anatomia del porco: cossa xè l'ombolo?

[Franco]

Come da ogeto: so benisimo cossa che xè l'ombolo, e son bravisimo a magnarlo, ma in anatomia porzesca no son forte: che parte del porco xè l'ombolo?
Xè el fileto, come che me disi qualchedun?
O xè altro?

[serlilian]

Me par de si.

Vedemo se se trova qualcossa su google.

[serlilian]

Qua i parla de "filetto" e de "lombata".

http://www.my-personaltrainer.it/tabell ... MAIALE.htm

[AdlerTS]

doveria esser quel che qua scrivi lombata

[serlilian]

Però in maceleria te ghe domandi ombolo o fileto de manzo.
Gavè presente la fiorentina, con un picio osso a Y in mezo? De una parte xe el fileto e de l'altra xe el controfileto. Alora imagino che l'ombolo sia el fileto e la lombata sia el controfileto.
Bisogna domandarghe a un becher, per esser sicuri.

[babatriestina]

sì, xe interessante el uso del termino solo "ombolo". A casa mia iera sottinteso de manzo, ma per una mia conoscenta capodistriana xe sottinteso de porco.
Comunque ombolo dovessi esser una variante de lombata

[nonna ivana]

qui mi inserisco anch'io...scusate!
Mi fa venire proprio in mente e l'ho già tolto dallo scaffale, un manualetto di un Modenese che sforna da anni libelli su vari argomenti, molti in gran parte con contributi in dialetto, che si intitola:
"Tante Grazie Signor Porco" Giovanni Santunione; se interessa a qualcuno l'editore è il Fiorino, ed è piacevolissimo.


Il lombo, mi pare possa essere questa l'accezione, lo utilizzo parecchio nella mia cucina, soprattutto cotto, previa rosolatura, nel latte.


Buona giornata a tutti e buon periodo Natalizio!!!!

[sum culex]

Mi no me ne intendo sai e alora go ciolto i vocabolari del nostro dialeto: questo xè qule che i scrivi sul 'ombolo'.

Dal Doria
Ombolo sm. - 1) lombo, lombata, 2) (marin.) legnolo del cavo (Ivanissevich). Anche nombolo limitatamente al primo significato. // ombolo attestato anche nel veron. e nel fium., nombolo a Mgg., Capod., Pir., Port., Mont., Gr., e nel venez. Cfr. le varianti ombul (bisiacco), lombolo (Trieste , s. XV), nombul e lombul. Da lat. lumbulus (dimin. di mugl. lumbus); le forme iniztantisi per o- sono dovute, evidentemente, a deglutinazione dell'articolo.

Dal Rosamani
ombolo m. macell. lombo, lombata (parte dell'animale macellato che contiene uno dei lombi). V. lonza, lombo, -olo, nombolo, nombul, ombul.

Dal Pinguentini
OMBOLO - lombo, costata, braciola; dal latino "lumbus". Veronese "lombolo". In triestino ha perduto l'elle iniziale scambiata per articolo. In veneziano, per il solito fenomeno di mutazione, l'elle si è trasformata in 'n': "nombolo". Un bel ombolo de porco, co' le patatine frite: leccornia da far venire l'acquolina in bocca, anche ai dispeptici...

Se guardemo el Rosamani soto la parola fileto oltre ai tanti altri significati:
fileto m. ...... 2) (mac.) filetto (quel taglio del culaccioche resta sotto la groppa). (T.) Fileto de manzo. Dim. di filo (della schiena)......

Questo xè tuto quel che go trovà in riguardo al ombolo.
ciao
sum culex

[sum culex]

Me par che sta roba fussi stada meio soto 'el nostro dialeto', ma la go messa qua come risposta.
Eventualmente se pol spostar tuto.
ciao
sum culex

[serlilian]

Dal Pinguentini
OMBOLO - lombo, costata, braciola

Per mi el ombolo xe carne senza osso e la costata e la braciola xe col osso.

[serlilian]

Questo dovessi esser el lombo affumicado

[babatriestina]

Per mi el ombolo xe carne senza osso e la costata e la braciola xe col osso.

anche per mi.
E braciola in triestin xe brisiola
Resta el dubbio se ghe sia una convenzion per cui co se disi ombolo se sottintendi de porco o de manzo.
E se gavè notado, almeno mi che ciogo spesso carne alle coop, xe spesso carne de manzo che par de ombolo, taiada più alta, che costa de meno, con scritto sora "carne per tagliata" evidentemente no xe ombolo, visto el prezzo più basso. Che taio xe?

[serlilian]

E questo fresco

[serlilian]

Nel Cerca, scrivè: lombo e vien fora la foto.

[macondo]

Adesso cominco a esser un poco confuso...

El fileto del porco lo conosso e cussi le braciole, le cotolete ecc

Ma quando uno me disi, per esempio: "No vedo l'ora de tornar aTrieste e magnarme un bel piato de ombolo" mi no capisso. Peró go l'impresion che sia qualcosa che se taia a fetine come la copa, o el salame, la mortadela o persuto. Quando vivevo a Trieste no gavevo mai sentido parlar de l'ombolo

In questo caso, de che tipo de ombolo se trata?

[serlilian]

In Istria xe quel che per mi xe el fileto. I lo fa sugar un poco in cantina. Qualchedun lo involtiza nela redina de porco. I lo taia a fetine alte un mezo centimetro e dopo i lo scota in farsora con un poco de oio de oliva. Me par anche a mi che a Trieste no se usava,

[Franco]

Alora: son reduce da una magica giornada de metamorfosi de porco in luganighe...

Parlando col porziter, gò stabilì che l'ombolo xè el fileto (picio, bon, tenero: tanto che adeso speso i porziteri lo magna diretamente per merenda, cò se copa el porco - o almeno noi, ogi, gavemo fato merenda col fegato e con l'ombolo ... però de embolo xè rivà solo un tochetin a testa, mentre de fegato inveze uno podeva anche strafogarse... va ben, indiferente).

Però el termine ombolo vien usà speso (scoretamente) anche per indicar la lombata (che xè la parte vizin el carrè).

[Nona Picia]

E se gavè notado, almeno mi che ciogo spesso carne alle coop, xe spesso carne de manzo che par de ombolo, taiada più alta, che costa de meno, con scritto sora "carne per tagliata" evidentemente no xe ombolo, visto el prezzo più basso. Che taio xe?

Poderìa esser girello?

[Nona Picia]

A casa mia l'ombolo iera quel toco del manzo che i ciama anche filetto e che xe come quel del maiale, solo più grossetto.

[sum culex]

Dal Pinguentini
OMBOLO - lombo, costata, braciola

Per mi el ombolo xe carne senza osso e la costata e la braciola xe col osso.

Anche per mi xè la stessa roba. Quel che go riportà no xè farina del mio saco; go solo ricopià pari pari quel che go trovà scrito sui vocabolari, anche se no iero del tuto dacordo almeno con certe robe che i diseva.
ciao
sum culex