Annata bona?

[MULON]

Cossa disè dei greghi de sto ano?

[babatriestina]

no poso che dir "speremo", a volte i ne fa sperar propio ben e sul più bel i ghe ne beca una drio l'altra, che i ne fa ciapar paura de retrocession.. e alora i se impegna per bon

[MULON]

Varda,vado in stadio a vardar i greghi dall'86....non go mai visto una partida de serie A,go patì tanto per sti colori,soddisfazioni poche....ma co vedo quela maia in campo,passa tuto,anche se xe un'amichevole coi dilettanti.....

[babatriestina]

mi andavo prima, go visto la partida del 58 co i xe tornai in A ( Petris e Milani), li go visti nei anni 70 in serie D in derby col Ponziana e iero cussì avilida che ancora un poco e passavo a tifar Ponziana.. e po me ricordo quel maledetto campionato dei primi anni 80, De Falco, etc.. i stava per tornar in A e ala partida decisiva un de lori ga sbagliado un rigor decisivo.. e po xe vegnudo fora tuta la storia del calcio scommesse, e che forsi no iera un sbaglio.. ben de alora me go slavazzado... e li seguo solo che de lontan

[Capuzi garbi]

.. e po me ricordo quel maledetto campionato dei primi anni 80, De Falco, etc.. i stava per tornar in A e ala partida decisiva un de lori ga sbagliado un rigor decisivo.. e po xe vegnudo fora tuta la storia del calcio scommesse, e che forsi no iera un sbaglio..

De Giorgis gaveva sbaglia` contro el Monza....Ad ogni modo paregiando a casa coi lombardi nela penultima, e dopo, avendo perso a Campobasso per 1-0 nela ultima de campionato, no credo che i jera pronti mentalmente per far el grande salto. L'alenador Giacomini gaveva ameso tanto anche lui....Me par che la frase che'l gaveva usa` jera "Una squadra con problemi psicologici"...

Quel che me dispiasi de piu` xe co la squadra de Rossi, solo qualche ano fa, dopo un principio cussi` bel, la jera finida a remengo....

E ancora de piu` el squadron del 59-60...solo un punto de diferenza ne gaveva nega` la promozion....Arbitro Orlandini...va a remengo...la partida col Lecco doveva eser nostra....