Roba de TLT (CdI) e altri documenti de una volta

Logo indove meter i ricordi e le memorie
Regole del forum
Collegamenti al regolamento del forum in varie lingue ed alle norme sulla privacy in italiano.
Avatar utente
AdlerTS
cavalier del forum
cavalier del forum
Messaggi: 9561
Iscritto il: mar 27 dic 2005, 21:35
Località: mail: adlerts[at]email.it

Anni 30

Messaggio da AdlerTS »

Fa sorrider Italia, in piedi !sulla lavagna sulla destra: i me disi che ogi i fioi non se alza più in pie gnanca co vien dentro el prof. :roll:

Immagine
Ultima modifica di AdlerTS il mer 18 ott 2006, 21:41, modificato 2 volte in totale.


Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

Ben, per cominciar me par che le aule sia ancora cussì, con la pitura gialeta o verdolina fin a una certa altezza; el rialzo ( predella, ghe xe un nome triestin?) ghe iera e forsi in certe scole xe ancora.. e crocifisso xe drio dela testa del maestro, el calendario , el ritratto .. ma chi xe, Vittorio Emanuele? el Duce? no arivo a capir..
la cattedra inveze no xe più cussì, adesso le xe tipo scrivania coi cassetti ( savessi che interessante che xe verzer i cassetti dele cattedre co se dividi l'aula con altri... ghe go trovado persin biceri de plastica sporchi de vin! :-D ), i banchi xe quei de co iero picia mi, due per due e col buso per l'inciostro, i muleti ga rigorosamente le braghette curte e la lavagna xe picia che adeso la ocupa tuto un lato de l'aula. Anche i quadri adesso xe passai de moda, là xe la Madonna Sistina de Raffaello che xe a Dresda. Una volta le Madonne de Raffaello, tipo la madonna della Seggiola iera dapertuto, me sa che le tegniva anche le portinere. per questo le xe passade un poco de moda.
Però i muleti no ga traverson...

( per el alzarse in pie, nei ultimi anni, ben, se se ghe fa capir che se ghe tien i lo fa ancora, de solito... bisogna fermarse in principio de l'aula e vardarli con aria de spetar, de solito i ghe ariva :-D )


Avatar utente
AdlerTS
cavalier del forum
cavalier del forum
Messaggi: 9561
Iscritto il: mar 27 dic 2005, 21:35
Località: mail: adlerts[at]email.it

Messaggio da AdlerTS »

Go fatto una scansion migliore e go sostituido la foto de classe.
Questo xe el dettaglio delle foto drio la cattedra.

Immagine


granzo

Messaggio da granzo »

AdlerTS ha scritto:Fa sorrider Italia, in piedi !sulla lavagna sulla destra: i me disi che ogi i fioi non se alza più in pie gnanca co vien dentro el prof. :roll:
Ale elementari i fioi ciama le maestre/maestri per nome, i ghe da del ti e i ghe dixi ciau, ma no i se alza. Ale medie inveze i prof i li ciama per cognome, i ghe da del lei e i se alza ogni volta che i riva in clase. Dopo no so se xe dapertuto cusi`...


Avatar utente
AdlerTS
cavalier del forum
cavalier del forum
Messaggi: 9561
Iscritto il: mar 27 dic 2005, 21:35
Località: mail: adlerts[at]email.it

Messaggio da AdlerTS »

Parlando sempre de fioi dei anni 30...
Allegati
20061019123622732_0001.jpg


Avatar utente
AdlerTS
cavalier del forum
cavalier del forum
Messaggi: 9561
Iscritto il: mar 27 dic 2005, 21:35
Località: mail: adlerts[at]email.it

Messaggio da AdlerTS »

Se trova ancora in giro scrite de quel periodo: a Monfalcon go trovado sto "Il duce d'Italia deve continuare a dominare sopra il mare ed il cielo".
Allegati
CIMG2144.JPG


Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

la vernice de una volta.. no i la fa più cussì bona :-D


Avatar utente
Nona Picia
cavalier del forum
cavalier del forum
Messaggi: 10977
Iscritto il: ven 20 gen 2006, 15:08
Località: Trieste - Rozzol

Messaggio da Nona Picia »

No xe più niente che sia cussì bon come le robe de una volta! :twisted: :twisted:


Ciao ciao
Trova un minuto per pensare, trova un minuto per pregare,
trova un minuto per ridere.
"MADRE TERESA"

"La Mama l’è talmen un tesor de valur che l’ha vorüda anche Noster Signur" .....
Capuzi garbi

Messaggio da Capuzi garbi »

Nona Picia ha scritto:No xe più niente che sia cussì bon come le robe de una volta! :twisted: :twisted:
Certe robe si, Nona Picia, ma no volessi viver durante el tempo che se inegiava a un (o piu`) ditator, co se risciava de morir per una semplice apendicite e la tubercolosi jera rampante e praticamente una condana a morte.

