negoziate a partire dall’8 marzo certo, un link a ste proposte saria stado assai oppurtuno e inveze nisba!
mi quel che go letto abbastanza recentemente, e lo gavevo anche scritto xe che nel principio del maggio del 15 el esercito imaginava de dover intervegnir, ma no iera stado informado ancora de che parte ( però no ricordo el titolo del libro dove che go trovado.. ghe ne go letti tanti..)


"mi credo che i scrivi sta roba per insempiar la gente" ( La Cittadella)
Avatar utente
macondo
Distinto
Distinto
Messaggi: 2669
Iscritto il: dom 25 dic 2005, 18:54
Località: London, UK

Messaggio da macondo »

babatriestina ha scritto:
però che sia nate robe brutte al momento de l'invasion del Belgio ( Paese neutrale!) da parte dei Tedeschi no xe propaganda: riporto de un libro che me par abbastanza no schierado:
Stuart Robson la prima guerra mondiale Il Mulino 1998:
Di fronte alla resistenza dei civili, i tedeschi decisero di trattarli alla stregua di cecchini o di terroristi, e di giustiziarli per costringere gli altri alla resa. A Dinant 612 tra uomini, donne e bambini vennero fucilati nella piazza centrale: due giorni dopo la grande biblioteca di Lovanio fu data alle fiamme dalle truppe occupanti che seminarono il panico per 5 giorni. Successivamente gli inglesi avrebbero calcato la mano sulle "atrocità in Belgio"di agosto e settembre a fini di propaganda, a tal punto che successivamente si sarebbe arrivati a ritenere che fosse tutto una montatura. Tuttavia ciò non corrisponde al vero, perchè le atrocità ci furono, e rappresentarono un micidiale precedente per il resto del secolo.
Ghe xe un raporto american che dovessi confermar sti fatti:

http://www.firstworldwar.com/source/ger ... report.htm


Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

macondo ha scritto: Ghe xe un raporto american che dovessi confermar sti fatti:

http://www.firstworldwar.com/source/ger ... report.htm
el sito che te disi ga anche una pagina dedicada ara ti che stemo parlando, ai poster de guerra
http://www.firstworldwar.com/posters/index.htm
ma con prevalenza ai anglosassoni e ai prestiti de guerra


"mi credo che i scrivi sta roba per insempiar la gente" ( La Cittadella)
Avatar utente
Angiolina
ixolan
ixolan
Messaggi: 235
Iscritto il: lun 20 ott 2008, 21:04

Messaggio da Angiolina »

per la prima guerra mondiale l'ascolto dell'incontro tra Isnenghi, Sema e Stevenson è molto interessante
http://www.estoria.it/media/audio.htm
Serve anche a capire che la nostra storiografia è ottima su questo tema.


Avatar utente
ernesto93
Vilegiante
Vilegiante
Messaggi: 185
Iscritto il: mer 2 dic 2009, 19:08

Messaggio da ernesto93 »

grandiosa segnalaziòn, no conossevo sto Sito. adesso finirà che no me movo nianche de casa...


Avatar utente
Angiolina
ixolan
ixolan
Messaggi: 235
Iscritto il: lun 20 ott 2008, 21:04

Messaggio da Angiolina »

OT. Ernesto, non è che poi mi stai in casa e mi dai la colpa della tua "pigrizia", eh :lol: ?
Comunque spulcialo quel sito. Non so ancora cosa faranno quest'anno ma se è interessante e riesco voglio andarci. Per voi, poi, è una passeggiata arrivare a Gorizia.


Avatar utente
Angiolina
ixolan
ixolan
Messaggi: 235
Iscritto il: lun 20 ott 2008, 21:04

Messaggio da Angiolina »

ops :oops: forse pensavi a quello segnalato da baba. ma non fa niente: due è meglio di uno, inquesto caso :-D


Torna a “La prima guera mondial”