in origine- anni 50 col n 3 iera segnado un collegamento fra Prosecco e la Grotta Gigante, che ormai no percorri nissun a piedi.
El 3 va de Iamiano a Pesek, passando lungo el confin e sulle alture, o per lo meno con una variante su tutti i cimotti lungo el confin.
Vanto dei escursionisti xe aver fatto el 3 in giornata, anche se per farlo occori no fermarse a ammirar e de soltio aver chi che te vien a cior , perchè no xe molto comodo coi mezzi propri.
El sentier, proprio pe la vicinanza del confin, xe e soprattutto iera molto ben segnado. Forsi ghexe stado un periodo che se risciava de trovar clandestini.. adesso el solo riscio per i escursionisti a piedi xe de trovar ciclisti in mountainbike che soprattutto in riva in zo ghe va allegramente, e el sentiero no xe largo in molti tratti!
Proprio per la lunghezza, el ga diversi raccordi coi paesi per farlo a tratti.
Ieri go fatto un piccolo trato sora Malchina, col Monte Sambuco.
al bivio, raggiunto col raccordo, se trova appunto el segnal per arrivar a Malchina
se trova spesso le targhe che segnala la vicinanza del confin, che adesso no dà più problemi
anzi, la strada ex transconfinaria, serada per anni, per Goriansko corri dritta e rimessa a novo anch per i ciclisti