D'altro canto volessi tanto aver conossu` de persona Giuseppe Verdi e Garibaldi.

Ma nel'asieme se sta tanto mejo al giorno de ogi. Te se imagini scriverse eletronicamente anche solo trenta ani fa?

Un'altro sora pensier: Xe qualchidun che ga visto el film "Il violino rosso"?


nanaia
ixolan
ixolan
Messaggi: 468
Iscritto il: dom 6 ago 2006, 7:39
Località: trieste

tempi andati e moderni

Messaggio da nanaia »

Caro Capuzi Garbi, son d'acordo con ti: oggi xe tante robe che no va, ma tuto somà, se vivi meio soto tanti punti de vista. El guaio xe che emergi sempre el negativo, e demo per scontado el positivo :roll: e quando i tempi andadi coincidi con la nostra giovinezza.....addio obiettività! tutto par bellissimo come ierimo bellissimi noi e le nostre aspettative ...
Per quanto riguarda el film, no lo conosso: de cossa tratta?
Ciao
Nanaia


Avatar utente
Nona Picia
cavalier del forum
cavalier del forum
Messaggi: 10977
Iscritto il: ven 20 gen 2006, 15:08
Località: Trieste - Rozzol

Messaggio da Nona Picia »

Caro Capuzi, te ga ragion, ma mi me riferivo più che altro a come che i lavorava una volta rispeto a come che i lavora ogi. Una volta le robe iera fate per durar, adesso le xe fate per butarle via el giorno prima che te le compri!


Ciao ciao
Trova un minuto per pensare, trova un minuto per pregare,
trova un minuto per ridere.
"MADRE TERESA"

"La Mama l’è talmen un tesor de valur che l’ha vorüda anche Noster Signur" .....
Avatar utente
AdlerTS
cavalier del forum
cavalier del forum
Messaggi: 9561
Iscritto il: mar 27 dic 2005, 21:35
Località: mail: adlerts[at]email.it

Messaggio da AdlerTS »

Non vojo parlar de politica, ma veder scorci de Trieste nei anni 30: ghe xe sto video del Duce che va controman zo pel Corso e via Capitolina:

http://www.youtube.com/watch?v=Zx8yygWPCBg


refolo

Anni 30

Messaggio da refolo »

Mi' iero la' in P.zza Unita' sulle spalle de mio papa'. E della gente Che se vedi, non credo in in mezzo ghe iera nessun slavo-comunista!

Trieste xe sempre stata ITALIANISSIMA! con un gruppo de Pro-Contro.
niente altro.

Quel chel ga' dito o fatto, iera de pragmatica, quel Che xe subentra' dopo xe le conseguenze Del misleading de i soliti gruppi ANTI, che ga' gira' la brisiola.

Maria aka Refolo


Avatar utente
Larry
ixolan
ixolan
Messaggi: 480
Iscritto il: lun 2 gen 2006, 18:39
Località: Nord-Ovest Inghilterra

Messaggio da Larry »

8) 8) Refolo, Trieste non era mai stata Italiana che sino alla fine della prima guerra mondiale. Prima di quel jera Austriaco, e prima ancor di loro jera Sloveno.
Larry 8) :lol: :lol: :lol:


Auld acquaintance should ne'er be forgot
For the sake of auld lang's syne
ffdt
Eximio
Eximio
Messaggi: 3630
Iscritto il: dom 25 dic 2005, 0:15
Località: Trieste

Messaggio da ffdt »

Larry ha scritto:[...]prima ancor di loro jera Sloveno[...]
Larry, la slovenia xe un stato nato dopo de la WWII e 'l xe indipendente a partir de 'l 1991 ... trieste no podeva eser slovena prima che la slovenia existesi, come che no la podeva eser taliana prima che nasi l'italia

ghe sara` de sicuro stadi sloveni a trieste, cusi` come che ghe iera taliani, greghi, tedeschi, austriaci, veneti, croati, magiari, bulgari, ecc, ecc, ecc ... ma con ragionamenti tipo "se ghe iera sloveni alora iera slovenia" se fa solo che guere e pulizia etniche ... gavemo visto cua a rente de noi in te i ani pasadi

zerchemo de contignirse ... grassie

Ciau

Franco


refolo

anni 30

Messaggio da refolo »

cerchemo de contegnirse, come disi Franco! senza impizzar polemiche.
mettite a nanna con un bel bicier de alcohol...e dimentica

DA DOVE PROVEGNIVA LA TUA DEFUNTA MOGLIE!

