Quasi i tempi dela Dreher (e altre musiche del vecio Impero)

[rofizal]

Tra le canzonete che viene fora ogni tanto in tera miteleuropea, ghe ne xe più de qualcheduna che me ricorda i tempi dela vecia Dreher, la bireria dove se podeva sentir e cantar roba nostrana, che in ultima analisi la iera bastanza imparentada con quela dei nostri vicini del nord e de l'est (forsi per questo i la ga serada).

Ve paso alcuni video dei ultimi sucesi e poi vedè voi se no ghe saria stadi ben in quei nostri veci ambienti (mi me vedo za tuti davanti a un stival de bira che canta e ridi come mati ).

El primo xe caraterizado da quel ritornel "aleri iubi iuibi di" fato aposta per cantar tuti insieme. Per la cronaca, xe cantado da Jürgen e el brano xe "Immer wenn ich traurig bin, trink ich einen Korn" (ma xe scrito sora el video).



El secondo xe Markus Becker con "Hörst Du die Regenwürmer husten?" e anche qua, per chi no sa el tedesco, pol unirse al coro dei "la la la la la la la la".



Infine, se volè cantar ma no savè el tedesco, podè usar questo karaoke. Xe sempre Markus Becker con "Zehn Kleine Jägermeister". No so se el xe cusì recente, ma va ben lo steso.

"Anton aus Tirol" la ga qualche anno, ma val la pena ripropor questa version karaoke. Me par che la gabi qualche parola sbaiada, ma la xe proprio per birerie. Ve dago anche el video originale.

Qualchedun podesi anche far una version nostrana (in dialeto) de sti tochi. Saria un rinovar un poco dela nostra musica (certo che manca poi sempre la Dreher).

Per finir, per i "nostalgici":


Hessenmarsch e O Du mein Österreich


Kaiserjäger Marsch
Egerländer Marsch
Alt-Starhemberg-Marsch
Furchtlos und Treu
Radetzky-Marsch de Karajan
Radetzky-Marsch de Boskovsky no xe proprio un video, ma xe la miglior interpretazion
Erzherzog-Albrecht-Marsch
Rainer-Marsch

Per le birrerie (sai dificile de trovar):
Ein Prosit der Gemütlichkeit sepur non "professionale" me par la meio version esistente in rete, giusto per no dimenticarla
In München steht ein Hofbräuhaus
Gaudeamus Igitur el vecio ino universitario xe latino e no austro, ma el vien ancora cantado in tuto el mondo mentre da noi no me par de sentirlo più; vardè come tuti se alza in pie durante la sua esecuzion... e semo a Mosca
Oh du lieber Augustin! purtropo no son rivà a trovar un video miglior

[serlilian]

[AdlerTS]

.... ciamassi una bireta

[Ciancele]

Dopo la guera ‘ndavo ogni tanto ala Dreher. Ma credo che el suo periodo aureo la Dreher lo gabi ‘vudo dal 1943 al 1945, quando che la iera sempre piena de soldai che co’ i vigniva fora i andava a bisa boba (zigzagando) in caserma. Chi caminava drito gaveva ciapà la mira. Durrro. Una bireria, specialmente quele fora paese e picole, ga qua bona bira, un ristorantino indove che se pol magnar qualcosa e un giardin: Biergarten, dove che se pol però bever anca analcolici. Ma no li bevi nisun. I ga do vecie botiglie per rispetar la lege. No xe un ambiente per gente in cravata, in senso negativo, ma xe sempre alegria. Specialmente in Baviera. Go sentido che i la ga serada. Un dolor de cuor per un vecio triestin. Quela: Immer wenn ich traurig bin, dann trinke ich einen Korn. Und wenn ich ihn getrunken hab’, dann fange an von vorn (dopo averlo bevuto ricomincio da capo). Ma famosa iera anca una canzoneta, de tantisimi ani fa, che i dizeva che la cesa la gabi proibida: Schnaps, das war sein letztes Wort, dann trugen ihn die Eng’lein fort. (Ancora un grappino, sono state le sue ultime parole. Poi gli angelo lo portarono via). Qua se canta a Carneval: Drei Wochen war der Arme krank, jetzt säuft er wieder Gott sei Dank. (Era tre settimane ammalato, ora grazie al Cielo si ubriaca di nuovo).

[Rawa Ruska]

Mi me la ricordo piena de americani marineri, co nei ani 70 i sbarcava ancora in divisa. Go anche ciapà un mezo stramuson perché gavevo tentà de cucarghe un capelin...

Rawa Ruska