Se gavè bisogno de bori...

[rofizal]

Se gavè bisogno de bori questa podesi eser una strada giusta, qualchedun la ga za seguida.
Ghe vol:

1) facia tosta, questa xe indispensabile

2) un poco de gusto, per indovinar cosa pol piaser ala gente

3) saver zogar col computer, per poder utilizar qualche programa adato

4) capir qualcosa, ma basta poco, de musica, note, ecc

Pe rintenderse, ve porto l'esempio de Eric Prydz: con questo brano che altro no xe che una version ritocada de “Another brick in the wall” dei Pink Floyd, el xe rimasto in testa al Global Dance Traxx (i tochi più baladi al mondo) per 14 setimane!! E el suo ultimo "Pjanoo" el xe in testa ale clasifiche inglesi de dance. El motivo condutor riva a 6 note?

Franco, ciol esempio!

[rofizal]

Ma forsi qualchedun preferiva veder questo video, sempre de Eric Prydz.
El brano xe una version (se fa per dir) de “Valerie” de Steve Winwood e anche qua Eric ga ragiunto le vete dele clasifiche (5 setimane in Gran Bretagna e 6 in germania).

Franco, se te fa dei video simili, mola un fiscio che venio a darte una man.

[rofizal]

(sempre per far bori) podesi organizar un corso de balo o de ginastica (dipendi dai punti de vista). Mi ve mostro sto video e voi fè. Naturalmente mi ve dago consigli e ve digo se ste fazendo ben, poi paso a incasar.... ma forsi xe meio che incasso prima, caso mai qualchedun/a me restasi un poco tropo "senza fià".