Maria aka refolo


Ursus Canadiensis

Messaggio da Ursus Canadiensis »

Nel AD 1382, Trieste, no gavendo mai volù cosa gaver de far con Venezia, se ga aleado con l’Austria. L’aleanza jera volontaria sia dal’una che dal’altra parte, perquanto no vol dir che l’union jera tuta rose fiori, anzi i primi deceni la jera sai dificile. Dopo, le robe se ga calmado, specialmente una volta che sia l’Austria che i Triestine i se gaveva acorto del’imporftanza che el porto de Trieste gavesi podudo gaver. Un vantagio mutuo e una convivenza al’inizio dificile ma col tempo armoniosa.

No se devi dimenticar che xe i Hapsburg che i ga fato costruir el castel San Giusto (me par verso i 1480, ma mi e le date no ‘ndemo mai dacordo, xe quando che i ga cominciado e i lo ga finido un 150 ani dopo). E no se devi ganche dimenticar che la cità xe quel che la xe, un giojel de architetura grazie al’Austria.

Praticamente, fora che per le guere napoleoniche, co’ la jera ocupada dai Francesi che i la ga ritornada al nido dela galina con do’ teste, Trieste xe stada soto l’ala dela casa reale del’Austria, fin la fine dela prima guera mondiale.

Quando che l’Italia xe rivada a Trieste, la ga sistematicamente “italianizado” o almeno zercà de farlo tuti i asp[eti de vita a Trieste, cominciando con el governo municipali, el servizio burocratico dela cità. El municipio e el governo locale i jera un model de dover emular e no de ditrugerlo come che l’Italia ga fato come primo paso, pena entradi a Trieste. Sbatendo fora tuti i impiegati civili esistenti e rimpiazandoli con una banda de gente senza senza un piano e specialmente senza una propia scala jerarchica, dove se podeva determinar la responsabilità. D’altronde me domando se no jera propio la l’inizio tradizion portada avanti ancora ogi.

Perquanto riguarda letnicità de Trieste, i Sloveni i fa parte dela società triestina ne più ne meno che i Italiani o i Austriaci, per no parlar dei Ebrei. Sti quatro grupi etnici xe indivisibili nela cità. Contrastar chi geveva de più o de meno rapresentanti xe far gare de chi fa la pipì più lontan. No amnta a niente. I xe sempre stadi i quatro cepi dominanti dela complesa sociatà dela cità. La cultura, le lingue parlade, l’istorica mentalità bastanza generosa verso le altre culture e altre maniere de far (anche se ristreta dai tempi storici più o meno controladi dala cesa) xe tute idiosincrasi (idiosyncrasies?) che stabilisi Trieste come un’unica cità stato, totalmente diferente dele consorele italiane.

Xe apunto quela generosità verso el prosimo che ultimamente ghe ga costado l’indipendenza a Trieste, ma continuar su sto paso ne porta a un thread completamente diverente. In toto Austria e Trieste 520 ani de coesistenza. Trieste e Italia tra una roba e l’altra 83 ani.

Orso


refolo

anni 30

Messaggio da refolo »

torna un pocheto indrio, durante la popolarita' della so' nominata regina Austro-Francese Maria Antonietta e dopo te capira' el perche' i Francesi ga' fatto presa a Trieste......

I debiti xe stadi pagadi dai Americani, con la guerra del famoso La Faiette
Trieste xe stada sempre conpromessa per via dei Austriaci!

Non con questo dimostra quel che ga' ditto Larry che Trieste non xe Italiana ma Slovena.......te sta come sempre compromettendo due sezioni politiche che non tacca.

Maria aka Refolo


Ursus Canadiensis

Messaggio da Ursus Canadiensis »

Trieste no xe ne più ne meno slovena de quanto che la sia italiana. La ga la sua identità detada dal fato dela sua storica indipendenza.

Pur esendo stada parte del'Austria, la civiltà triestina se ga svilupado come una cultura aldelà dele menatlità ristrete a un o l'altro grupo etnico/religioso o linguistico, in quei tempi carateristiche in tante altre tere. Parlar Sloven o Italian o Tedesco jera semplicemente una maniera de esprimerse come l'altra. La gente conviveva senza farse tanti pensieri de cos'che jera l'un o l'altro. Forsi l'ecezion per un poco de tempo jera no eser Francesi o prima ancora Spagnoli.

Aparte quei do' o tre brevi periodi de ocupazion straniera Trieste xe stada sempre el model de generosità visavì i suoi grupi etnicolinguistici e religiosi. Xe solo la polemica de chi voleva per forza giustificar un anima "italiana" al'esclusion dei altri che ga causado magagne.

Orso


Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

Bisogna dir, el thread averto pol portar ale solite discussioni e al intervento dei soliti, che ripeterà sempre le proprie opinioni ( alquanto in disaccordo) e no convinzerà i altri.
Ocio a controllarve!!

Mi intervegno solo per puntualizzar qualche fatto sule vostre affermazioni:
el AD 1382, Trieste, no gavendo mai volù cosa gaver de far con Venezia, se ga aleado con l’Austria. L’aleanza jera volontaria sia dal’una che dal’altra parte, perquanto no vol dir che l’union jera tuta rose fiori, anzi i primi deceni la jera sai dificile.
se andè a legger el mio thread "Quante dedizioni?" vederè che el periodo iera molto difficile, no che Trieste no volega gaver a che far con Venezia, ma Venezia no accettava l'indipendenza de Trieste e la gavessi voluda gaver sotto el suo leon: ghe xe stade diverse "spontanee" dedizioni, in seguito a guerre, a Venezia, ai Asburgo ( no al Austria, che no esisteva allora, e no me ricordo gnanca se in quel momento el Asburgo de turno iera imperator), al patriarca de Aquileia.. ala fin i ga scelto el mal minor, sul "volontario", visto el mismas.. i ga capido solo che de soli no i podeva restar indipendenti.
e
Dopo, le robe se ga calmado, specialmente una volta che sia l’Austria che i Triestine i se gaveva acorto del’imporftanza che el porto de Trieste gavesi podudo gaver.
el dopo, ricordo che ghe ga voludo boni tre secoli per che i se inacorzi del porto de Trieste, e solo perchè cole guerre del settecento el Impero asburgico gaveva perso i porti dei Paesi Bassi
No se devi dimenticar che xe i Hapsburg che i ga fato costruir el castel San Giusto (me par verso i 1480, ma mi e le date no ‘ndemo mai dacordo, xe quando che i ga cominciado e i lo ga finido un 150 ani dopo). E no se devi ganche dimenticar che la cità xe quel che la xe, un giojel de architetura grazie al’Austria.
el Castel xe stado cominciado dei Veneziani, e no iera nè peri uni nè per i altri una decorazion, ma un simbolo de padronanza. Per l'architettura neoclassica ( che mi trovo bellissima) e quella successiva (che mi trovo orendamente pesante) no la xe stada fatta tanto de l'Austria quanto dei Triestini ( i novi), che, certo, xe vegnui qua grazie alla benevolenza de l'Austria e al intelligenza mai abbastanza lodada de Maria Teresa.
Perquanto riguarda l'etnicità de Trieste, i Sloveni i fa parte dela società triestina ne più ne meno che i Italiani o i Austriaci, per no parlar dei Ebrei. Sti quatro grupi etnici xe indivisibili nela cità
Ridurla a 4 gruppi etnici xe un ninin riduttivo: per comincial, no solo i Sloveni, ma un grupo consistente de Croati e Serbi ( detti "Illirici" allora) ga fatto una grossa parte nel commercio e nell'economia del Sette-Ottocento. E no te pol gnanca trascurar i Greghi, la comunità grega, che xe tuttora attiva in città, ga dado nel Settecento e Ottocento moltissimo alla città. El problema e i radighi, a mio modesto parer, xe stadi più linguistici che etnici, almeno fin che no xe vegnudi suso i diversi nazionalismi.
torna un pocheto indrio, durante la popolarita' della so' nominata regina Austro-Francese Maria Antonietta e dopo te capira' el perche' i Francesi ga' fatto presa a Trieste......

I debiti xe stadi pagadi dai Americani, con la guerra del famoso La Faiette
qua inveze semo fora strada: Maria Antonietta con Trieste no ga avudo gnente de far ( e se la gavessi scoltado de più sua mama saria stado meo, ma xe altri problemi, altre storie e, povera, la ga pagado essai caro de persona) I Francesi no ga fatto ssai presa a Trieste ( vedi el mio post sui Francesi a Trieste) perchè i ga soprattutto ciolto bori e bori e cola storia del blocco continental i ga danneggiado el porto. L'unica roba, i ga portado un poco de aria nova, de ciacole de democrazia, de libertà, de Liberté, égalité, fraternité, che in pratica no i ga ssai applicado ma che ga fatto cambiar el aria un poco dappertutto in Europa.
Per Lafayette e la Francia, che comunque anche qua no ga de far con Trieste, xe de dir che quela volta no iera i Americani che pagava, anzi: la Francia ga sostegnudo anche economicamente le colonie americane in rivolta con l'Inghilterra con l'idea de farghe rogne al tradizional nemico, e proprio le spese militari per sostegnir l'America ga contribuido a quel buso nel tesoro francese ( deficit) che xe stado una dele cause della rivoluzion francese


Torna a “Mio nono me contava che ...”